ಐಎಎಫ್‌ ಪೈಲಟ್‌ ಬಯೋಪಿಕ್‌ನಲ್ಲಿ ಜಾಹ್ನವಿ ಕಪೂರ್‌

ಭಾರತದ ಮೊದಲ ಮಹಿಳಾ ಐಎಎಫ್‌ ಪೈಲಟ್‌ ಗುಂಜನ್‌ ಸಕ್ಸೇನಾ ಬಯೋಪಿಕ್‌ನಲ್ಲಿ ಯುವ ನಟಿ ಜಾಹ್ನವಿ ಕಪೂರ್‌ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ. ಕರಣ್‌ ಜೋಹರ್‌ ನಿರ್ಮಾಣದ ಈ ಸಿನಿಮಾದಲ್ಲಿ ಗುಂಜನ್‌ ಸಕ್ಸೇನಾ ಪಾತ್ರ ಮಾಡಲಿರುವ ಅವರು, ಅಸಲಿ ಗುಂಜನ್‌ರೊಂದಿಗೆ ಸ್ವಲ್ಪ ಸಮಯ ಕಳೆದು ಅವರ ಬಾಡಿ ಲಾಂಗ್ವೇಜ್‌ ಕಲಿಯಲಿದ್ದಾರಂತೆ.

ಕಾರ್ಗಿಲ್‌ ಕದನದಲ್ಲಿ ಶತ್ರುಗಳೊಂದಿಗೆ ಕಾದಾಡಿ ಗಾಯಾಳು ಯೋಧರನ್ನು ಸುರಕ್ಷಿತವಾಗಿ ಸ್ಥಳಾಂತರಿಸಿದ್ದ ಗುಂಜನ್‌ ಸಕ್ಸೇನಾ ಯುವತಿಯರ ಐಕಾನ್‌ ಆಗಿ ಹೊರಹೊಮ್ಮಿದ್ದರು. ಅವರ ಜೀವನ ಕಥೆ ಆಧರಿಸಿದ ಸಿನಿಮಾಕ್ಕೆ ಯುವ ನಟಿ ಜಾಹ್ನವಿ ಸೂಕ್ತವಾಗಿ ಹೊಂದುತ್ತಾರೆ ಎಂಬ ಕಾರಣಕ್ಕೆ ಈ ಆಯ್ಕೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.