ಮಾಜಿ ಪತ್ನಿ ಜತೆ ಪಾರ್ಟಿಗೆ ಬಂದ ಹೃತಿಕ್

ಬಾಲಿವುಡ್‌ನ ಲವ್ಲೀ ಜೋಡಿ ಎನಿಸಿಕೊಂಡಿದ್ದ ಸುಸಾನೆ ಖಾನ್ ಮತ್ತು ಹೃತಿಕ್‌ ರೋಷನ್‌ ವಿಚ್ಛೇದನದ ಬಳಿಕ ಇತ್ತೀಚಿನ ದಿನಗಳಲ್ಲಿ ಜತೆ-ಜತೆಯಲ್ಲಿ ಕಾಣಿಸಿಕೊಳ್ಳುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ.

ವಿಚ್ಛೇದನ ಬಳಿಕವೂ ಮಕ್ಕಳಿಗೆ ಉತ್ತಮ ಪೋಷಕರಾಗಿ ಇರಲು ಬಯಸಿದ ಈ ಜೋಡಿ ಮಕ್ಕಳ ಸಂತೋಷಕ್ಕಾಗಿ ಜತೆ-ಜತೆಯಲ್ಲೇ ಪ್ರವಾಸಕ್ಕೆಲ್ಲಾ ಹೋಗಿ ಬರ್ತಾ ಇರ್ತಾರೆ.

ಇದೀಗ ನಟಿ ಸೋನಾಲಿ ಬೇಂದ್ರೆ ಶೇರ್ ಮಾಡಿರುವ ಫೋಟೊದಲ್ಲಿ ಮತ್ತೆ ಸುಸಾನೆ ಹಾಗೂ ಹೃತಿಕ್‌ ಜತೆಯಾಗಿ ಕಾಣಿಸಿ ಗಮನ ಸೆಳೆದಿದ್ದಾರೆ.

ಹೃತಿಕ್‌-ಕಂಗನಾ ಜಗಳದ ಬಳಿಕ ಈ ಜೋಡಿ ತುಸು ಹೆಚ್ಚಾಗಿಯೇ ಜತೆ-ಜತೆಯಲ್ಲಿ ಓಡಾಡುತ್ತಿದ್ದು, ಮತ್ತೆ ಇವರಿಬ್ಬರು ಒಂದಾಗಬಹುದಾ ಎಂಬ ಗುಸು-ಗುಸು ಕೇಳಿಬಂದಾಗ ಸುಸಾನೆ 'ಹೃತಿಕ್ ನಾನು ಒಂದಾಗಲು ಇನ್ನೆಂದೂ ಸಾಧ್ಯವಿಲ್ಲ' ಎಂಬುದಾಗಿ ಟ್ವೀಟ್‌ ಮಾಡಿದ್ದರು.

I request people to stop speculating. There will never be a reconciliation with @iHrithik. But we will always be good parents. #no1priority — Sussanne Khan (@sussannekroshan) May 2, 2016 13 ವರ್ಷಗಳ ದಾಂಪತ್ಯ ಜೀವನವನ್ನು ವಿಚ್ಛೇದನ ಮೂಲಕ ಮೊಟಕುಗೊಳಿಸಿದಾಗ ಇವರಿಬ್ಬರು ಬೇರೆಯಾಗಲು ಕಾರಣವೇನು ಎಂದು ತಿಳಿಯದಿದ್ದರೂ ಆ ನಂತರ ಕಂಗನಾ-ಹೃತಿಕ್‌ರ ಸಂಬಂಧವೇ ಇವರಿಬ್ಬರ ದಾಂಪತ್ಯ ಮುರಿದು ಬೀಳಲು ಕಾರಣ ಎಂಬ ಗಾಸಿಪ್‌ ಕೇಳಿ ಬಂದಿತ್ತು.

ನಂತರ ಹೃತಿಕ್‌-ಕಂಗನಾ ಸಂಬಂಧವೂ ಕೆಟ್ಟ ಜಗಳದಲ್ಲಿ ಅಂತ್ಯವಾಯಿತು. ಇದೀಗ ಹೃತಿಕ್‌ ತಮ್ಮ ಫ್ರೀ ಸಮಯವನ್ನು ಮಕ್ಕಳು ಹಾಗೂ ಸುಸಾನೆ ಜತೆ ಕಳೆಯುತ್ತಿದ್ದಾರೆ.