ಹೃತಿಕ್‌ ರೋಷನ್‌, ಸೂಸಾನ್‌ ಮರು ಮದುವೆ ಇಲ್ಲ

ಮುಂಬಯಿ: ಬಾಲಿವುಡ್‌ನ ಸೂಪರ್‌ ಸ್ಟಾರ್‌ಗಳಲ್ಲಿ ಒಬ್ಬರಾದ ಹೃತಿಕ್‌ ರೋಷನ್‌ ಮತ್ತು ಸೂಸಾನ್‌ ಖಾನ್‌ ವಿವಾಹ ವಿಚ್ಛೇದನವಾಗಿ ನಾಲ್ಕು ವರ್ಷಗಳಾಗಿದೆ.

ಆದರೆ ಈಗ ಇಬ್ಬರೂ ಮತ್ತೆ ಮದುವೆಯಾಗಲಿದ್ದಾರೆ ಎಂಬ ವದಂತಿಗಳು ದಟ್ಟವಾಗಿ ಹರಿದಾಡಿತ್ತು.

ಆದರೆ ಹೃತಿಕ್‌ ರೋಷನ್‌ ಅಭಿಮಾನಿಗಳಿಗೆ ತೀವ್ರ ನಿರಾಸೆ ತರಿಸುವ ಸುದ್ದಿಯೂ ಬಂದಿದೆ.

ಅಪ್ತ ಮೂಲಗಳ ಪ್ರಕಾರ ಹೃತಿಕ್‌ ರೋಷನ್‌ ಮತ್ತು ಸೂಸಾನ್‌ ಮರು ಮದುವೆ ಆಗುವ ಪ್ರಸ್ತಾವ ಇಲ್ಲವಂತೆ.

ಆದರೆ ಇಬ್ಬರು ಬೇರ್ಪಟ್ಟ ನಂತರವೂ ಮಕ್ಕಳ ಜತೆ ಸಿನಿಮಾ, ಮಾಲ್‌, ವಿದೇಶ ಪ್ರವಾಸ ಮಾಡುತ್ತಿದ್ದರು. ಮಕ್ಕಳಿಗಾಗಿ ಹೃತಿಕ್‌ ರೋಷನ್‌ ಮತ್ತು ಸೂಸಾನ್‌ ಬಹುತೇಕ ಎಲ್ಲ ಕಡೆ ಒಟ್ಟಾಗಿ ಹೋಗಿ ಬರುತ್ತಿದ್ದರು.

ಇಬ್ಬರೂ ಸಾಕಷ್ಟು ಹತ್ತಿರವಾದಂತೆ ಕಂಡುಬಂದಾಗ ಮತ್ತೆ ಒಂದಾಗುತ್ತಾರೆ ಎಂಬ ಗುಸುಗುಸು ಕೇಳಿಬಂದಿತ್ತು. ಆದರೆ ಈಗ ಅದೆಲ್ಲವೂ ಠುಸ್‌ ಆಗಿದೆ.