ಮಹೇಶ್ ಬಾಬು ಹೇಳಿರೋದು ಸರಿಯಾಗೇ ಇದೆ ಎಂದ ಬಾಲಿವುಡ್ ನಟಿ ಕಂಗನಾ!

ಟಾಲಿವುಡ್ ನಟ ಮಹೇಶ್ ಬಾಬು ಅವರಿಗೆ ಇತ್ತೀಚೆಗಷ್ಟೇ ಒಂದು ಪ್ರಶ್ನೆ ಎದುರಾಗಿತ್ತು. ‘ಮೇಜರ್’ ಚಿತ್ರದ ಟ್ರೈಲರ್ ಲಾಂಚ್ ವೇಳೆ ‘’ಬಾಲಿವುಡ್ ಸಿನಿಮಾಗಳಲ್ಲಿ ಅಭಿನಯಿಸುವುದಿಲ್ಲವೇ?’’ ಎಂಬ ಪ್ರಶ್ನೆ ಮಹೇಶ್ ಬಾಬು ಕಡೆ ತೂರಿಬಂತು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಮಹೇಶ್ ಬಾಬು, ‘’ನನಗೆ ಹಿಂದಿ ಚಿತ್ರರಂಗದಿಂದ ಸಾಕಷ್ಟು ಆಫರ್ಸ್ ಬರುತ್ತಿವೆ. ಆದರೆ, ಅವರು ನನ್ನನ್ನು ನಿಭಾಯಿಸುತ್ತಾರೆ ಎಂದು ನನಗೆ ಅನಿಸುವುದಿಲ್ಲ. ನನ್ನನ್ನು ನಿಭಾಯಿಸಲು ಸಾಧ್ಯವಾಗದ ಚಿತ್ರರಂಗಕ್ಕೆ ಹೋಗಿ ನನ್ನ ಕೆಲಸದ ಸಮಯವನ್ನು ವ್ಯರ್ಥ ಮಾಡಲು ನನಗೆ ಇಷ್ಟವಿಲ್ಲ. ನನಗೆ ದಕ್ಷಿಣ ಭಾರತದಲ್ಲಿ ಅಪಾರ ಗೌರವ, ಜನಪ್ರಿಯತೆ ಇದೆ. ಹೀಗಾಗಿ, ತೆಲುಗು ಚಿತ್ರರಂಗವನ್ನು ಬಿಟ್ಟು ಬೇರೊಂದು ಚಿತ್ರರಂಗಕ್ಕೆ ಹೋಗುವ ಆಲೋಚನೆಯನ್ನು ನಾನು ಮಾಡುವುದಿಲ್ಲ’’ ಎಂದಿದ್ದರು. ಮಹೇಶ್ ಬಾಬು ಕೊಟ್ಟಿರುವ ಈ ಹೇಳಿಕೆ ಇದೀಗ ವಿವಾದಕ್ಕೆ ಗ್ರಾಸವಾಗಿದೆ. ಮಹೇಶ್ ಬಾಬು ಅವರ ಈ ಹೇಳಿಕೆ ಕುರಿತಾಗಿ ಬಾಲಿವುಡ್ ನಟಿ ಕಂಗನಾ ರನೌತ್ ಅವರಿಗೂ ಪ್ರಶ್ನೆ ಎದುರಾಯಿತು. ಇದಕ್ಕೆ ಉತ್ತರಿಸಿರುವ ಕಂಗನಾ ರನೌತ್, ‘’ಮಹೇಶ್ ಬಾಬು ಕೊಟ್ಟಿರುವ ಹೇಳಿಕೆ ಸರಿಯಾಗಿದೆ’’ ಎಂದಿದ್ದಾರೆ.

'ಬಾಲಿವುಡ್‌ ಮಂದಿಯಿಂದ ನನ್ನನ್ನು ನಿಭಾಯಿಸಲು ಸಾಧ್ಯವಿಲ್ಲ..'; ನಟ ಮಹೇಶ್‌ ಬಾಬು ಹೀಗೆ ಹೇಳಿದ್ದೇಕೆ?

ನಟಿ ಕಂಗನಾ ರನೌತ್ ಹೇಳಿದ್ದೇನು?
‘’ಮಹೇಶ್ ಬಾಬು ಸರಿಯಾಗಿಯೇ ಹೇಳಿದ್ದಾರೆ. ಮಹೇಶ್ ಬಾಬು ಅವರನ್ನ ನಿಭಾಯಿಸಲು ಬಾಲಿವುಡ್‌ಗೆ ಸಾಧ್ಯವಿಲ್ಲ. ಯಾಕಂದ್ರೆ, ಹಲವು ನಿರ್ಮಾಪಕರು ಮಹೇಶ್ ಬಾಬು ಅವರಿಗೆ ಆಫರ್ ನೀಡಿದ್ದಾರೆ, ಮಹೇಶ್ ಬಾಬು ಮತ್ತವರ ಪೀಳಿಗೆ ತೆಲುಗು ಚಿತ್ರರಂಗವನ್ನು ಭಾರತದಲ್ಲಿ ನಂಬರ್.1 ಆಗುವ ಹಾಗೆ ಮಾಡಿದ್ದಾರೆ ಅನ್ನೋದು ನನಗೆ ಗೊತ್ತು. ಹೀಗಾಗಿ, ಬಾಲಿವುಡ್‌ ಕೈಯಲ್ಲಿ ಅವರನ್ನು ಭರಿಸುವ ಶಕ್ತಿ ಇಲ್ಲ’’

‘’ಚಿಕ್ಕ ಪುಟ್ಟ ವಿಷಯಗಳಿಗೆ ವಿವಾದ ಸೃಷ್ಟಿಸುವ ಅವಶ್ಯಕತೆ ಏನಿದೆ? ಅವರು ಆ ಹೇಳಿಕೆಯನ್ನ ಯಾವುದೋ ಸಂದರ್ಭದಲ್ಲಿ, ಅರ್ಥದಲ್ಲಿ ಹೇಳಿರಬಹುದು. ಆದರೆ, ಅದರಲ್ಲೂ ಒಂದು ವಿಷಯವಿದೆ. ಅವರು ತಮ್ಮ ಕೆಲಸಕ್ಕೆ ಮತ್ತು ಉದ್ಯಮಕ್ಕೆ ಗೌರವ ನೀಡಿದ್ದಾರೆ. ಇದೇ ಕಾರಣಕ್ಕೆ ಅವರು ಎತ್ತರಕ್ಕೆ ಬೆಳೆದಿದ್ದಾರೆ. ಇದನ್ನ ನಾವು ಅಲ್ಲಗೆಳೆಯುವಂತಿಲ್ಲ. ಅವರಿಂದ ನಾವೆಲ್ಲ ಕಲಿಯುವುದು ಬಹಳಷ್ಟಿದೆ’’ ಎಂದು ನಟಿ ಕಂಗನಾ ರನೌತ್ ಹೇಳಿದ್ದಾರೆ.

'ಸರ್ಕಾರು ವಾರಿ ಪಾಟ' ಚಿತ್ರ ನೋಡಿದ ಸೆನ್ಸಾರ್ ಅಧಿಕಾರಿಗಳು; ಮಹೇಶ್ ಬಾಬು, ಕೀರ್ತಿ ಸುರೇಶ್ ಸಿನಿಮಾ ಹೇಗಿದೆಯಂತೆ?

ಸರ್ಕಾರಿ ವಾರು ಪಾಟ
ಮಹೇಶ್ ಬಾಬು ಮತ್ತು ಕೀರ್ತಿ ಸುರೇಶ್ ಅಭಿನಯದ ‘ಸರ್ಕಾರಿ ವಾರು ಪಾಟ’ ಸಿನಿಮಾ ಬಿಡುಗಡೆಯಾಗಿದೆ. ಬಿಡುಗಡೆಯಾದ ಮೊದಲ ದಿನವೇ 75 ಕೋಟಿ ರೂಪಾಯಿ ಗಳಿಸುವಲ್ಲಿ ‘ಸರ್ಕಾರಿ ವಾರು ಪಾಟ’ ಸಿನಿಮಾ ಯಶಸ್ವಿಯಾಗಿದೆ. ‘ಸರ್ಕಾರಿ ವಾರು ಪಾಟ’ ಚಿತ್ರಕ್ಕೆ ಪರಶುರಾಮ್ ಆಕ್ಷನ್ ಕಟ್ ಹೇಳಿದ್ದಾರೆ.

Fill this survey and get a chance to win an attractive gift