ಬಾಲಿವುಡ್‌ನ ಜನಪ್ರಿಯ ನಟಿ ದಿಯಾ ಮಿರ್ಜಾ ಮಾಧ್ಯಮಗಳ ಮೇಲೆ ಗರಂ ಆಗಿದ್ದಾರೆ. ಇದಕ್ಕೆ ಕಾರಣ ಹಲವು ಬಾಲಿವುಡ್ ಮಾಧ್ಯಮಗಳು ಪದೇಪದೇ ವಿಚ್ಛೇದನ ಬಗ್ಗೆ ಪ್ರಶ್ನಿಸುತ್ತಿರುವುದು. 37ನೇ ವಯಸ್ಸಲ್ಲಿ ದಿಯಾ ತನ್ನ ಗಂಡ ಸಾಹಿಲ್ ಸಂಘರಿಂದ ದೂರ ಸರಿದರು. ಈ ವಯಸ್ಸಲ್ಲಿ ವಿಚ್ಛೇದನವೇ ಎಂದು ಬಹಳಷ್ಟು ಮಂದಿ ಕೇಳುತ್ತಿದ್ದಾರಂತೆ. ಆ ನೋವನ್ನು ಹೇಗೆ ಭರಿಸುತ್ತಿದ್ದೀರಿ ಎಂಬ ಪ್ರಶ್ನೆಗೆ ಅವರು ಈ ರೀತಿ ಉತ್ತರ ನೀಡಿದ್ದಾರೆ.
ನನ್ನ ತಂದೆತಾಯಿ ದೂರವಾದ ಸಂದರ್ಭದಲ್ಲಿ ನನಗಾಗ ನಾಲ್ಕು ವರ್ಷ
"ನಾನು ಸೆಲೆಬ್ರಿಟಿ ಆದ ಮಾತ್ರಕ್ಕೆ ನೋವು ಇರಲ್ಲ ಅಂತಲ್ಲ. ನನ್ನ ತಂದೆತಾಯಿ ದೂರವಾದ ಸಂದರ್ಭದಲ್ಲಿ ನನಗಾಗ ನಾಲ್ಕು ವರ್ಷ. ಆಗಲೇ ಆ ನೋವನ್ನು ಅನುಭವಿಸಿದ್ದೇನೆ. ವಿಷಯ ಹೀಗಿರುವಾಗ 37ರಲ್ಲಿ ಭರಿಸಲು ಆಗಲ್ಲವೇ? ಕೆಲವು ವಿಷಯಗಳಲ್ಲಿ ಮಹಿಳೆಯರು, ಪುರುಷರಿಗಿಂತಲೂ ಕೆಲವು ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಸಂಕೋಚ ವ್ಯಕ್ತಪಡಿಸುತ್ತಿರುತ್ತಾರೆ. ಸ್ವಲ್ಪ ಕಿರಿಕಿರಿ ಅನ್ನಿಸಿದರೂ ಸೂಕ್ತ ನಿರ್ಧಾರ ತೆಗೆದುಕೊಳ್ಳಬೇಕು" ಎಂದಿದ್ದಾರೆ ದಿಯಾ.
ನಾನು 14 ವರ್ಷಗಳಿಂದ ಧ್ಯಾನ ಮಾಡುತ್ತಿದ್ದೇನೆ
"ನಾನು ಗಂಡನಿಗೆ 37ನೇ ವಯಸ್ಸಲ್ಲಿ ವಿಚ್ಛೇದನ ನೀಡಿದೆ. ಆದರೇನು ಈಗ? ಒಬ್ಬರ ಬಗ್ಗೆ ಮನಸ್ಸಲ್ಲಿ ದ್ವೇಷ ಇಟ್ಟುಕೊಳ್ಳುತ್ತಿರಲಿಲ್ಲ. ನನ್ನ ನೋವನ್ನೆಲ್ಲಾ ಹೊರಹಾಕಿ ಆ ಬಳಿಕ ನೆಮ್ಮದಿಯನ್ನು ಹುಡುಕುತ್ತೇನೆ. ನಾನು 14 ವರ್ಷಗಳಿಂದ ಧ್ಯಾನ ಮಾಡುತ್ತಿದ್ದೇನೆ. ನಾನಿರುವ ಬಿಲ್ಡಿಂಗ್ ಬಹುತೇಕ ಹಸಿರಿನಿಂದ ಕಂಗೊಳಿಸುತ್ತಿರುತ್ತದೆ. ಹಾಗಾಗಿಯೇ ನನ್ನ ಮನೆ ಸುತ್ತ ಪಕ್ಷಿಗಳು ಬರುತ್ತಿರುತ್ತವೆ. ಇಲ್ಲದಿದ್ದರೆ ಮಾಧ್ಯಮಗಳೊಂದಿಗೆ ನಮಗೆ ಕಿರಿಕಿರಿ ನೀಡುವವರು ಒಳಗೆ ಬರುತ್ತಿರುತ್ತಾರೆ" ಎಂದಿದ್ದಾರೆ ದಿಯಾ ಮಿರ್ಜಾ.
ಮುರಿದು ಬಿತ್ತು ನಟಿ ದಿಯಾ ಮಿರ್ಜಾ ಐದು ವರ್ಷಗಳ ದಾಂಪತ್ಯ
ಪ್ರೀತಿಸಿ ಮದುವೆಯಾಗಿದ್ದ ದಿಯಾ ಮಿರ್ಜಾ
2014ರಲ್ಲಿ ದಿಲ್ಲಿ ಮೂಲದ ಬಿಝಿನೆಸ್ ಮ್ಯಾನ್ ಮೆನ್ ಸಾಹಿಲ್ ಸಂಘ ಅವರನ್ನು ಪ್ರೀತಿಸಿ ಮದುವೆಯಾದರು ದಿಯಾ ಮಿರ್ಜಾ. ಅದಕ್ಕೂ ಕೆಲ ವರ್ಷಗಳ ಹಿಂದಿನಿಂದ ಅವರಿಬ್ಬರೂ ಲಿವಿಂಗ್ ಟುಗೆದರ್ ರಿಲೇಷನ್‌ಶಿಪ್‌ನಲ್ಲಿದ್ದರು. ಬಳಿಕ ಎರಡೂ ಕುಟುಂಬಗಳ ಒಪ್ಪಿಗೆ ಮೇರೆಗೆ 2014ರ ಅಕ್ಟೋಬರ್‌ನಲ್ಲಿ ದಿಲ್ಲಿಯಲ್ಲಿನ ಚತ್ತಾರ್‌ಪೂರ್‌ನಲ್ಲಿ ಮದುವೆಯಾದರು. ಸರಿಸುಮಾರು 11 ವರ್ಷಗಳ ಸಂಬಂಧದ ಬಳಿಕ ನಾವಿಬ್ಬರೂ ಪರಸ್ಪರ ಒಪ್ಪಿಗೆ ಮೇರೆಗೆ ದೂರವಾಗಿದ್ದೇವೆ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಹೇಳಿಕೊಂಡಿದ್ದರು ದಿಯಾ.