ಅವೆಂಜರ್ಸ್‌ ಎಂಡ್‌ಗೇಮ್‌ ಟಿಕೆಟ್‌ಗೆ ಡಿಮಾಂಡ್‌ ಮಾಸ್‌ ಬುಕಿಂಗ್‌ಗೆ ಕ್ರ್ಯಾಶ್‌ ಆದ ವೆಬ್‌ಸೈಟ್ಸ್‌

ಸಿನಿ ಪ್ರಿಯರು ಕಾತರದಿಂದ ಕಾಯುತ್ತಿರುವ ಹಾಲಿವುಡ್‌ನ ಅವೆಂಜರ್ಸ್‌ ಎಂಡ್‌ಗೇಮ್‌ ಸಿನಿಮಾ ಭಾರತದಲ್ಲಿ ಏಪ್ರಿಲ್‌ 26ರಂದು ಬಿಡುಗಡೆಯಾಗಲಿದ್ದು, ಅದರ ಪ್ರಿ ಟಿಕೆಟ್‌ ಬುಕಿಂಗ್‌ಗೆ ಜನರು ಈಗಲೇ ಮುಗಿಬಿದ್ದಿದ್ದಾರೆ. ಈ ಸಿನಿಮಾದ ಟಿಕೆಟ್‌ಗಳು ತಾತ್ಕಾಲ್‌ ಟಿಕೆಟ್‌ಗಳಿಗಿಂತಲೂ ವೇಗವಾಗಿ ಮಾರಾಟವಾಗುತ್ತಿವೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಜನರು ಕಾಮೆಂಟ್‌ ಮಾಡುತ್ತಿದ್ದಾರೆ. ಭಾರತದೆಲ್ಲೆಡೆ ಜನರು ಫಸ್ಟ್‌ ಡೇಯ ಫಸ್ಟ್‌ ಶೋನ ಮಾಸ್‌ ಬುಕಿಂಗ್‌ಗೆ ಮುಗಿ ಬಿದ್ದ ಕಾರಣ ಟಿಕೆಟ್‌ ವಿತರಿಸುವ ಬಹುತೇಕ ವೆಬ್‌ಸೈಟ್‌ಗಳು ಕ್ರ್ಯಾಶ್‌ ಆಗಿವೆ.

ಜನರು ಒಂದೇ ಬಾರಿಗೆ ಟಿಕೆಟ್‌ ಬುಕ್‌ ಮಾಡಲು ಪ್ರಯತ್ನಿಸಿದ ಕಾರಣ ಬುಕ್‌ಮೈಶೋ, ಪೇಟಿಎಂ ಮುಂತಾದ ವೆಬ್‌ಸೈಟ್‌ಗಳು ಅಲ್ಪ ಕಾಲಕ್ಕೆ ಸ್ಥಗಿತಗೊಂಡಿದ್ದವು. ಟಿಕೆಟ್‌ ಸಿಗದೆ ನಿರಾಶರಾದ ಕೆಲವು ಜನರು ಸೋಷಿಯಲ್‌ ಮೀಡಿಯಾದಲ್ಲಿ ಈ ಬಗ್ಗೆ ಮೆಮೆ, ಜೋಕ್‌ ಇತ್ಯಾದಿಗಳನ್ನು ಪೋಸ್ಟ್‌ ಮಾಡಿದ್ದಾರೆ.