ಆ್ಯಪ್ನಗರ

Kangana Ranaut: ದೇಶವು ಖಾನ್‌ಗಳನ್ನು ಪ್ರೀತಿಸುತ್ತೆ, ಮುಸ್ಲಿಂ ನಟಿಯರ ಗೀಳು ಹೊಂದಿದೆ: ಕಂಗನಾ ರಣಾವತ್

ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರು ಟ್ವಿಟ್ಟರ್ ಅಕೌಂಟ್ ಮತ್ತೆ ಆಕ್ಟಿವ್ ಆದ ಖುಷಿಯಲ್ಲಿ, ಬ್ಯಾಕ್ ಟು ಬ್ಯಾಕ್ ಟ್ವೀಟ್ ಮಾಡುತ್ತಿದ್ದಾರೆ. 'ಪಠಾಣ್' ಸಿನಿಮಾ ದೊಡ್ಡ ದೊಡ್ಡ ರೆಕಾರ್ಡ್‌ ಮಾಡಿರೋದು ಕಂಗನಾ ಗಮನಕ್ಕೂ ಬಂದಿರುವಂತೆ ಕಾಣುತ್ತಿದೆ. ಹಾಗಾಗಿ ಅವರು ಪಠಾಣ್, ಹಿಂದು, ಮುಸ್ಲಿಂ, ಬಾಯ್ಕಾಟ್ ವಿಚಾರ ಇಟ್ಟುಕೊಂಡು ಒಂದಾದ ಮೇಲೆ ಒಂದರಂತೆ ಟ್ವೀಟ್ ಮಾಡುತ್ತಿದ್ದಾರೆ.

Authored byಪದ್ಮಶ್ರೀ ಭಟ್ | TIMESOFINDIA.COM 29 Jan 2023, 1:15 pm

ಹೈಲೈಟ್ಸ್‌:

  • ಕಂಗನಾ ರಣಾವತ್ ಟ್ವಿಟ್ಟರ್ ಅಕೌಂಟ್ ಮತ್ತೆ ಆಕ್ಟಿವ್
  • 'ಪಠಾಣ್' ಚಿತ್ರವನ್ನು ಟಾರ್ಗೆಟ್ ಮಾಡಿದ ಕಂಗನಾ ರಣಾವತ್
  • ಪದೇ ಪದೇ ಬಾಲಿವುಡ್, ಖಾನ್ ಬಗ್ಗೆ ಟ್ವೀಟ್ ಮಾಡುತ್ತಿರುವ 'ಕಾಂಟ್ರವರ್ಸಿ ಕ್ವೀನ್'
ಹೈಲೈಟ್ಸ್‌ ಮಾತ್ರವೇ ಓದಲು ಆ್ಯಪ್‌ ಡೌನ್‌ಲೋಡ್‌ ಮಾಡಿ
Vijaya Karnataka Web kangana
" 'ಪಠಾಣ್' ಸಿನಿಮಾ ಖುಷಿಯಲ್ಲಿರುವ ಬಾಲಿವುಡ್‌ನವರಿಗೆ ರಾಜಕೀಯದಿಂದ ದೂರ ಇರಿ" ಎಂದು ಮೊನ್ನೆ ತಾನೇ ನೀತಿಪಾಠ ಹೇಳಿದ್ದ ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರು, "ದೇಶವು ಖಾನ್, ಮುಸ್ಲಿಂ ನಟರಿಗೆ ಪಕ್ಷಪಾತವಾಗಿದೆ" ಎಂದು ಟ್ವೀಟ್ ಮಾಡಿದ್ದಾರೆ.
ಪಠಾಣ್ ಬಗ್ಗೆ ಟ್ವೀಟ್ ಮೇಲೆ ಟ್ವೀಟ್
ಶಾರುಖ್ ಖಾನ್ ಅವರ 'ಪಠಾಣ್' ಸಿನಿಮಾ ರಿಲೀಸ್ ಆಗಿ ಮೂರೇ ದಿನಕ್ಕೆ 313 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡುತ್ತಿದೆ. 'ಪಠಾಣ್' ಸಿನಿಮಾದ ಯಶಸ್ಸಿನ ಬಗ್ಗೆ ವಿಮರ್ಶೆ ಮಾಡುತ್ತ, ಬಾಲಿವುಡ್‌ಗೆ ಕಿವಿ ಹಿಂಡುತ್ತಿರುವ ಕಂಗನಾ ರಣಾವತ್ ಅವರು ಈಗ ಮುಸ್ಲಿಂ ನಟರ ಬಗ್ಗೆ ದೇಶದಲ್ಲಿರುವ ಅಭಿಪ್ರಾಯದ ಬಗ್ಗೆ ಮಾತನಾಡಿದ್ದಾರೆ.

ಮತ್ತೆ ಟ್ವಿಟ್ಟರ್‌ಗೆ ಕಂಬ್ಯಾಕ್

2020ರಲ್ಲಿ ಟ್ವಿಟ್ಟರ್ ನೀತಿ ನಿಯಮಗಳನ್ನು ಗಾಳಿಗೆ ತೂರಿದ್ದಕ್ಕೆ ಕಂಗನಾ ರಣಾವತ್ ಖಾತೆಯನ್ನು ಟ್ವಿಟ್ಟರ್ ನಿಷೇಧಿಸಿತ್ತು. ಅದಾಗಿ ಈಗ ಮತ್ತೆ ಅಕೌಂಟ್‌ನ್ನು ಮರಳಿ ಪಡೆದಿರುವ ಅವರು ಬ್ಯಾಕ್ ಟು ಬ್ಯಾಕ್ ಟ್ವೀಟ್ ಮಾಡುತ್ತಿದ್ದಾರೆ.

ಈಗ ಹೇಳುತ್ತಿರುವುದು ಏನು?

" ಅತ್ಯುತ್ತಮವಾದ ವಿಶ್ಲೇಷಣೆ. ಈ ದೇಶವು ಎಲ್ಲಾ ಖಾನ್‌ಗಳನ್ನು ಮಾತ್ರ ಮತ್ತು ಕೆಲವೊಮ್ಮೆ ಮಾತ್ರ, ಕೇವಲ ಖಾನ್‌ಗಳನ್ನು ಮಾತ್ರ ಪ್ರೀತಿಸುತ್ತದೆ… ಮುಸ್ಲಿಂ ನಟಿಯರ ಮೇಲೆ ಗೀಳನ್ನು ಹೊಂದಿದೆ. ಆದ್ದರಿಂದ ಭಾರತವನ್ನು ದ್ವೇಷ ಮತ್ತು ಫ್ಯಾಸಿಸಂ ಎಂದು ದೂಷಿಸುವುದು ತುಂಬಾ ಅನ್ಯಾಯವಾಗಿದೆ ... ಭಾರತದಂತಹ ದೇಶ ಮತ್ತೊಂದಿಲ್ಲ" ಎಂದು ಕಂಗನಾ ರಣಾವತ್ ಅವರು ಟ್ವೀಟ್ ಮಾಡಿದ್ದಾರೆ.

Pathaan: ಬಾಲಿವುಡ್‌ನವ್ರೇ..ದೇಶದಲ್ಲಿ ಹಿಂದುಗಳ ದ್ವೇಷದಿಂದ ಬಳಲುತ್ತಿದ್ದೀರಿ ಅಂತ ಬಿಂಬಿಸಬೇಡಿ: ಕಂಗನಾ ರಣಾವತ್

ಬಾಯ್ಕಾಟ್ ಬಗ್ಗೆ ಕಂಗನಾ ಅಭಿಪ್ರಾಯ

ಈ ಹಿಂದೆ ಮತ್ತೊಂದು ಟ್ವೀಟ್ ಮೂಲಕ 'ಹಿಂದು, ಮುಸ್ಲಿಂ ಪ್ರೀತಿಯಿಂದ ಶಾರುಖ್ ಖಾನ್ ಅವರ ಪಠಾಣ್ ಗೆದ್ದಿದೆ. ಯಾವುದೇ ಬಾಯ್ಕಾಟ್ ಅಭಿಯಾನಗಳು ಬಾಲಿವುಡ್‌ ಸಿನಿಮಾಗಳಿಗೆ ಹಾನಿ ಮಾಡುವುದಿಲ್ಲ.. ಬದಲಿಗೆ ಸಹಾಯ ಮಾಡುತ್ತವೆ.' ಎಂದು ಕೂಡ ಕಂಗನಾ ಹೇಳಿದ್ದಾರೆ.

ಈ ಟ್ವೀಟ್‌ಗಳನ್ನು ನೋಡಿದವರು ಕಂಗನಾ ರಣಾವತ್ ಅವರು 'ಪಠಾಣ್' ಇಟ್ಟುಕೊಂಡು ಗಮನ ಸೆಳೆಯುವ ಪ್ರಯತ್ನ ಮಾಡುತ್ತಿದ್ದಾರೆ ಎಂದಿದ್ದಾರೆ.

Kangana Ranaut: 'ಪಠಾಣ್' ಗೆದ್ದಿತು ಅಂದ್ರೆ ಪಾಕಿಸ್ತಾನ, ISI ಯಶಸ್ವಿಯಾಗಿ ಚಾಲನೆಯಲ್ಲಿದೆ ಎಂದರ್ಥ: ಕಂಗನಾ ರಣಾವತ್

ಕಂಗನಾ ಟ್ವೀಟ್ ಬಗ್ಗೆ ನೆಟ್ಟಿಗರು ಏನಂತಾರೆ? ಇಲ್ಲಿದೆ ನೋಡಿ...


  • ನೀವು ಈ ದೇಶದವರು ಅಲ್ಲ ಅಂತ ಹೇಳ್ತಿದ್ದೀರಾ?
  • ನೀವು ಕಾರಣವಿಲ್ಲದೆ ಖಾನ್‌ಗಳ ಮೇಲೆ ಅಟ್ಯಾಕ್ ಮಾಡುತ್ತಿದ್ದೀರಾ.. ಧರ್ಮದ ಕಾರ್ಡ್ ಇಟ್ಟುಕೊಂಡು ಎಲ್ಲವನ್ನು ಹಿಂದುತ್ವ ಎಂದು ಹೇಳುತ್ತೀರಾ.
  • ಎಲ್ಲವನ್ನು ಹಿಂದು, ಮುಸ್ಲಿಂ ಎಂದು ನೋಡುವ ಕಾಯಿಲೆ ನಿಮಗಿದೆ. ನೀವು ಯಾವಾಗ ಮುಸ್ಲಿಂ, ಹಿಂದು ಎಂದು ಭಾಗ ಮಾಡ್ತೀರಿ? ಎಲ್ಲರೂ ಭಾರತೀಯರು, ನೀವು ಯಾಕೆ ಟ್ಯಾಗ್ ಕೊಡ್ತಿದ್ದೀರಾ?
  • ನೀವು ಇದೇ ರೀತಿ ಯೋಚನೆ ಮಾಡ್ತೀರಿ ಅಂದ್ರೆ ಕಂಗನಾ ಬದಲು ಕೈನಾತ್ ಎಂದು ಹೆಸರು ಬದಲಾಯಿಸಿಕೊಳ್ಳಿ ( ಉರ್ದು ಭಾಷೆಯಲ್ಲಿ ಕೈನಾತ್ ಅಂದ್ರೆ ಯುನಿವರ್ಸ್ ಎಂದರ್ಥ )

ಅಂದಹಾಗೆ ಶಾರುಖ್ ಖಾನ್ ಅವರು ಯಾವುದೇ ಸಂದರ್ಶನ ನೀಡದೆ, ಟ್ವಿಟ್ಟರ್‌ನಲ್ಲಿ ಅಭಿಮಾನಿಗಳ ಜೊತೆ 'ಪಠಾಣ್' ಬಗ್ಗೆ ಸಂವಾದ ನಡೆಸುತ್ತಿದ್ದಾರೆ.
ಲೇಖಕರ ಬಗ್ಗೆ
ಪದ್ಮಶ್ರೀ ಭಟ್
ವಿಜಯ ಕರ್ನಾಟಕ' ವೆಬ್‌ನಲ್ಲಿ ಸಿನಿಮಾ ಪತ್ರಕರ್ತೆಯಾಗಿ 2019ರಿಂದ ಪದ್ಮಶ್ರೀ ಭಟ್ ಕಾರ್ಯನಿರ್ವಹಿಸುತ್ತಿದ್ದಾರೆ. ಇದಕ್ಕೂ ಮುನ್ನ ರಾಜ್ಯಮಟ್ಟದಲ್ಲಿ ಪತ್ರಿಕೆಯಲ್ಲಿ ಕೆಲಸ ಮಾಡಿದ ಅನುಭವ ಇವರಿಗೆ ಇದೆ. 'ವಿಜಯ ಕರ್ನಾಟಕ' ವೆಬ್‌ನಲ್ಲಿ ಲೇಖನಗಳನ್ನು ಬರೆಯುವುದರ ಜೊತೆಗೆ ಸೆಲೆಬ್ರಿಟಿಗಳ ಸಂದರ್ಶನಗಳನ್ನು ಮಾಡುತ್ತಿದ್ದಾರೆ. ಪುಸ್ತಕ ಓದುವುದು, ಪ್ರವಾಸ ಪದ್ಮಶ್ರೀ ಅವರ ಇಷ್ಟದ ಹವ್ಯಾಸಗಳು.... ಇನ್ನಷ್ಟು ಓದಿ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ
ಟ್ರೆಂಡಿಂಗ್‌