ರೂ.500 ಬಜೆಟ್ 'ರಾಮಾಯಣ'ದ ರಾಮ-ಸೀತೆಯಾಗಿ ಹೃತಿಕ್-ದೀಪಿಕಾ?

ಟಾಲಿವುಡ್‌ನ ಖ್ಯಾತ ನಿರ್ಮಾಪಕ ಹಾಗೂ ಗೀತಾ ಆರ್ಟ್ಸ್ ಮುಖ್ಯಸ್ಥರಾದ ಅಲ್ಲು ಅರವಿಂದ ರಾಮಾಯಣ ಕಥೆಯನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಿರ್ಮಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಶ್ರೀರಾಮನ ಪಾತ್ರದಲ್ಲಿ ಬಾಲಿವುಡ್ ಗ್ರೀಕ್ ಗಾಡ್ ಹೃತಿಕ್ ರೋಷನ್ ಕಾಣಿಸಲಿದ್ದಾರೆ ಎಂಬ ಸುದ್ದಿ ಬಾಲಿವುಡ್‌ನಲ್ಲಿ ಜೋರಾಗಿ ಕೇಳಿಬರುತ್ತಿದೆ.

ಇಂತಹ ಭಾರಿ ಪ್ರಾಜೆಕ್ಟ್‌ನಲ್ಲಿ ಅಭಿನಯಿಸಲು ಹೃತಿಕ್ ರೋಷನ್ ಕೂಡಲೆ ಅಂಗೀಕರಿಸಿದ್ದಾರೆ ಎನ್ನಲಾಗಿದೆ. ಇನ್ನೊಂದು ಕಡೆ ಸೀತೆ ಪಾತ್ರಕ್ಕಾಗಿ ದೀಪಿಕಾ ಪಡುಕೋಣೆ ಅಥವಾ ನಯನತಾರಾ ಅಥವಾ ಅನುಷ್ಕಾರನ್ನು ಆಯ್ಕೆ ಮಾಡುವ ಸಾಧ್ಯತೆಗಳಿವೆ ಎಂದಿವೆ ಮೂಲಗಳು. [ಚಟ್ನಿ ಮೀಮ್‌ಗೆ ತಿರುಗೇಟು ನೀಡಿದ ದೀಪಿಕಾ ಪಡುಕೋಣೆ]

ಆದರೆ ಇದೆಲ್ಲಾ ಎಷ್ಟರ ಮಟ್ಟಿಗೆ ನಿಜ? ಎಂಬ ಬಗ್ಗೆ ಚಿತ್ರತಂಡದಿಂದ ಯಾವುದೇ ಅಧಿಕೃತ ಮಾಹಿತಿ ಇಲ್ಲ. ರಾಮಾಯಣವನ್ನು 3ಡಿ ರೂಪದಲ್ಲಿ ತೆರೆಗೆ ತರಲು ಚಿತ್ರತಂಡ ನಿರ್ಧರಿಸಿದೆ. ಮೂರು ಭಾಗಗಳಲ್ಲಿ ಈ ಚಿತ್ರವನ್ನು ನಿರ್ಮಿಸಲಾಗುತ್ತಿದೆ. ಮಧು ಮಂತೆನ, ನಮಿತ್ ಮಲ್ಹೋತ್ರಾ, ಅಲ್ಲು ಅರವಿಂದ್ ಈ ಭಾರಿ ಪ್ರಾಜೆಕ್ಟ್ ನಿರ್ಮಿಸುತ್ತಿದ್ದಾರೆ. [ನಟಿ ದೀಪಿಕಾ ಪಡುಕೋಣೆ ಸಿಲ್ವರ್ ಪ್ಯಾಂಟ್ ಬೆಲೆ ಬಹಿರಂಗ]

ದಂಗಲ್ ಖ್ಯಾತಿಯ ನಿತೀಶ್ ತಿವಾರಿ, ಮಾಮ್ ಖ್ಯಾತಿಯ ರವಿ ಉದ್ಯಾವರ್ ನಿರ್ದೇಶನದ ಸಾರಥ್ಯ ಈ ಚಿತ್ರಕ್ಕಿದೆ. ಈ ಚಿತ್ರದ ಮೊದಲ ಭಾಗ 2021ಕ್ಕೆ ತೆರೆಕಾಣಲಿದೆ. ಪಾತ್ರವರ್ಗ, ಇತರೆ ತಾಂತ್ರಿಕ ಬಳಗ, ಸಿನಿಮಾ ಚಿತ್ರೀಕರಣ ಮುಂತಾದ ಸಂಗತಿಗಳು ಶೀಘ್ರದಲ್ಲೇ ಹೊರಬೀಳಲಿದೆ. ಅಂದಹಾಗೆ ಇದು ₹ 500 ಕೋಟಿ ಬಜೆಟ್ ಸಿನಿಮಾ ಎನ್ನಲಾಗಿದೆ.