ಬಾಲಿವುಡ್ ನಟ - ನಟಿ, ಮಾಡೆಲ್‌ಗಳನ್ನು ಹಿಂದಿಕ್ಕಿ ರ‍್ಯಾಂಪ್‌ ಶೋನಲ್ಲಿ ಮಿಂಚಿದ ಬೀದಿನಾಯಿ

ಮುಂಬಯಿ: ಒಮ್ಮೊಮ್ಮೆ ಸೆಲೆಬ್ರಿಟಿ ನಟ - ನಟಿಯರು ಹಾಗೂ ರಾಜಕಾರಣಿಗಳಿಗಿಂತ ಚಿಕ್ಕ ಚಿಕ್ಕ ಪ್ರಾಣಿ - ಪಕ್ಷಿಗಳೇ ಹೆಚ್ಚು ಜನಪ್ರಿಯವಾಗಿಬಿಡುತ್ತವೆ. ಇದೇ ರೀತಿ, ಖ್ಯಾತ ವಸ್ತ್ರ ವಿನ್ಯಾಸಕ ರೋಹಿತ್ ಬಾಲ್‌ ವಿನ್ಯಾಸ ಮಾಡಿದ್ದ ಹಲವು ಸೊಗಸಾದ ಸಂಗ್ರಹ, ಬಾಲಿವುಡ್ ನಟ ನಟಿಯರಿದ್ದ ಸಮಾರಂಭದಲ್ಲಿ, ಅವೆಲ್ಲವುಗಳಿಗಿಂತ ಬೀದಿ ನಾಯಿಯೊಂದು ಸಖತ್ ಸುದ್ದಿ ಮಾಡುತ್ತಿದೆ.

ಬಾಂದ್ರಾ ಕೋಟೆ ಹಿಂಭಾಗದಲ್ಲಿ ಹೊಳೆಯುತ್ತಿರುವ ಜಾಗ ಹಾಗೂ ಶುಭಾ ಮುದ್ಗಲ್‌ರ ಸಾವರಿಯಾ ಚಿತ್ರದ ವಸ್ತ್ರ ವಿನ್ಯಾಸಗಾರರ ರೋಹಿತ್‌ ಬಾಲ್‌ ವಸ್ತ್ರ ವಿನ್ಯಾಸನ ಮಾಡಿದ ಸಾಕಷ್ಟು ಅದ್ಭುತ ಸಂಗ್ರಹಗಳು ಇತ್ತು. ಅಲ್ಲದೆ, ಬುಧವಾರ ರಾತ್ರಿಯ ಈ ರ‍್ಯಾಂಪ್‌ ವಾಕ್‌ ಶೋನಲ್ಲಿ ಬಾಲಿವುಡ್‌ ನಟರಾದ ಸಿದ್ಧಾಥ್‌ ಮಲ್ಹೋತ್ರಾ ಹಾಗೂ ಡಯಾನಾ ಪೆಂಟಿ ಶೋ ಸ್ಟಾಪರ್‌ಗಳಾಗಿದ್ದರು. ತಾವು ಉಟ್ಟಿದ್ದ ಬಟ್ಟೆಗಳಲ್ಲಿ ಅವರು ಗಾರ್ಜಿಯಸ್ ಆಗೇ ಕಾಣುತ್ತಿದ್ದರು. ಆದರೆ, ಈ ರ‍್ಯಾಂಪ್‌ ವಾಕ್‌ನಲ್ಲಿ ಮಿಂಚಿದ್ದು ಮಾತ್ರ ಒಂದು ಬೀದಿ ನಾಯಿ. ಬಾಲಿವುಡ್ ನಟ - ನಟಿಯರು, ಮಾಡೆಲ್‌ಗಳಿಗಿಂತ ಆ ಬೀದಿ ನಾಯಿಯೇ ಮುಂಬಯಿಯಲ್ಲಿ ನಡೆದ ಆ ಕಾರ್ಯಕ್ರಮದ ಶೋ ಸ್ಟೀಲರ್ ಆಗಿತ್ತು.

ರ‍್ಯಾಂಪ್‌ ಮೇಲೆ ಹೆಜ್ಜೆ ಹಾಕಿದ ಆ ಬೀದಿ ನಾಯಿಯ ವೀಡಿಯೋಗಳು ಇಂಟರ್‌ನೆಟ್‌ನಲ್ಲಿ ಸಖತ್ ವೈರಲ್‌ ಆಗಿದ್ದು, ಪ್ರಖ್ಯಾತ ಮಾಡೆಲ್‌ಗಳಿಗಿಂತ ಚೆನ್ನಾಗಿ ಪೋಸ್‌ ಕೊಟ್ಟಿದೆ. ಹೀಗಾಗಿ, ಖ್ಯಾತ ವಸ್ತ್ರ ವಿನ್ಯಾಸಗಾರ ರೋಹಿತ್ ಬಾಲ್‌ರ ಆ ರ‍್ಯಾಂಪ್‌ ಶೋವನ್ನು ಆ ಬೀದಿ ನಾಯಿ ಅಕ್ಷರಶ: ಹೈ ಜಾಕ್‌ ಮಾಡಿದ್ದು, ಎಲ್ಲರಿಗಿಂತ ಹೆಚ್ಚು ಹೆಸರುವಾಸಿಯಾಗಿದೆ.

ಬಾಲಿವುಡ್ ನಟ ಸಿದ್ಧಾರ್ಥ್ ರ‍್ಯಾಂಪ್‌ ಮೇಲೆ ಹೆಜ್ಜೆ ಹಾಕಬೇಕಿದ್ದ ಸಮಯದಲ್ಲಿ ಆ ಬೀದಿ ನಾಯಿ ಎಲ್ಲೆಂದರಲ್ಲಿ ಓಡಾಡಿ ಜನರ ಗಮನ ಸೆಳೆದಿದೆ. ಅಲ್ಲದೆ, ಮಾಡೆಲ್‌ಗಳಂತೆ ರ‍್ಯಾಂಪ್‌ ಮೇಲೂ ಹೆಜ್ಜೆ ಹಾಕಿದೆ. ಈ ಪರಿಸ್ಥಿತಿಯನ್ನು ಚೆನ್ನಾಗಿ ಅರಿತ ನಟ ಸಿದ್ಧಾರ್ಥ್ ಮಲ್ಹೋತ್ರಾ ಹಾಗೂ ಇತರೆ ಮಾಡೆಲ್‌ಗಳು ಸಹ ಪರಿಸ್ಥಿತಿಯನ್ನು ಚೆನ್ನಾಗೇ ನಿಭಾಯಿಸಿದರು ಎಂದು ತಿಳಿದುಬಂದಿದೆ.

ಅನೇಕ ಯುವತಿಯರ ಮನ ಗೆದ್ದಿರುವ ಬಾಲಿವುಡ್ ನಟ ಸಿದ್ಧಾರ್ಥ್ ಮಲ್ಹೋತ್ರಾ, ಜಬರಿಯಾ ಜೋಡಿ ಚಿತ್ರದಲ್ಲಿ ಪರಿಣೀತಿ ಚೋಪ್ರಾರೊಂದಿಗೆ ನಟಿಸಲಿದ್ದಾರೆ.