ಡ್ರಾಮಾ ರಾಣಿ ರಾಖಿ ಸಾವಂತ್ ಹನಿಮೂನ್ ಚಿತ್ರಗಳು ವೈರಲ್

ಬಾಲಿವುಡ್ ನಟಿ ಹಾಗೂ ರಿಯಾಲಿಟಿ ಟಿವಿ ಸ್ಟಾರ್ ರಾಖಿ ಸಾವಂತ್ ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟಿದ್ದು ಗೊತ್ತೇ ಇದೆ. ಯುಕೆ ಮೂಲದ ಅನಿವಾಸಿ ಭಾರತೀಯ ರಿತೇಶ್‌ರನ್ನು ವರಿಸಿದ್ದಾರೆ ರಾಖಿ ಸಾವಂತ್. ಸದ್ಯಕ್ಕೆ ಹನಿಮೂನ್ ಸಂಭ್ರಮದಲ್ಲಿರುವ ರಾಖಿ ಸಾವಂತ್ ಅದಕ್ಕೆ ಸಂಬಂಧಿಸಿದ ಒಂದಷ್ಟು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಇದೀಗ ಹನಿಮೂನ್ ಚಿತ್ರಗಳ ಮೂಲಕ ಅಭಿಮಾನಿಗಳನ್ನು ಕೆಣಕಿದ್ದಾರೆ ರಾಖಿ ಸಾವಂತ್. ಸಾಮಾಜಿಕ ಮಾಧ್ಯಮದಲ್ಲಿ ಬಾತ್‍ಟಬ್ ಫೋಟೋಗಳನ್ನು ಹಂಚಿಕೊಂಡಿದ್ದು ವೈರಲ್ ಆಗಿವೆ. ಕಾಂಟ್ರೊವರ್ಸಿ ಕ್ವೀನ್ ಎನ್ನಿಸಿಕೊಂಡಿರುವ ರಾಖಿ ಸಾವಂತ್‌ಗೆ ಎಲ್ಲರ ಗಮನಸೆಳೆಯುವುದು ಹೇಗೆ ಎಂಬ ಕಲೆ ಚೆನ್ನಾಗಿ ಕರಗತವಾಗಿದೆ.

ಇಲ್ಲಿ ಹಂಚಿಕೊಂಡಿರುವುದು ಹನಿಮೂನ್ ಫೋಟೋಗಳಾದರೂ ಎಲ್ಲೂ ಅವರ ಗಂಡನ ಸುಳಿವಿಲ್ಲ. ಬಹುಶಃ ಈ ಫೋಟೋಗಳನ್ನು ಅವರ ಗಂಡನೇ ತೆಗೆದಿರಬೇಕು ಅನ್ನಿಸುತ್ತದೆ. ಒಬ್ಬಳೇ ನಿಂತು ನಾನಾ ಭಂಗಿಯಲ್ಲಿ ಪೋಸ್ ನೀಡಿದ್ದಾರೆ. ಮುಖ್ಯವಾಗಿ ಬಾತ್‌ ಟಬ್‌ನಲ್ಲಿ ನೊರೆ ಎಬ್ಬಿಸಿ ನೀಡಿರುವ ಫೋಟೋಗಳು ಮಾತ್ರ ಎಲ್ಲರ ಗಮನಸೆಳೆದಿವೆ.

ತುಂಡುಡುಗೆ, ಹಣೆಗೆ ಕುಂಕುಮ, ಕೊರಳಿಗೆ ಮಾಂಗಲ್ಯ ಧರಿಸಿರುವ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. "ನನಗೆ ತುಂಬಾ ಭಯವಾಯಿತು. ನಾನು ಮದುವೆಯಾಗಿದ್ದೇನೆ. ನನ್ನ ಗಂಡನ ಹೆಸರು ರಿತೇಷ್. ಅವರದು ಯುಕೆ. ಮದುವೆ ಬಳಿಕ ಅವರು ಯುಕೆ ಹೊರಟು ಹೋಗಿದ್ದಾರೆ. ನನ್ನ ವೀಸಾ ಬರಬೇಕಿದೆ. ಆ ಪ್ರಕ್ರಿಯೆ ಮುಗಿದ ಬಳಿಕ ನಾನು ಅವರ ಬಳಿಗೆ ಹೋಗುತ್ತೇನೆ. ಅಲ್ಲೇ ನೆಲೆಗೊಳ್ಳುತ್ತೇನೆ" ಎಂದಿದ್ದಾರೆ ರಾಖಿ ಸಾವಂತ್" ಎಂದು ತನ್ನ ಮದುವೆ ಬಗ್ಗೆ ಹೇಳಿದ್ದರು.

"ಮುಂದೆ ಟಿವಿ ಶೋಗಳನ್ನು ನಿರ್ಮಿಸಬೇಕು ಎಂಬುದು ನನ್ನ ಕನಸು. ಅದು ನಿಜವಾಗಲಿದೆ. ನನಗೆ ಅದ್ಭುತವಾದ ಗಂಡನನ್ನು ಕೊಟ್ಟಿದ್ದಕ್ಕೆ ಆ ದೇವರಿಗೆ ಕೃತಜ್ಞಳಾಗಿದ್ದೇನೆ. ಪ್ರಭು ಚಾವ್ಲಾ ಜತೆಗೆ ನನ್ನ ಮೊದಲ ಸಂದರ್ಶನ ನೋಡಿದ ದಿನದಿಂದ ಅವರು ನನ್ನ ಅಭಿಮಾನಿ. ಆಗಲೇ ನನಗೆ ಮೆಸೇಜ್ ಮಾಡಿದ್ದರು. ಆಗಲೇ ನಾನು ಮೊದಲ ಸಲ ಮಾತನಾಡಿದ್ದೆ. ಒಂದೂವರೆ ವರ್ಷದ ಹಿಂದೆ ನಡೆದ ಕಥೆ ಇದು. ರಿತೇಶ್ ಬಗ್ಗೆ ಸಂಪೂರ್ಣ ಗೊತ್ತಾದ ಬಳಿಕ ಆತನ ಪತ್ನಿಯಾಗಬೇಕೆಂದು ದೇವರಲ್ಲಿ ಪ್ರಾರ್ಥಿಸಿದೆ. ಆ ಕನಸು ನೆರವೇರಿದೆ" ಎಂದು ರಾಖಿ ಸಾವಂತ್ ಹೇಳಿದ್ದಾರೆ. [ಮದುವೆ ಆಗಿದೆ ಎಂದು ಕಡೆಗೂ ಒಪ್ಪಿಕೊಂಡ ನಟಿ]