ಅಂಥ ಸಂಬಂಧಕ್ಕೆ ನಾನು ಮುಖ ಹಾಕುವುದಿಲ್ಲ: ಅಜಯ್ ದೇವಗನ್!

ಬಾಲಿವುಡ್‌ನ ಆದರ್ಶ ಎನಿಸುವ ದಂಪತಿಗಳಲ್ಲಿ ಕಾಜೋಲ್ ಮತ್ತು ಅಜಯ್ ದೇವಗನ್ ಕೂಡ ಸೇರಿದ್ದಾರೆ. ಈ ಇಬ್ಬರು ಮೊದಲು ಲವ್ ಮಾಡಿ ಆ ಬಳಿಕ ಮದುವೆಯಾದ ಜೋಡಿ. ಅಲ್ಲಿಂದ ಇಲ್ಲಿಯವರೆಗೂ ಈ ಜೋಡಿ ಯಾವುದೇ ಜಗಳ ಮನಸ್ತಾಪಗಳನ್ನು ಬೀದಿಗೆ ಬಿಡದೇ ಮಾದರಿ ಎಂಬಂತೆ ಬದುಕಿದ್ದಾರೆ.

ನಟ ಅಜಯ್ ದೇವಗನ್ ತಮ್ಮ ಇತ್ತೀಚಿನ ಒಂದು ಚಿತ್ರದಲ್ಲಿ 'ಯಂಗ್ ಮ್ಯಾನ್ ಇನ್ ಲವ್ ವಿತ್ ಬಬ್ಲಿ ಗರ್ಲ್' ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಲ್ಲಿನ ಸಿನಿಮಾ ಪಾತ್ರ ಹೊರತುಪಡಿಸಿ ಅಜಯ್ ದೇವಗನ್ ತಮ್ಮ ನಿಜ ಜೀವನದಲ್ಲಿ ಕಾಜೋಲ್‌ಗೆ ಹೇಗೆ ರಿಯಾಕ್ಟ್ ಮಾಡುತ್ತಾರೆಂದು ಸಂದರ್ಶನವೊಂದರಲ್ಲಿ ಉತ್ತರಿಸಿದ್ದಾರೆ.

"ಸಿನಿಮಾದಲ್ಲಿ ನಾನು ಮದುವೆಯಾಗಿದ್ದರೂ ಯಂಗ್ ಹುಡುಗಿ ಮೇಲೆ ಕಣ್ಣು ಹಾಕಿರುತ್ತೇನೆ. ಅದು ನನ್ನ ಹೆಂಡತಿಗೆ ಹೊಟ್ಟೆ ಉರಿಸುವುದಕ್ಕೆ ಅಷ್ಟೇ. ಅದರೆ ನಿಜ ಜೀವನದಲ್ಲಿ ಅಂತಹ ಸಂಬಂಧಕ್ಕೆ ನಾನು ಖಂಡಿತವಾಗಿಯೂ ಮುಖ ಹಾಕುವುದಿಲ್ಲ' ಎಂದು ಹೇಳಿದ್ದಾರೆ ಅಜಯ್ ದೇವಗನ್.

ಅಷ್ಟೇ ಅಲ್ಲ, ನಟ ಅಜಯ್ ದೇವಗನ್ ತಮ್ಮ ಹೆಂಡತಿ, ನಟಿ ಕಾಜೋಲ್ ಬಗ್ಗೆ ಇನ್ನೂ ಹೆಚ್ಚು ಮಾತನಾಡಿದ್ದಾರೆ. "ಕಾಜೋಲ್ ಸಿನಿಮಾ ರಂಗದಲ್ಲಿರುವವಳು. ಆಕೆಗೆ ಸಿನಿಮಾ ಯಾವುದು, ನಿಜ ಜೀವನ ಯಾವುದು, ಹೇಗೆ ಎರಡನ್ನೂ ಸಂಭಾಳಿಸಬೇಕೆಂದು ಸೂಕ್ಷ್ಮವಾಗಿ ಯೋಚನೆ ಮಾಡುವ ಶಕ್ತಿ ಇದೆ" ಎಂದು ಕಾಜೋಲ್ ಪ್ರಬುದ್ಧತೆಯನ್ನು ಹೊಗಳುವಂತೆ ಮಾತನಾಡಿದ್ದಾರೆ.

ಕೆಲ ದಿನಗಳ ಹಿಂದೆ ತಮ್ಮ 20ನೇ ವರ್ಷದ ಮದುವೆ ವಾರ್ಷಿಕೋತ್ಸವ ಆಚರಿಸಿಕೊಂಡ ಅಜಯ್ ಮತ್ತು ಕಾಜೋಲ್ ದಂಪತಿಗೆ 'ದಾಂಪತ್ಯದ ಗುಟ್ಟೇನು' ಎಂಬ ಪ್ರಶ್ನೆ ಕೇಳಲು "ಈ 20 ವರ್ಷದ ಜರ್ನಿಯಲ್ಲಿ ಆಕೆಯನ್ನು ಎಷ್ಟು ಅರ್ಥ ಮಾಡಿಕೊಂಡಿದ್ದೇನೆಂದರೆ ಆಕೆಯನ್ನು ನೋಡದೆ ಭಾವನೆ ಅರ್ಥ ಮಾಡಿಕೊಳ್ಳುವಷ್ಟು ಸಾಮರ್ಥ್ಯ ಬಂದಿದೆ. ಏನೇ ವಿಚಾರದ ಮೇಲೆ ಜಗಳವಾದರೂ ಇಬ್ಬರೂ ಕೂತು ಮಾತನಾಡಿಕೊಂಡು ಬಗೆಹರಿಸಿಕೊಳ್ಳುತ್ತೇವೆ"' ಎಂದು ಅಜಯ್ ದೇವಗನ್ ಹೇಳಿದ್ದಾರೆ.