600 ರೂ. ಬೆಲೆಯ ದೇಸಿ ಸೀರೆಗೆ ಜೈ ಎಂದ ಕಂಗನಾ ರನಾವತ್‌

ಸಾವಿರ, ಲಕ್ಷ ರೂಪಾಯಿ ಮೌಲ್ಯದ ಸೀರೆ, ಸಲ್ವಾರ್‌ ಮುಂತಾದ ಡ್ರೆಸ್‌ ಧರಿಸುವ ಬಾಲಿವುಡ್‌ ನಟಿ ಕಂಗನಾ ರನಾವತ್‌ ಇತ್ತೀಚೆಗೆ ಕೇವಲ 600 ರೂ. ಬೆಲೆಯ ಕಾಟನ್‌ ಸೀರೆ ಧರಿಸಿ ಜೈಪುರಕ್ಕೆ ಭೇಟಿ ನೀಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ಸಾಮಾನ್ಯವಾಗಿ ದುಬಾರಿ ಬೆಲೆಯ ಸೀರೆಗಳನ್ನೇ ಧರಿಸುವ ಅವರು ಇಷ್ಟು ಕಡಿಮೆ ಬೆಲೆಯ ಅದರಲ್ಲೂ ಕಾಟನ್‌ ಸೀರೆ ಉಟ್ಟಿರುವುದು ವಿಶೇಷವಾಗಿತ್ತು. ತಿಳಿ ಕನಕಾಂಬರ ಬಣ್ಣದ ಈ ಸೀರೆ ಮೇಲೆ ಕಪ್ಪು ಬಣ್ಣದ ಬ್ಲೇಝರ್‌ ಧರಿಸಿದ್ದ ಅವರು ಅದೇ ಅದೇ ಬಣ್ಣದ ಲಕ್ಷುರಿ ಬ್ಯಾಗ್‌ ಹಿಡಿದುಕೊಂಡು ಕ್ಯಾಮರಾಗೆ ಪೋಸ್‌ ನೀಡಿದ್ದಾರೆ.

ಈ ಫೋಟೋಗಳನ್ನು ಅವರ ಸಹೋದರಿ ರಂಗೋಲಿ ಚಂದೇಲ್‌ ಟ್ವಿಟ್ಟರ್‌ನಲ್ಲಿಪೋಸ್ಟ್‌ ಮಾಡಿ, ಕೊಲ್ಕೊತ್ತಾದಲ್ಲಿ 600 ರೂಪಾಯಿಗೆ ಖರೀದಿಸಿದ್ದ ಕಾಟನ್‌ ಸೀರೆಯನ್ನು ಕಂಗನಾ ಧರಿಸಿದ್ದಾರೆ. ಇದು ನೈಸರ್ಗಿಕವಾದ ಶುದ್ಧ ಹತ್ತಿಯಿಂದ ತಯಾರಿಸಿದ ಉಡುಪಾದರೂ ಕಡಿಮೆ ಬೆಲೆಗೂ ಸಿಗುತ್ತದೆ ಎಂದು ತಿಳಿದು ಆಕೆÜ ಆಶ್ಚರ್ಯ ಪಟ್ಟಿದ್ದರು. ಇದನ್ನು ನೇಯುವ ಜನರು ತುಂಬಾ ಕಷ್ಟಪಟ್ಟು ದುಡಿಯುತ್ತಾರೆ. ಆದರೆ ಅವರ ಗಳಿಕೆ ತೀರಾ ಕಡಿಮೆಯಾಗಿರುತ್ತದೆ ಎಂದು ಖೇದ ವ್ಯಕ್ತಪಡಿಸಿದ್ದರು ಎಂದು ಬರೆದುಕೊಂಡಿದ್ದಾರೆ.