ಎರಡನೇ ಬಾರಿ ಜಸ್ಟೀನ್‌ ಹೈಲೆ ಮದುವೆ

ಜಸ್ಟೀನ್‌ ಬೈಬರ್‌ ಹಾಗೂ ಹೈಲೆ ಬಾಲ್ಡ್‌ವಿನ್‌ ಮತ್ತೊಮ್ಮೆ ಎರಡನೇ ಬಾರಿ ಮದುವೆಯಾಗುತ್ತಿದ್ದಾರೆ. ಮೊದಲ ಬಾರಿ ಗೊಂದಲದಲ್ಲಿ ಮದುವೆಯಾಗಿದ್ದೆವು. ಇದೀಗ ಟ್ರಡಿಷನಲ್‌ ಆಗಿ ಮದುವೆಯಾಗಲು ನಿರ್ಧರಿಸಿದ್ದೇವೆ ಎಂದಿದ್ದಾರೆ ಹೈಲೆ ಬಾಲ್ಡ್‌ವಿನ್‌.

ಈ ಹಿಂದೆ ಮದುವೆಯಾದಾಗ ಎಲ್ಲರ ಸಮ್ಮುಖದಲ್ಲಿ ಮದುವೆಯಾಗಲು ಪ್ಲಾನ್‌ ಮಾಡಿದ್ದೇವು. ಆದರೆ, ಕಾರಣಾಂತರಗಳಿಂದ ಈ ಪ್ಲಾನ್‌ ಸಕ್ಸಸ್‌ ಅಗಲಿಲ್ಲ. ಇದಾದ ನಂತರ ಜಸ್ಟಿನ್‌ ಮಾನಸಿಕವಾಗಿ ಡಿಪ್ರೆಷನ್‌ಗೆ ಒಳಗಾಗಿದ್ದು, ಆಸ್ಪತ್ರೆ ಸೇರುವಂತೆ ಮಾಡಿತ್ತು. ಇದೀಗ ಎಲ್ಲವೂ ಸರಿ ಹೋಗಿದ್ದು ಮತ್ತೊಮ್ಮೆ ಎರಡನೇ ಬಾರಿ ಮದುವೆಯಾಗಲು ಸಿದ್ಧರಾಗಿದ್ದೇವೆ ಎಂದಿದ್ದಾರೆ ಹೈಲೆ.

ಕಳೆದ ವರ್ಷ ನ್ಯೂಯಾರ್ಕ್‍ನ ಕೋರ್ಟ್ ಹೌಸ್‌ನಲ್ಲಿ ತರಾತುರಿಯಲ್ಲಿ ಈ ಜೋಡಿ ಮದುವೆಯಾಗಿತ್ತು. ಇದೀಗ ಸಾಂಪ್ರದಾಯಿಕವಾಗಿ ಮದುವೆಯಾಗಲು ನಿರ್ಧರಿಸಿದ್ದಾರೆ. ಈಗಾಗಲೆ ತಮ್ಮ ಆತ್ಮೀಯರು ಹಾಗು ಬಂಧು ಬಳಕ್ಕೆ ದಿನಾಂಕ ನೋಟ್ ಮಾಡಿಕೊಳ್ಳಿ ಎಂಬ ಸಂದೇಶವನ್ನು ಕಳುಹಿಸಿದ್ದಾರಂತೆ.

ಬಹುಶಃ ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಮದುವೆಯಾಗಿದ್ದರು. ಇದೀಗ ಮದುವೆ ವಾರ್ಷಿಕೋತ್ಸವಕ್ಕೆ ಎರಡನೇ ಮದುವೆಗೆ ತಯಾರಿ ನಡೆದಿದೆ ಎಂದಿವೆ ಮೂಲಗಳು. ಇಬರಿಬ್ಬರ ಸಂಬಂಧ ಹಳಸಿದೆ ಎಂಬ ಸುದ್ದಿಯೂ ಹರಿದಾಡಿತ್ತು. ಆದರೆ ಈಗ ಎರಡನೇ ಮದುವೆಯಾಗುತ್ತಿರುವ ಮೂಲಕ ಆ ಎಲ್ಲಾ ಅಂತೆಕಂತೆಗಳನ್ನು ಗಾಳಿಗೆ ತೂರುತ್ತಿದ್ದಾರೆ.