ಜನರ ಕಣ್ಣಲ್ಲಿ ವಿಲನ್ ಆಗಿದ್ದ ಹಿಮಾಂಶ್ ಕೊಹ್ಲಿ
ಮ್ಯೂಸಿಕ್ ಆಲ್ಬಂ, ಸಿನಿಮಾಗಳಲ್ಲಿ ನಟಿಸಿದ್ದಕ್ಕಿಂತ ಹೆಚ್ಚಾಗಿ ವೈಯಕ್ತಿಕ ಬದುಕಿನಿಂದಾಗಿ ಹಿಮಾಂಶ್ ಕೊಹ್ಲಿ ಸುದ್ದಿಯಾಗಿದ್ದರು. ಇದಕ್ಕೆ ಕಾರಣ ಇವರ ಮತ್ತು ನೇಹಾ ಪ್ರೀತಿ. 'ಹೃದಯವಿಲ್ಲದ ಬಾಯ್‌ಫ್ರೆಂಡ್‌' ಎಂದು ಹಿಮಾಂಶ್ ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದರು. ಇದು ಅವರ ಬದುಕಿನ ಅತ್ಯಂತ ಕಷ್ಟದ ಸಮಯವಾಗಿತ್ತು. ಇದರ ಬಗ್ಗೆ ಹಿಮಾಂಶ್ 'ಬೆಂಗಳೂರು ಟೈಮ್ಸ್' ಜೊತೆ ಮನಬಿಚ್ಚಿ ಮಾತನಾಡಿದ್ದಾರೆ.
ನಿಮ್ಮ ಕೆಲಸಕ್ಕಿಂತ ನಿಮ್ಮ ವೈಯಕ್ತಿಕ ಬದುಕಿನ ಬಗ್ಗೆ ಸುದ್ದಿ ಹೆಚ್ಚಾಯ್ತು ಅಂತ ಅನಿಸಿತೇ?
ಹೌದು, ಜನರು, ಮಾಧ್ಯಮ ಕೂಡ ಇಂದಿಗೂ ನನ್ನನ್ನು ನೇಹಾ ಕಕ್ಕರ್ ಮಾಜಿ ಪ್ರಿಯಕರ ಎಂದು ಸಂಭೋದಿಸುತ್ತಿವೆ. ನಾನೊಬ್ಬ ವ್ಯಕ್ತಿಯ ಜೊತೆ ರಿಲೇಶನ್‌ಶಿಪ್‌ನಲ್ಲಿದ್ದೆ. ಹೀಗಾಗಿ ಅವರ ಜೊತೆ ನನ್ನನ್ನು ಲಿಂಕ್ ಮಾಡಿ ಮಾತನಾಡೋದು ಸಹಜ ಎಂದು ಭಾವಿಸುತ್ತೇನೆ. ನನ್ನ ಸಿನಿಮಾಗಳಲ್ಲಿ ಅವರು ಹಾಡಿದ್ದಾರೆ. ನಾನು ಸಿನಿಮಾ ಮಾಡಿದ್ದೇನೆ,ನನಗೂ ಕೂಡ ಐಡೆಂಟಿಟಿ ಇದೆ. ಸಿನಿಮಾ ಮೂಲಕವೇ ಇಬ್ಬರ ಪರಿಚಯ ಆಗಿದ್ದು. ನಾನು ನಮ್ಮಿಬ್ಬರ ಸಂಬಂಧವನ್ನು ಗಂಭೀರವಾಗಿ ಪರಿಗಣಿಸಿದ್ದೆ, ಮುಂದಿನ ದಿನಗಳಲ್ಲಿ ಮದುವೆ ಆಗಬೇಕು ಎಂದುಕೊಂಡಿದ್ದೆವು.
ಮದ್ಯಪಾನ ತಪ್ಪಲ್ಲ; ಸೇವಿಸಿ ಕೆಟ್ಟ ಕೆಲಸ ಮಾಡುವುದು ತಪ್ಪು: ನೇಹಾ ಕಕ್ಕರ್
ನೇಹಾ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕಿದ್ರೆ, ನಾನು ಟ್ರೋಲ್ ಆಗ್ತಿದ್ದೆ; ಹಿಮಾಂಶ್
ನಿಮ್ಮಿಬ್ಬರ ಬ್ರೇಕಪ್ ತುಂಬ ಕೆಟ್ಟದಾಗಿ ಕೊನೆಗಾಣಿತು.
ಸತ್ಯ, ಇದು ನನಗೆ ಇನ್ನಷ್ಟು ಕಷ್ಟವಾಯ್ತು. ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರೂ ನನ್ನನ್ನು ಶಪಸಿದರು. 2018ರಲ್ಲಿ ನೇಹಾ ಹಾಕಿದ ಪೋಸ್ಟ್ ನೋಡಿ ಬಹುತೇಕರು ನನ್ನನ್ನು ಬೈಯ್ದರು. ಯಾರೊಬ್ಬರಿಗೂ ನಿಜಾಂಶ ಬೇಕಿರಲಿಲ್ಲ. ಎಲ್ಲರ ಕಣ್ಣಿಗೆ ನಾನು ವಿಲನ್ ಆಗಿದ್ದೆ. ಹೀಗಾಗಿ ತುಂಬ ಬೇಸರ ಆಯ್ತು. ನೇಹಾ ಕಕ್ಕರ್ ಪೋಸ್ಟ್ ನೋಡಿದಮೇಲೆ ಜನರು ಅವರವರ ನಿರ್ಧಾರಕ್ಕೆ ಬಂದ್ರು. ಟಿವಿ ಶೋನಲ್ಲಿ ನೇಹಾ ಅತ್ತಿದ್ದಕ್ಕೆ ಎಲ್ಲರೂ ನನ್ನನ್ನು ದೂಷಿಸಿದರು. ನನಗೂ ಆಗ ಅಳಬೇಕಿತ್ತು ಎನಿಸಿತ್ತು. ನನಗೂ ಕೂಡ ಒಂದು ಪೋಸ್ಟ್ ಹಾಕಬೇಕು ಎನಿಸಿತ್ತು. ಆದರೆ ನಾನು ಪ್ರೀತಿಸಿದ ವ್ಯಕ್ತಿಯ ವಿರುದ್ಧವಾಗಿ ಹೇಗೆ ಬರೆಯಲಿ ಎಂದು ಸುಮ್ಮನಾದೆ. ಅದು ನನ್ನ ಪ್ರೀತಿಯ ವ್ಯಾಖ್ಯೆಯಾಗಿರಲಿಲ್ಲ. ಇಂದಿಗೂ ಕೂಡ ನಾನು ಯಾಕೆ ಈ ರೀತಿ ಮಾಡಿದೆ ಎಂದು ಅವಳನ್ನು ನಾನು ಪ್ರಶ್ನಿಸಿಲ್ಲ.
ಇಂಡಿಯನ್‌ ಐಡಲ್‌ ಸೀಸನ್‌ 2' ಮೂಲಕ ಪರಿಚಿತವಾದ ಗಾಯಕಿ
ಸಿಕ್ಕಾಪಟ್ಟೆ ಪ್ರೀತಿ ಮಾಡುತ್ತಿದ್ದ ಈ ಜೋಡಿ ಬೇರೆಯಾಗಿದ್ದು ಏಕೆ?
ಪ್ರೀತಿ ಮುರಿದುಬೀಳಲು ಕಾರಣ ಏನು?
ಇದಕ್ಕೆ ತುಂಬ ಕಾರಣವಿದೆ. ನನಗೆ ಈ ಬಗ್ಗೆ ಮಾತನಾಡಲು ಇಷ್ಟ ಇಲ್ಲ. ಆದರೂ ಅವಳಿಗೆ ನಮ್ಮ ಪ್ರೀತಿ ಮುಂದುವರಿಸಲು ಇಷ್ಟ ಇರಲಿಲ್ಲ. ಹೀಗಾಗಿ ಪರಸ್ಪರ ಇಬ್ಬರೂ ಬೇರೆಯಾದೆವು. ಇದು ಅವಳ ನಿರ್ಧಾರವಾಗಿತ್ತು. ನಾನು ಅದನ್ನು ಗೌರವಿಸುತ್ತೇನೆ. ಆದರೆ ಅವಳು ಪ್ರತಿಸಲ ಪೋಸ್ಟ್ ಹಾಕಿದಾಗ ಜನರ ಕಣ್ಣಲ್ಲಿ ನಾನು ವಿಲನ್ ಆಗುತ್ತಿದ್ದೆ.
ಲವ್ ಬ್ರೇಕಪ್ ನೋವು, ಟ್ರೋಲ್‌ಗಳನ್ನು ಹೇಗೆ ನಿಭಾಯಿಸಿದ್ರಿ?
ರಜಾ ತೆಗೆದುಕೊಂಡು ಸಹೋದರಿ ಜೊತೆಗೆ ಲಂಡನ್‌ಗೆ ತೆರಳಿದೆ. ಅವಳ ನಡವಳಿಕೆಯಿಂದ ನಾನು ಪ್ರತಿಸಲ ಟ್ರೋಲ್ ಆಗುತ್ತಿದ್ದೆ. ಅವಳನ್ನಿಟ್ಟುಕೊಂಡು ನನ್ನನ್ನು ಜನರು ಯಾಕೆ ಇಷ್ಟೊಂದು ಬೈಯ್ಯುತ್ತಿದ್ದಾರೆ ಎಂದು ಅರ್ಥ ಆಗುತ್ತಿರಲಿಲ್ಲ. ಅವಳ ಪರಿಚಯ ಆಗೋದಿಕ್ಕೂ ಮುನ್ನ ನಾನು ನಾಲ್ಕು ಸಿನಿಮಾ ಮಾಡಿದ್ದೆ, ಹಣ ಗಳಿಸುತ್ತಿದ್ದೆ. ಅವಳ ಶೋಗಳಿಗೋಸ್ಕರ ನಾನು ಕೂಡ ಅವಳ ಜೊತೆ ಟ್ರಾವೆಲ್ ಮಾಡುತ್ತಿದ್ದೆ. ನಾನು ಅವಳಿಗೆ ಮೋಸ ಮಾಡಿಲ್ಲ ಎಂದು ಅವಳೇ ಸ್ಪಷ್ಟೀಕರಣ ನೀಡಿದ ನಂತರದಲ್ಲಿ ಜನ ನನ್ನನ್ನು ನಂಬಲಾರಂಭಿಸಿದರು ಎಂದು ನಾನು ಭಾವಿಸುತ್ತೇನೆ. ಸೋಶಿಯಲ್ ಮೀಡಿಯಾದಲ್ಲಿ ಅವಳ ಜೊತೆ ಡೇಟ್ ಮಾಡಿದ ಸಂದರ್ಭದಲ್ಲಿ ಹಾಕಿದ್ದ ಪೋಸ್ಟ್‌ಗಳನ್ನು ನಾನು ಇಂದಿಗೂ ಡಿಲೀಟ್ ಮಾಡಿಲ್ಲ. ಒಳ್ಳೆಯ ನೆನಪುಗಳನ್ನು ಅಳಿಸಿಹಾಕೋದು ಬೇಡ ಎಂದು ಸುಮ್ಮನಾಗಿದ್ದೇನೆ.