ಬ್ಯಾಟ್‌ವುಮನ್‌ ಸೀರೀಸ್‌ನಲ್ಲಿ ಗೇ ನಟಿ ರೂಬಿ ರೋಸ್‌

ಅಮೆರಿಕದ ಕಿರುತೆರೆಯಲ್ಲಿಮೂಡಿಬರಲಿರುವ ಮೊದಲ ಸೂಪರ್‌ಹೀರೊ ಸೀರೀಸ್‌ನಲ್ಲಿಜಗತ್ತಿನ ಮೊದಲ ಗೇ ನಟಿ ರೂಬಿ ರೋಸ್‌ ನಟಿಸಲಿದ್ದಾರೆ. ಬ್ಯಾಟ್‌ವುಮನ್‌ ಟೈಟಲ್‌ನ ಈ ಟೀವಿ ಸೀರೀಸ್‌ನಲ್ಲಿಅವರು ಬ್ಯಾಟ್‌ವುಮನ್‌ ಪಾತ್ರ ಮಾಡಲಿದ್ದಾರೆ. ಈ ಕುರಿತು ಮಾತನಾಡಿರುವ ರೂಬಿ, ಪ್ರತಿಯೊಬ್ಬರು ನಾನು ಸೂಪರ್‌ಹೀರೊ ಪಾತ್ರ ಮಾಡಬೇಕೆಂದು ಬಯಸುತ್ತಿದ್ದರು. ಅದಕ್ಕಾಗಿ ಈ ಚಾರಿತ್ರಿಕವಾದ ಪಾತ್ರ ಒಪ್ಪಿಕೊಂಡೆ ಎಂದಿದ್ದಾರೆ.

ಬ್ಯಾಟ್‌ವುಮನ್‌ ಪಾತ್ರ ವೈಯಕ್ತಿಕವಾಗಿಯೂ ನನಗೆ ತುಂಬಾ ಹತ್ತಿರವಾಗಿರುವಂಥದ್ದು. ಯಾಕೆಂದರೆ ನನ್ನಂತೆ ಅವಳು ಕೂಡ ತನ್ನ ಲಿಂಗದ ಬಗ್ಗೆ ತುಂಬಾ ಕಂಫರ್ಟ್‌ಬಲ್‌ ಆಗಿರುವವಳು. ಇಂಥ ಪಾತ್ರ ಮಾಡಲು ನಾನು ತುಂಬಾ ಕಾತರಳಾಗಿದ್ದೆ. ಈಗ ಆ ಸಮಯ ಬಂದಿದೆ. ಇದು ಗೇ ಸೂಪರ್‌ಹೀರೊಗಳ ಸಮಯ ಎಂದು ರೂಬಿ ರೋಸ್‌ ಹೇಳಿದ್ದಾರೆ. ದೀಪಿಕಾ ಪಡುಕೋಣೆ ನಟಿಸಿರುವ ಹಾಲಿವುಡ್‌ ಸಿನಿಮಾ ಎಕ್ಸ್‌ಎಕ್ಸ್‌ಎಕ್ಸ್‌ ಕ್ಸೆಂಡರ್‌ ಕೇಜ್‌ನಲ್ಲಿಕಾಣಿಸಿಕೊಂಡಿರುವ ರೂಬಿ ರೋಸ್‌ ಮೂಲತಃ ಆಸ್ಪ್ರೇಲಿಯಾದ ಖ್ಯಾತ ಮಾಡೆಲ್‌, ನಟಿ, ಗಾಯಕಿ ಮತ್ತು ಕಿರುತೆರೆ ಸಿಲೆಬ್ರಿಟಿ. ಬಾಲ್ಯದಲ್ಲಿಲೆಸ್ಬಿಯನ್‌ ಆಗಿದ್ದ ಇವರು ಆಮೇಲೆ ಗೇಯಾಗಿ ತಮ್ಮನ್ನು ಪರಿವರ್ತಿಸಿಕೊಂಡು ಜಗತ್ತಿನ ಮೊದಲ ಗೇ ನಟಿ ಎನಿಸಿಕೊಂಡಿದ್ದಾರೆ.