ಪುರುಷರ ವಿಚಾರದಲ್ಲಿ ನನ್ನ ಆಲೋಚನೆ, ಅಭಿಪ್ರಾಯಗಳನ್ನು ನನ್ನ ತಾಯಿ ಶ್ರೀದೇವಿ ನಂಬುತ್ತಿರಲಿಲ್ಲ ಎಂದು ನಟಿ ಜಾಹ್ನವಿ ಕಪೂರ್ ಹೇಳಿದ್ದಾರೆ. ಧಡಕ್ ಸಿನಿಮಾ ಬಳಿಕ ಈ ಬೆಡಗಿ ಬಾಲಿವುಡ್‍ನಲ್ಲಿ ಸೆನ್ಸೇಷನ್ ಸೃಷ್ಟಿಸಿದ್ದು ಗೊತ್ತೇ ಇದೆ.

ಜಾಹ್ನವಿ ಕಪೂರ್ ಫೋಟೋ ಮತ್ತು ವಿಡಿಯೋಗಳು ವೈರಲ್ ಆಗುತ್ತಲೇ ಇರುತ್ತವೆ. ಸಾಮಾಜಿಕ ಮಾಧ್ಯಮದಲ್ಲಿ ಜಾಹ್ನವಿಗೆ ಒಳ್ಳೆ ಫ್ಯಾನ್ ಫಾಲೋಯಿಂಗ್ ಇದೆ. ಇತ್ತೀಚೆಗೆ ಸಂದರ್ಶನ ನೀಡಿರುವ ಅವರು ಪುರುಷರ ಕುರಿತ ತನ್ನ ಅಭಿಪ್ರಾಯಗಳನ್ನು ಮನಬಿಚ್ಚಿ ಹಂಚಿಕೊಂಡಿದ್ದಾರೆ.
ಕುತೂಹಲ ಕೆರಳಿಸಿರುವ ಜಾಹ್ನವಿ ಕಪೂರ್ 'The Kargil Girl' ಫಸ್ಟ್ ಲುಕ್

ಶ್ರೀದೇವಿ ಜೊತೆಗೆ ಎಂದಾದರೂ ನಿಮ್ಮ ಮದುವೆ ಕುರಿತು ಮಾತನಾಡಿದ್ರಾ ಎಂಬ ಪ್ರಶ್ನೆಗೆ ಉತ್ತರಿಸಿರುವ ಅವರು, ಮಾತನಾಡಿದ್ದೆ ಎಂದಿದ್ದಾರೆ. ಪುರುಷರ ವಿಚಾರದಲ್ಲಿ ನನ್ನ ತೀರ್ಪಿನ ಬಗ್ಗೆ ನಂಬಿಕೆ ಇಲ್ಲ ಎಂದು ಅಮ್ಮ ಹೇಳುತ್ತಿದ್ದರು. ಈ ವಿಚಾರದಲ್ಲಿ ನನ್ನ ಅಭಿಪ್ರಾಯಗಳನ್ನು ನಂಬುತ್ತಿರಲಿಲ್ಲ. ನನಗಾಗಿ ಒಬ್ಬರನ್ನು ಅವರೇ ಆಯ್ಕೆ ಮಾಡಬೇಕು ಎಂದುಕೊಂಡಿದ್ದರು. ಯಾಕೆಂದರೆ ನಾನು ಇತರರನ್ನು ತುಂಬಾ ಸುಲಭವಾಗಿ ಪ್ರೀತಿಸುತ್ತಿರುತ್ತೇನೆ" ಎಂದಿದ್ದಾರೆ.

"ನೀವು ಮದುವೆಯಾಗುವ ಯುವಕ ಹೇಗಿರಬೇಕು?" ಎಂಬ ಪ್ರಶ್ನೆಗೆ ಉತ್ತರಿಸಿರುವ ಅವರು, ನನ್ನ ಬಗ್ಗೆ ಅಂಕಿತಭಾವ ಇರಬೇಕು. ತುಂಬಾ ನೈಪುಣ್ಯತೆ ಇರಬೇಕು. ಅವರ ಬಳಿ ನಾನು ಹೊಸ ಹೊಸ ವಿಷಯಗಳನ್ನು ಕಲಿಯಲು ಉತ್ಸಾಹ ತೋರುವಂತಿರಬೇಕು. ಅಷ್ಟೇ ಅಲ್ಲ ಹಾಸ್ಯ ಮನೋಭಾವ ಸಹ ಮುಖ್ಯ. ನಾನೆಂದರೆ ತುಂಬಾ ಇಷ್ಟ ಇರಬೇಕು" ಎಂದಿದ್ದಾರೆ ಜಾಹ್ವವಿ. 'ಅಮ್ಮ ಐ ಲವ್ ಯೂ' ಎಂದು ಭಾವುಕರಾದ ಜಾಹ್ನವಿ ಕಪೂರ್


ನನಗೆ ಎಲ್ಲವೂ ಸಹಜವಾಗಿ ಇರುವುದೇ ಇಷ್ಟ. ನಾನು ನಾನಾಗಿರಬೇಕು. ದೊಡ್ಡವಳಾಗಿ, ಫ್ಯಾನ್ಸಿಯಾಗಿ ಇರಲು ಇಷ್ಟಪಡಲ್ಲ. ನನ್ನ ಮದುವೆ ಸಾಂಪ್ರದಾಯಿಕವಾಗಿ ತಿರುಪತಿಯಲ್ಲಿ ನಡೆಯಲಿದೆ ಎಂಬುದು ನನಗೆ ಗೊತ್ತು. ಆಗ ನಾನು ಕಾಂಚಿಪುರಂ ರೇಷ್ಮೆ ಸೀರೆ ಉಡುತ್ತೇನೆ. ಮದುವೆ ಬಳಿಕ ನನಗಿಷ್ಟವಾದ ದಕ್ಷಿಣದ ಅಡುಗೆಗಳಾದ ಇಡ್ಲಿ, ಸಾಂಬಾರು, ಮೊಸರನ್ನ, ಖೀರು ಇನ್ನಿತರೆ ಭಕ್ಷ್ಯ ಭೋಜ್ಯಗಳು ಇರುತ್ತವೆ" ಎಂದು ಜಾಹ್ನವಿ ತನ್ನ ಮದುವೆ ಬಗ್ಗೆ ಹೇಳಿದ್ದಾರೆ.