ಮೈದುನನ ಜತೆಗೆ ಸ್ಕ್ರೀನ್‌ ಶೇರ್‌ ಮಾಡುತ್ತಿರುವಮ ಜ್ಯೋತಿಕಾ

ತಮಿಳಿನ ಸ್ಟಾರ್‌ ನಟರಾದ ಸೂರ್ಯ ಪತ್ನಿ ನಟಿ ಜ್ಯೋತಿಕಾ ನಟನೆಯ ಹೊಸ ಸಿನಿಮಾ ಬಿಡುಗಡೆಯಾಗಿ ಉತ್ತಮ ಪ್ರದರ್ಶನ ಕಾಣುತ್ತಿರುವ ಹೊತ್ತಿನಲ್ಲಿ ತಮ್ಮ ಪತಿಯ ಸಹೋದರ ನಟ ಕಾರ್ತಿ ಜತೆ ಮೊದಲ ಬಾರಿಗೆ ಅವರು ತೆರೆ ಹಂಚಿಕೊಳ್ಳುತ್ತಿದ್ದಾರೆ.

ಪಾಪನಾಸಂ ಮತ್ತು ದೃಶ್ಯಂ ಖ್ಯಾತಿ ನಿರ್ದೇಶಕ ಜೀತು ಜೋಸೆಫ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವ ಹೆಸರಿಡದ ಸಿನಿಮಾ ಇದಾಗಿದ್ದು, ಇದರಲ್ಲಿ ಕಾರ್ತಿ ಜತೆ ಜ್ಯೋತಿಕಾ ನಟಿಸುತ್ತಿದ್ದಾರೆ. ಮೊನ್ನೆಯಷ್ಟೇ ಚಿತ್ರೀಕರಣ ಕಂಪ್ಲೀಟ್‌ ಆಗಿದ್ದು, ಇದೊಂದು ಫ್ಯಾಮಿಲಿ ಸಬ್ಜೆಕ್ಟ್ ಇರುವ ಥ್ರಿಲ್ಲರ್‌ ಮಾದರಿಯ ಸಿನಿಮಾ ಎಂದಿದ್ದಾರೆ ನಿರ್ದೇಶಕರು. [ನ್ಯಾಷನಲ್ ಕರಾಟೆ ಚಾಂಪಿಯನ್‌ಶಿಪ್ ಗೆದ್ದ ಸೂರ್ಯ-ಜ್ಯೋತಿಕಾ ಮಗ]

ಇನ್ನು ಈ ಚಿತ್ರದಲ್ಲಿ ಹಿರಿಯ ನಟ ಸತ್ಯರಾಜ್‌ ಸಹ ನಟಿಸುತ್ತಿದ್ದಾರೆ. ವಿಶೇಷ ಎಂದರೆ ತಮ್ಮ ಮೈದುನನ ಜತೆ ಇದೇ ಮೊದಲ ಬಾರಿಗೆ ನಟಿಸುತ್ತಿರುವ ಜ್ಯೋತಿಕಾ ಸಹ ಸಿನಿಮಾ ಬಗ್ಗೆ ಎಕ್ಸೈಟ್‌ ಆಗಿದ್ದು, ಯಾವ ರೀತಿಯ ಪಾತ್ರ ಎಂಬುದನ್ನು ರಿವೀಲ್‌ ಮಾಡಿಲ್ಲ. ಒಟ್ಟಿನಲ್ಲಿ ಅಣ್ಣ ತಮ್ಮಂದಿರಿಬ್ಬರ ಜತೆ ನಟಿಸಿದ ಖ್ಯಾತಿ ಜ್ಯೋತಿಕಾಗೆ ಸೇರುತ್ತದೆ. ಜ್ಯೋತಿಕ ಕನ್ನಡದ ನಾಗರಹಾವು, ಒನ್‌ಟುತ್ರೀ ಸಿನಿಮಾಗಳಲ್ಲಿಯೂ ನಟಿಸಿದ್ದರು.