ಬ್ರೇಕಪ್‌, ಡಿವೋರ್ಸ್‌ ಆಗಿರುವ ಹೃತಿಕ್‌ ರೋಷನ್‌ ಅವರನ್ನು ಮತ್ತೆ ಕೆಣಕಿದ ಕಂಗನಾ ರಣಾವತ್‌!

ಬಾಲಿವುಡ್‌ ನಟಿ ಕಂಗನಾ ರಣಾವತ್‌ ಮತ್ತು ನಟ ಹೃತಿಕ್‌ ರೋಷನ್‌ ನಡುವೆ ದೊಡ್ಡ ಮಟ್ಟದಲ್ಲಿ ಕಿರಿಕ್‌ ಆಗಿತ್ತು. ಪ್ರೀತಿ ಪ್ರೇಮದ ಹೆಸರಿನಲ್ಲಿ ಹೃತಿಕ್‌ ತಮಗೆ ಮೋಸ ಮಾಡಿದ್ದಾರೆ ಎಂದು ಕಂಗನಾ ಆರೋಪಿಸಿದ್ದರು. ಇದಾಗಿ ಹಲವು ವರ್ಷಗಳೇ ಕಳೆದಿವೆ. ಆದರೆ ಈಗ ಮತ್ತೆ ಹೃತಿಕ್‌ ಬಗ್ಗೆ ಕಂಗನಾ ಮಾತನಾಡಿದ್ದಾರೆ.

ಕಂಗನಾ ಅವರಿಂದ ತಮಗೆ ನೂರಾರು ಈ-ಮೇಲ್‌ಗಳು ಬಂದಿವೆ ಎಂದು ಹೃತಿಕ್‌ 2016ರಲ್ಲಿ ಹೇಳಿದ್ದರು. ಈ ಕುರಿತು ಸೈಬರ್‌ ಪೊಲೀಸರಿಗೆ ದೂರು ಸಲ್ಲಿಸಿದ್ದರು ಹೃತಿಕ್‌. ಅದೇ ಕೇಸ್‌ ಈಗ ಮುಂಬೈ ಸೈಬರ್‌ ಕ್ರೈಂ ವಿಭಾಗದಿಂದ ಕ್ರೈಂ ಇಂಟೆಲಿಜನ್ಸ್‌ ಯುನಿಟ್‌ಗೆ ವರ್ಗಾವಣೆ ಆಗಿದೆ. ಹೃತಿಕ್‌ ಅವರ ಮನವಿ ಮೇರೆಗೆ ಈ ರೀತಿ ವರ್ಗಾವಣೆ ಮಾಡಲಾಗಿದೆ. ಈ ಬೆಳವಣಿಗೆಗೆ ಸಂಬಂಧಿಸಿದಂತೆ ಕಂಗನಾ ಟ್ವೀಟ್‌ ಮಾಡಿದ್ದಾರೆ.

'ಇವನ ಕಣ್ಣೀರಿನ ಕಥೆ ಮತ್ತೆ ಶುರು ಆಯ್ತು. ನಮ್ಮ ಬ್ರೇಕಪ್‌ ಮತ್ತು ಆತನ ಡಿವೋರ್ಸ್‌ ಆಗಿ ಎಷ್ಟೋ ವರ್ಷಗಳು ಕಳೆದಿವೆ. ಆದರೆ ಅದನ್ನೆಲ್ಲ ಮರೆತು ಮುಂದುವರಿಯಲು ಆತ ತಯಾರಿಲ್ಲ. ಬೇರೆ ಮಹಿಳೆ ಜೊತೆ ಡೇಟಿಂಗ್‌ ಮಾಡಲೂ ಆತ ಸಿದ್ಧನಿಲ್ಲ. ನಾನು ನನ್ನ ವೈಯಕ್ತಿಕ ಬದುಕಿನಲ್ಲಿ ಭರವಸೆ ಕಂಡುಕೊಳ್ಳುತ್ತಿರುವಾಗಲೇ ಇವನು ಅದೇ ಹಳೇ ಡ್ರಾಮಾ ಶುರುಮಾಡಿದ್ದಾನೆ. ಒಂದು ಸಣ್ಣ ಅಫೇರ್‌ಗಾಗಿ ಇನ್ನೂ ಎಲ್ಲಿಯವರೆಗೆ ಅಳುತ್ತೀಯಾ ಹೃತಿಕ್‌?' ಎಂದು ಕಂಗನಾ ಪ್ರಶ್ನಿಸಿದ್ದಾರೆ.

also read: 100 ರೂಪಾಯಿಗೆ ಆಕೆ ಸಿಗುತ್ತಾಳೆ: 73 ವರ್ಷದ ವೃದ್ಧೆ ಬಗ್ಗೆ ಕಂಗನಾ ಅವಹೇಳನಕಾರಿ ಟ್ವೀಟ್‌!

ಹೃತಿಕ್‌ ವಿರುದ್ಧ ಕಂಗನಾ ಹಲವು ಆರೋಪಗಳನ್ನು ಹೊರಿಸಿದ್ದರು. ತಮ್ಮ ಜೊತೆ ಹೃತಿಕ್‌ ತುಂಬ ಆಪ್ತವಾಗಿದ್ದರು ಎಂಬುದಕ್ಕೆ ಸಾಕ್ಷಿ ನೀಡುವಂತಹ ಕೆಲವು ಫೋಟೋಗಳನ್ನೂ ಅವರು ಶೇರ್‌ ಮಾಡಿಕೊಂಡಿದ್ದರು. ಈ ಬಾಲಿವುಡ್‌ ಸ್ಟಾರ್‌ಗಳ ಜಗಳ ದೊಡ್ಡಮಟ್ಟದಲ್ಲಿ ಸದ್ದು ಮಾಡಿತ್ತು. ಅದಕ್ಕೂ ಮುನ್ನ 'ಕ್ರಿಷ್‌ 3' ಮತ್ತು 'ಕೈಟ್ಸ್‌' ಸಿನಿಮಾಗಳಲ್ಲಿ ಅವರಿಬ್ಬರು ಜೊತೆಯಾಗಿ ನಟಿಸಿದ್ದರು.

also read: 'ಹಿಮಾಚಲದ ಕೊಳೆತ ಸೇಬು ಕಂಗನಾ': ಕಾಂಗ್ರೆಸ್‌ ಸಂಸದನಿಂದ ಅವಹೇಳನಕಾರಿ ಟ್ವೀಟ್‌!