ಪ್ರಿಯಾಂಕಾ ಚೋಪ್ರಾ ನಿಕ್ ಬಾಡಿ ಹೇರ್ ತೆಗೆದಿದ್ದು ಯಾಕೆ?

ಕಳೆದ ವರ್ಷದ ಅಂತ್ಯದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟು ಇದೀಗ ದಾಂಪತ್ಯದ ಸುಖದಲ್ಲಿ ತೇಲಾಡುತ್ತಿರುವ ಬಾಲಿವುಡ್ ಪ್ರಿಯಾಂಖಾ ಚೋಪ್ರಾ ಅವರು 'ಗಂಡ ನಿಕ್ ಜೋನಾಸ್ ಬಗ್ಗೆ ಕೇಳಿದ ಪ್ರಶ್ನೆಗೆ ಬೋಲ್ಡ್ ಆಗಿ ಉತ್ತರಿಸಿ ಹಲವರು ಹುಬ್ಬೇರಿಸುವಂತೆ ಮಾಡಿದ್ದಾರೆ.

ಸಂದರ್ಶನವೊಂದರಲ್ಲಿ ನಟಿ ಪ್ರಿಯಾಂಕಾ ಚೋಪ್ರಾ ಅವರಿಗೆ " ನೀವು ಎಂದಾದರೂ ಪತಿ ನಿಕ್ ಜೊನಾಸ್ ಗೆ ಸೆಕ್ಸಿ ಸಂದೇಶಗಳನ್ನು ಕಳುಹಿಸಿದ್ದೀರಾ" ಎಂದ ಪ್ರಶ್ನೆಗೆ "ತುಂಬಾ ಸಮಯ ನಾವಿಬ್ಬರೂ ದೂರವಿರಬೇಕಾದ ಸಂದರ್ಭದಲ್ಲಿ ನನ್ನ ಪತಿ ನಿಕ್ ಜೋನಾಸ್ ಅವರಿಗೆ 'ಸೆಕ್ಸಿ ಸಂದೇಶ' ಕಳಿಸಿದ್ದೇನೆ" ಎಂದು ಬೋಲ್ಡ್ ಆಗಿ ಉತ್ತರಿಸಿದ್ದಾರೆ ಪ್ರಿಯಾಂಕಾ.
ಒಮ್ಮೆ ತಮ್ಮ ಗಂಡ ನಿಕ್ ಜೋನಾಸ್‌ಗೆ 'ಬಾಡಿ ಹೇರ್' ತೆಗೆಯಲು ಕೂಡ ತಾವು ಸಹಾಯ ಮಾಡಿದ್ದಾಗಿ ನಟಿ ಪ್ರಿಯಾಂಕಾ ಅವರು ಪ್ರಶ್ನೆಯೊಂದಕ್ಕೆ ಉತ್ತರ ರೂಪವಾಗಿ ಹೇಳಿದ್ದಾರೆ ಎನ್ನಲಾಗಿದೆ. ನಂತರ 'ಯಾಕೆ?' ಎಂಬ ಪ್ರಶ್ನೆಗೆ ಉತ್ತರ ಕೊಡದೇ 'ನಕ್ಕು' ಜಾರಿಕೊಂಡಿದ್ದಾರಂತೆ ಪ್ರಿಯಾಂಕಾ ಚೋಪ್ರಾ!

ಹಲವರಿಗೆ ಗೊತ್ತಿರುವಂತೆ, ನಟಿ ಪ್ರಿಯಾಂಕಾ ಅವರು ಬೋಲ್ಡ್ ಅಂಡ್ ಬ್ಯೂಟಿಫುಲ್ ವುಮೆನ್. ಅವರು ಯಾವುದೇ ಅಳುಕಿಲ್ಲದೇ ಸಾಕಷ್ಟು ವೇಳೆ ತಮ್ಮ ಅಭಿಪ್ರಾಯ ಹೇಳಿದ್ದಾರೆ. ನಿಕ್ ಜೊತೆ ಲವ್‌, ಮದುವೆ, ಯಾವುದನ್ನೂ ಹೈಡ್ ಮಾಡದ ನಟಿ ಪ್ರಿಯಾಂಕಾ ಅವರು ತಮಗಾಗದ ವಿಷಯದಿಂದ ಸದಾ ಒಂದು ಮಟ್ಟಿಗಿನ ಅಂತರ ಕಾಯ್ದುಕೊಳ್ಳುತ್ತಾರೆ. ಮೊದಲೆಲ್ಲ ಸಾಕಷ್ಟು ವಿವಾದಗಳಿಗೆ ತುತ್ತಾಗುತ್ತಿದ್ದ ಪ್ರಿಯಾಂಕಾ ಅವರು ಇತ್ತೀಚಿಗೆ ಆ ವಿಷಯದದಲ್ಲಿ ತುಂಬಾ ಜಾಣ ನಡೆಯನ್ನು ಪ್ರದರ್ಶಿಸುತ್ತಾರೆ.

ಒಟ್ಟಿನಲ್ಲಿ, ಹಾಲಿವುಡ್ ಸಿಂಗರ್ ನಿಕ್ ಜೋನಾಸ್ ಜತೆ ದಾಂಪತ್ಯದ ಸುಖ ಅನುಭವಿಸುತ್ತಿರುವ ಪ್ರಿಯಾಂಕಾ ಅವರು ತಮ್ಮ ವೃತ್ತಿಜೀವನವನ್ನೂ ಬ್ಯಾಲೆನ್ಸ್ ಮಾಡಿಕೊಂಡು ಹೋಗುತ್ತಿದ್ದಾರೆ. ಇತ್ತೀಚಿಗೆ ಹಾಲಿವುಡ್ ಸಿನಿಮಾಗಳಲ್ಲಿ ಕೂಡ ನಟಿಸುತ್ತಿರುವ ನಟಿ ಪ್ರಿಯಾಂಕಾ ಅವರು ಸದ್ಯದಲ್ಲೇ ಹೊಸ ಬಾಲಿವುಡ್ ಚಿತ್ರಕ್ಕೆ ಸಹಿ ಹಾಕಲಿದ್ದಾರೆ ಎನ್ನಲಾಗಿದೆ.