ಸಾಹೋ ಸಿನಿಮಾ ಬಿಡುಗಡೆಗೆ ಕೆಲವೇ ದಿನ ಬಾಕಿ ಇರುವಂತೆಯೇ ಸಿನಿ ಪ್ರಿಯರ ಕಾತರ ಹೆಚ್ಚುತ್ತಿದೆ. ಪ್ರಭಾಸ್‌ ಅಭಿಮಾನಿಗಳು ತಮ್ಮ ಮೆಚ್ಚಿನ ನಟನಿಗೆ ವಿವಿಧ ರೀತಿಯಲ್ಲಿ ತಮ್ಮ ಅಭಿಮಾನ ಪ್ರದರ್ಶಿಸುತ್ತಿದ್ದಾರೆ.

ಈ ಸಿನಿಮಾ ಬಿಡುಗಡೆಯ ಹಿನ್ನೆಲೆಯಲ್ಲಿ ಅವರೀಗ ಹೈದ್ರಾಬಾದ್‌ನ ರಾಮೋಜಿ ಫಿಲ್ಮ್‌ ಸಿಟಿಯ ಹೊರಗೆ ಪ್ರಭಾಸ್‌ರ 70 ಅಡಿ ಎತ್ತರದ ಕಟೌಟ್‌ ಅಳವಡಿಸಿ ಗಮನ ಸೆಳೆದಿದ್ದಾರೆ. ಬಾಹುಬಲಿ ಸಿನಿಮಾ ಬಿಡುಗಡೆಯಾದಾಗಲೂ ಅಭಿಮಾನಿಗಳು ಪ್ರಭಾಸ್‌ರ ದೈತ್ಯ ಕಟೌಟ್‌ ಅಳವಡಿಸಿದ್ದರು.

ಸಾಹೋ ಸಿನಿಮಾದಲ್ಲಿಪ್ರಭಾಸ್‌ ಕಪ್ಪ ಡ್ರೆಸ್‌ನಲ್ಲಿರುವ ಚಿತ್ರವೊಂದನ್ನೇ ಈ ಕಟೌಟ್‌ಗೆ ಬಳಸಲಾಗಿದೆ. ಈ ಕಟೌಟ್‌ನ ಚಿತ್ರಗಳೀಗ ಸೋಷಿಯಲ್‌ ಮೀಡಿಯಾದಲ್ಲಿಹರಿದಾಡುತ್ತಿವೆ. ಪ್ರಭಾಸ್‌ ಜೊತೆ ಶ್ರದ್ಧಾ ಕಪೂರ್‌ ಕೂಡ ನಟಿಸುತ್ತಿರುವ ಈ ಸಿನಿಮಾದ ಟ್ರೇಲರ್‌ ಕೂಡಾ ಇತ್ತೀಟೆಗೆ ಬಿಡುಗಡೆಯಾಗಿ ಭಾರಿ ಸದ್ದು ಮಾಡಿದೆ. ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿಬಿಡುಗಡೆಯಾಗಲಿರುವ ಈ ಸಿನಿಮಾ ಆಗಸ್ಟ್‌ 30ರಂದು ಬಿಡುಗಡೆಯಾಗಲಿದೆ.
'ಸಾಹೋ' ಸಿನಿಮಾದ ಬಜೆಟ್ ಎಷ್ಟು? ಬೆಚ್ಚಿಬೀಳಿಸುವ ಉತ್ತರ ಕೊಟ್ಟ ಪ್ರಭಾಸ್