ಪ್ರೇಯಸಿಯನ್ನು ಮದುವೆಯಾದ ಜಾಕಿ ಚಾನ್‌ ಪುತ್ರಿ

ವಿಶ್ವಾದ್ಯಂತ ಜನಪ್ರಿಯವಾಗಿರುವ ನಟ ಜಾಕಿ ಚಾನ್‌ ಪುತ್ರಿ ಎಟ್ಟಾ ಎನ್‌ಜಿ ತಮ್ಮ ಗರ್ಲ್‌ಫ್ರೆಂಡ್‌ ಆ್ಯಂಡಿ ಆಟಮ್‌ಳನ್ನು ಮದುವೆಯಾಗಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಈ ವಿಷಯ ಪ್ರಕಟಿಸಿರುವ ಎಟ್ಟಾ, ಮದುವೆಗೆ ಸಂಬಂಧಿಸಿದ ಫೋಟೋಗಳನ್ನು ಶೇರ್‌ ಮಾಡಿಕೊಂಡಿದ್ದಾರೆ.

ನಿಜವಾದ ಪ್ರೇಮಕ್ಕಿಂತ ದೊಡ್ಡದು ಯಾವುದೂ ಇಲ್ಲ. ಪ್ರೀತಿ ತುಂಬಾ ಶಕ್ತಿಶಾಲಿಯಾದ್ದು. ಪ್ರತಿಯೊಬ್ಬರಿಗೂ ಪ್ರೀತಿಸುವ ಹಕ್ಕಿದೆ ಎಂದು ಎಟ್ಟಾ ಎನ್‌ಜಿ ಸೋಷಿಯಲ್‌ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಮದುವೆಯ ಪ್ರಮಾಣ ಪತ್ರಕ್ಕೆ ಆ್ಯಂಡಿ ಸಹಿ ಹಾಕುವ ಚಿತ್ರವನ್ನೂ ಪೋಸ್ಟ್‌ ಮಾಡಿರುವ ಅವರು, ನಾವಿಬ್ಬರೂ ವಿಶೇಷ ಮನಸ್ಥಿತಿಯವರು. ಸುಮಾರು 7,300,000,000 ಜನರ ಪೈಕಿ ಇವಳು ನನಗೆ ಸಿಕ್ಕಿದಳು ಎಂದು ವಿವರಿಸಿದ್ದಾರೆ. ಎಟ್ಟಾ ಮತ್ತು ಆ್ಯಂಡಿ ಕಳೆದ ವರ್ಷದಿಂದ ಪರಸ್ಪರ ಡೇಟಿಂಗ್‌ನಲ್ಲಿದ್ದರು.