ಕಾರ್ಗಿಲ್‌ ಸಿನಿಮಾಗಾಗಿ ತೂಕ ಹೆಚ್ಚಿಸಿಕೊಂಡ ಜಾಹ್ನವಿ ಕಪೂರ್‌

ಶ್ರೀದೇವಿ ಪುತ್ರಿ ಮತ್ತು ಬಾಲಿವುಡ್‌ನ ಯುವ ನಟಿ ಜಾಹ್ನವಿ ಕಪೂರ್‌ ಮುಂಬರುವ ಕಾರ್ಗಿಲ್‌ ಗರ್ಲ್‌ ಸಿನಿಮಾದ ಪಾತ್ರಕ್ಕಾಗಿ 10 ಕೆ.ಜಿ ದೇಹ ತೂಕ ಹೆಚ್ಚಿಸಿಕೊಂಡಿದ್ದಾರೆ. ಆ ಪಾತ್ರಕ್ಕೆ ಸ್ವಲ್ಪ ದಪ್ಪಗೆಕಾಣಬೇಕಿದ್ದರಿಂದ ಕಠಿಣ ವರ್ಕೌಟ್‌ ಮಾಡಿ ದಪ್ಪ ಆಗಿದ್ದಾರೆ. ಇದೇ ವೇಳೆ ಅವರು ರೂಹಿಅಫ್ಜಾ ಎಂಬ ಸಿನಿಮಾದಲ್ಲೂ ನಟಿಸುತ್ತಿದ್ದು, ಇದಕ್ಕಾಗಿ ದೇಹ ತೂಕ ಇಳಿಸಿಕೊಂಡಿದ್ದರಂತೆ.

ಈ ಕುರಿತು ಮಾತನಾಡಿರುವ ಜಾಹ್ನವಿ ಕಪೂರ್‌ರ ಜಿಮ್‌ ಟ್ರೇನರ್‌, ಒಂದು ಸಿನಿಮಾದಲ್ಲಿ ಜಾಹ್ನವಿ ದಪ್ಪಗೆ ಮತ್ತು ಇನ್ನೊಂದರಲ್ಲಿ ಸ್ಲಿಮ್‌ ಆಗಿ ಕಾಣಬೇಕಿತ್ತು. ಈ ತೂಕ ಏರಿಳಿತಕ್ಕೆ ಆಕೆ ತುಂಬಾ ಶ್ರಮಪಟ್ಟಿದ್ದಾರೆ. ಪ್ರತಿದಿನವೂ ಆಕೆ ಎರಡು ಸಿನಿಮಾಗಳಿಗೂ ಕೆಲಸ ಮಾಡುತ್ತಿದ್ದರು. ಮೊದಲಿಗೆ ರೂಹಿಅಫ್ಜಾ ಸಿನಿಮಾಗಾಗಿ 6 ಕೆ.ಜಿ ತೂಕ ಇಳಿಸಿಕೊಂಡರು. ನಂತರ ಕಾರ್ಗಿಲ್‌ ಸಿನಿಮಾಗಾಗಿ 10 ಕೆ.ಜಿ ತೂಕ ಹೆಚ್ಚಿಸಿಕೊಂಡರು ಎಂದಿದ್ದಾರೆ. ಇವೆರಡು ಸಿನಿಮಾಗಳಲ್ಲಿ ಜಾಹ್ನವಿ ವಿಭಿನ್ನ ಲುಕ್‌ಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.