ಶಾರುಖ್‌ ಖಾನ್ ಮಗನ ಜೊತೆ ಕಾಜೋಲ್‌ ಮಗಳು ಓಡಿ ಹೋದರೆ ಕಾಜೋಲ್‌ ಏನು ಹೇಳ್ತಾರೆ?

ಬಾಲಿವುಡ್‌ನ ಸ್ಟಾರ್‌ ಕಲಾವಿದರ ಮಕ್ಕಳು ಆಗಾಗ ಸುದ್ದಿ ಆಗುತ್ತಲೇ ಇರುತ್ತಾರೆ. ಅದರಲ್ಲೂ ಶಾರುಖ್‌ ಖಾನ್‌ ಮಕ್ಕಳಾದ ಆರ್ಯನ್‌ ಖಾನ್‌, ಸುಹಾನಾ ಖಾನ್‌ ಹೆಸರು ಒಂದಿಲ್ಲೊಂದು ಕಾರಣಕ್ಕೆ ಗಾಸಿಪ್‌ ಕಾಲಂಗಳಲ್ಲಿ ಕಾಣಿಸಿಕೊಳ್ಳುವುದುಂಟು. ಈಗ ಶಾರುಖ್‌ ಪುತ್ರ ಆರ್ಯನ್‌ ಮತ್ತು ಕಾಜೋಲ್‌ ಪುತ್ರಿ ನ್ಯಾಸಾ ದೇವ್‌ಗನ್‌ ಅವರ ಮದುವೆ ವಿಷಯ ಸದ್ದು ಮಾಡುತ್ತಿದೆ.

ಶಾರುಖ್‌ ಖಾನ್‌ ಮಗ ಆರ್ಯನ್‌ ಅವರು ಕಾಜೋಲ್‌ ಪುತ್ರಿ ನ್ಯಾಸಾ ದೇವ್‌ಗನ್‌ ಜೊತೆ ಓಡಿ ಹೋಗಿ ಮದುವೆಯಾದರೆ ಅದಕ್ಕೆ ಕಾಜೋಲ್‌ ಪ್ರತಿಕ್ರಿಯೆ ಏನಾಗಿರುತ್ತದೆ? ಇಂಥದ್ದೊಂದು ಪ್ರಶ್ನೆ 2007ರಲ್ಲಿಯೇ ಕಾಜೋಲ್‌ಗೆ ಎದುರಾಗಿತ್ತು. ಕರಣ್‌ ಜೋಹರ್‌ ಅವರ 'ಕಾಫಿ ವಿಥ್‌ ಕರಣ್‌' ಕಾರ್ಯಕ್ರಮದಲ್ಲಿ ಕೇಳಿಬಂದ ಈ ರ‍್ಯಾಪಿಡ್‌ ಫೈರ್‌ ಪ್ರಶ್ನೆಗೆ ಕಾಜೋಲ್‌ ಕೊಟ್ಟ ಉತ್ತರವೂ ಸಖತ್‌ ಫಿಲ್ಮೀ ಆಗಿತ್ತು.

ಕರಣ್ ಕೇಳಿದ ಈ ಪ್ರಶ್ನೆಗೆ 'ದಿಲ್‌ವಾಲೆ ದುಲ್ಹೆ ಲೇ ಜಾಯೇಂಗೆ' ಎಂದು ಕಾಜೋಲ್‌ ಉತ್ತರಿಸಿದ್ದರು. ಅಂದರೆ, 'ಮದುಮಗನನ್ನು ಹೃದಯವಂತಳು ಕರೆದುಕೊಂಡು ಹೋಗುತ್ತಾಳೆ' ಎಂಬ ಅರ್ಥದಲ್ಲಿ ಅವರು ಪ್ರತಿಕ್ರಿಯೆ ನೀಡಿದ್ದರು. ಈ ಜೋಕ್‌ ನನಗೆ ಅರ್ಥ ಆಗುತ್ತಿಲ್ಲ ಎಂದು ಜೋರಾಗಿ ನಕ್ಕಿದ್ದರು ಶಾರುಖ್‌. ದಶಕಗಳ ಹಿಂದಿನ ಈ ವಿಡಿಯೋ ಈಗ ಮತ್ತೆ ವೈರಲ್‌ ಆಗುತ್ತಿದೆ. ಅದಕ್ಕೆ ಕಾರಣ, 'ದಿಲ್‌ವಾಲೆ ದುಲ್ಹನಿಯಾ ಲೇ ಜಾಯೇಂಗೆ' ಸಿನಿಮಾ.

also read: ಬದಲಾಯ್ತು ಶಾರುಖ್‌ ಖಾನ್‌ ಹೆಸರು! ರಾಜ್‌ ಮಲ್ಹೋತ್ರಾ ಎಂದು ಹೆಸರು ಇಟ್ಟುಕೊಂಡಿದ್ದೇಕೆ?

ಹೌದು, ಶಾರುಖ್‌ ಮತ್ತು ಕಾಜೋಲ್‌ ಜೋಡಿಯಾಗಿ ನಟಿಸಿದ್ದ 'ದಿಲ್‌ವಾಲೆ ದುಲ್ಹನಿಯಾ ಲೇ ಜಾಯೇಂಗೆ' (DDLJ) ಚಿತ್ರ 2020ರ ಅ.20ಕ್ಕೆ ಸರಿಯಾಗಿ 25 ವರ್ಷ ಪೂರೈಸಿದೆ. ಈ ನೆಪದಲ್ಲಿ ಆ ಚಿತ್ರಕ್ಕೆ ಸಂಬಂಧಿಸಿದ ಅನೇಕ ವಿಚಾರಗಳನ್ನು ಸಿನಿಪ್ರಿಯರು ನೆನಪು ಮಾಡಿಕೊಳ್ಳುತ್ತಿದ್ದಾರೆ. ಸಿನಿಮಾದಲ್ಲಿ ಮಾತ್ರವಲ್ಲದೆ, ರಿಯಲ್‌ ಲೈಫ್‌ನಲ್ಲಿಯೂ ಶಾರುಖ್‌-ಕಾಜೋಲ್‌ ನಡುವೆ ಒಳ್ಳೆಯ ಬಾಂಧವ್ಯ ಇದೆ. ಹಲವು ಚಿತ್ರಗಳಲ್ಲಿ ಅವರು ಜೊತೆಯಾಗಿ ನಟಿಸಿದ್ದಾರೆ.

also read: DDLJ ಚಿತ್ರಕ್ಕೆ 25 ವರ್ಷದ ಸಂಭ್ರಮ: ಲಂಡನ್‌ನಲ್ಲಿ ಅನಾವರಣ ಆಗಲಿದೆ ಶಾರುಖ್‌ & ಕಾಜೋಲ್‌ ಪ್ರತಿಮೆ!