ಬಹುನಿರೀಕ್ಷಿತ ಜಾಹ್ನವಿ ಕಪೂರ್ 'ಧಡಕ್' ಟ್ರೇಲರ್ ರಿಲೀಸ್

ಬಾಲಿವುಡ್ ಮೋಹಕ ತಾರೆ ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್ ಅಭಿನಯದ ಚೊಚ್ಚಲ ಚಿತ್ರ 'ಧಡಕ್' ಟ್ರೇಲರ್ ರಿಲೀಸ್ ಆಗಿದೆ. ಫಸ್ಟ್ ಲುಕ್ ಪೋಸ್ಟರ್‌ಗಳ ಮೂಲಕ ಸಿನಿಮಾದ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿಸಿದ್ದರು ಜಾಹ್ನವಿ. ಇಂದು ಟ್ರೇಲರ್ ಹೊರಬಂದಿದೆ.

ಆದರೆ ಈ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮಕ್ಕೆ ಜಾಹ್ನವಿ ಸಹೋದರ ಅರ್ಜುನ್ ಕಪೂರ್ ಹಾಜರಾಗಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಅವರು ಇನ್‍ಸ್ಟಾಗ್ರಾಮ್‌ನಲ್ಲಿ ತನ್ನ ಸಹೋದರಿ ಕುರಿತು ಈ ರೀತಿ ಪೋಸ್ಟ್ ಮಾಡಿದ್ದಾರೆ, "ಈ ದಿನ ಪ್ರೇಕ್ಷಕರ ಹೃದಯದಲ್ಲಿ ನೀನು ಎಂದಿಗೂ ಉಳಿದುಬಿಡ್ತೀಯ ಜಾಹ್ನವಿ. ಯಾಕೆಂದರೆ ಈ ದಿನ ನೀನು ನಟಿಸಿದ ಮೊದಲ ಚಿತ್ರ ಧಡಕ್ ಟ್ರೇಲರ್ ರಿಲೀಸ್ ಆಗುತ್ತಿದೆ. ನಾನು ಮುಂಬೈನಲ್ಲಿ ಇಲ್ಲದ ಕಾರಣ ಈ ಕಾರ್ಯಕ್ರಮಕ್ಕೆ ಹಾಜರಾಗಲು ಸಾಧ್ಯವಾಗುತ್ತಿಲ್ಲ, ನನ್ನನ್ನು ಕ್ಷಮಿಸು. ಆದರೆ ನಾನು ನಿನ್ನ ಪಕ್ಕದಲ್ಲೇ ಇರುತ್ತೇನೆ" ಎಂದಿದ್ದಾರೆ.

ಮುಂದುವರೆದು, "ನಿನಗೆ ಒಂದು ವಿಷಯ ಹೇಳಬೇಕೆಂದಿದ್ದೇನೆ. ನೀನು ಕಷ್ಟಪಟ್ಟರೆ ಸಿನಿಮಾ ಕ್ಷೇತ್ರ ತುಂಬಾ ಅದ್ಭುತ ಅನ್ನಿಸುತ್ತದೆ. ಎಲ್ಲದಕ್ಕೂ ನೀನು ಸಿದ್ಧವಾಗಿದ್ದರೆ ಈ ವೃತ್ತಿಯನ್ನು ನೀನು ಎಂಜಾಯ್ ಮಾಡಲು ಸಾಧ್ಯ. ’ಧಡಕ್’ ಟ್ರೇಲರ್ ಬಿಡುಗಡೆಯಾಗುತ್ತಿರುವ ಈ ಸಂದರ್ಭದಲ್ಲಿ ಆಲ್ ದಿ ಬೆಸ್ಟ್. ನನ್ನ ಸ್ನೇಹಿತ ಕರಣ್ ಜೋಹಾರ್, ಶಂಶಾಂಖ್ ಖೈತಾನ್ ಸೇರಿ ನಿನಗೆ ಮತ್ತು ಇಷಾನ್ ಖತ್ತರ್‌ಗೆ ಮಾಡ್ರನ್ ರೋಮಿಯೋ-ಜ್ಯೂಲಿಯಟ್ ಸಿನಿಮಾ ನೀಡುತ್ತಾರೆಂದು ಭಾವಿಸುತ್ತಿದ್ದೇನೆ" ಎಂದಿದ್ದಾರೆ ಅರ್ಜುನ್.


ಅಂದಹಾಗೆ ಬೋನಿ ಕಪೂರ್ ಮೊದಲ ಪತ್ನಿ ಮೋನಾ ಮಗ ಅರ್ಜುನ್ ಕಪೂರ್. ಶ್ರೀದೇವಿ ಮೃತಪಟ್ಟ ಬಳಿಕ ಎರಡೂ ಕುಟುಂಬಗಳು ಒಂದಾದವು. ಅರ್ಜುನ್, ಅನ್ಷುಲಾ ಸೇರಿ ಶ್ರೀದೇವಿ ಪುತ್ರಿಯರಾದ ಜಾಹ್ನವಿ, ಖುಷಿಯರನ್ನು ಕಣ್ಣಿಗೆ ರೆಪ್ಪೆಯಂತೆ ನೋಡಿಕೊಳ್ಳುತ್ತಿದ್ದಾರೆ. ಅವರ ಬಗೆ ಯಾರಾದರೂ ಕೆಟ್ಟದಾಗಿ ಕಾಮೆಂಟ್ ಮಾಡಿದರೆ ಸಾಕು ಅರ್ಜುನ್ ಕಪೂರ್ ಕೆಂಡಾಮಂಡಲವಾಗುತ್ತಾರೆ.