ಯುವತಿಯರ ನಿದ್ದೆ ಕದ್ದ ಹೃತಿಕ್‌ ರೋಷನ್‌ನ ಲೇಟೆಸ್ಟ್‌ ಫೋಟೊ

ಬಾಲಿವುಡ್‌ನ ಗ್ರೀಕ್‌ ಗಾಡ್‌ ಎಂದೇ ಖ್ಯಾತಿಯ ಹೃತಿಕ್‌ ರೋಷನ್‌ರ ಲೇಟೆಸ್ಟ್‌ ಫೋಟೊ ಮತ್ತು ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿವೆ. ಇದರಲ್ಲಿ ಅವರು ತಮ್ಮ ಕಟ್ಟುಮಸ್ತಾದ ಫಿಟ್‌ ಬಾಡಿ ಮತ್ತು ಜಿಮ್‌ನಲ್ಲಿ ವರ್ಕೌಟ್‌ ಮಾಡುತ್ತಿರುವ ಫೋಟೋಗಳಿವೆ. ಅವರ ಪರ್ಫೆಕ್ಟ್ ಫಿಟ್‌ ಬಾಡಿ ಲುಕ್‌ ಅವರ ಮಹಿಳಾ ಅಭಿಮಾನಿಗಳ ನಿದ್ದೆಯನ್ನೇ ಕಸಿದುಕೊಂಡಿದೆಯಂತೆ. ಕಳೆದ ವರ್ಷ ಅವರು ಮೊಣಕಾಲಿನ ಗಾಯದಿಂದ ಬಳಲಿದ ಬಳಿಕ ಚಿಕಿತ್ಸೆ ಪಡೆದುಕೊಂಡು ಮತ್ತೆ ಫಿಟ್‌ ಆ್ಯಂಡ್‌ ಫೈನ್‌ ಆಗಿರುವುದನ್ನು ಅಭಿಮಾನಿಗಳಿಗೆ ತಿಳಿಸಲು ಈ ಲೇಟೆಸ್ಟ್‌ ಫೋಟೊಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.

ಮೆಹೆಂಜೊದಾರೊ ಸಿನಿಮಾದ ಚಿತ್ರೀಕರಣದ ವೇಳೆ ಗಾಯಗೊಂಡಿದ್ದ ಅವರು ಕಳೆದ ವರ್ಷ ಗುಣಮುಖರಾಗಿದ್ದರು. ಬಳಿಕ ಸತತ ಏಳು ತಿಂಗಳುಗಳಿಂದ ಕಠಿಣ ವರ್ಕೌಟ್‌ ಮಾಡಿ ತನ್ನ ದೇಹವನ್ನು ಹುರಿಗೊಳಿಸುವ ಹೃತಿಕ್‌ ರೋಷನ್‌ ಎಲ್ಲರಿಗೂ ಸ್ಫೂರ್ತಿಯಾಗಿದ್ದಾರೆ ಎಂದು ಜನರು ಸೋಷಿಯಲ್‌ ಮೀಡಿಯಾದಲ್ಲಿ ಕಾಮೆಂಟ್‌ ಮಾಡಿದ್ದಾರೆ. ಫೋಟೊ ಶೇರ್‌ ಮಾಡಿಕೊಂಡಿದ್ದು ಮಾತ್ರವಲ್ಲದೆ, ಈ ರೀತಿಯ ಬಾಡಿ ಫಿಟ್‌ನೆಸ್‌ಗೆ ತಾನು ಏನೆಲ್ಲಾ ಮಾಡಿದೆ ಎಂಬುದನ್ನು ಅವರು ಬರೆದುಕೊಂಡಿದ್ದಾರೆ.
ಆ ಸಮಯದಲ್ಲಿ ನನ್ನ ದೇಹ ನನ್ನ ಮಾತುಗಳನ್ನು ಕೇಳುತ್ತಲೇ ಇರಲಿಲ್ಲ. ಪಾದ ಮತ್ತು ಬೆನ್ನುಹುರಿಗೆ ಹೆಚ್ಚು ಭಾರ ಹಾಕಲು ಆಗುತ್ತಿರಲಿಲ್ಲ. ಸ್ನಾಯುಗಳು ಸಡಿಲಗೊಂಡು ನನ್ನ ದೇಹ ತೂಕವೂ ಹೆಚ್ಚಿ ನನಗೆ ಕಾರ್ಡಿಯೊ ಮತ್ತು ವೇಟ್ಸ್‌ ವರ್ಕೌಟ್‌ ಮಾಡಲಾಗುತ್ತಿರಲಿಲ್ಲ. ಆಮೇಲೆ ನಾನು ಕಠಿಣ ಡಯಟ್‌ ಮಾಡಿ ಲೈಟ್‌ವೇಟ್ಸ್‌, ಬ್ಯಾಂಡ್‌ ವರ್ಕೌಟ್‌ ಮತ್ತು ಇನ್ನಿತರ ವರ್ಕೌಟ್‌ ತಂತ್ರಗಳಿಂದ ಫಿಟ್‌ ಆದೆ ಎಂದು ಹೃತಿಕ್‌ ಹೇಳಿದ್ದಾರೆ.