ಕಿರುತೆರೆಯಲ್ಲಿ ಮತ್ತೆ ಕಪಿಲ್ ಶರ್ಮಾ ಮ್ಯಾಜಿಕ್

ಸ್ಟ್ಯಾಂಡಪ್ ಕಾಮಿಡಿ ನಟ ಕಪಿಲ್ ಶರ್ಮಾ ಮತ್ತೆ ಕಿರುತೆರೆ ಅಭಿಮಾನಿಗಳನ್ನು ರಂಜಿಸಲು ಬರುತ್ತಿದ್ದಾರೆ. ಈಗಾಗಲೆ ಅವರ ಕಾರ್ಯಕ್ರಮಕ್ಕೆ ಸಂಬಂಧಿಸಿದ ಟೀಸರ್ ಶೂಟ್ ನಡೆದಿದ್ದು ಮಾರ್ಚ್‌ನಿಂದ ಹೊಸ ಶೋ ಆರಂಭವಾಗಲಿದೆ. ಇದೂ ಪಕ್ಕಾ ಕಾಮಿಡಿ ಶೋ ಎಂಬುದರಲ್ಲಿ ಅನುಮಾನವಿಲ್ಲ.

ಈ ಹಿಂದೆ ನಡೆಸಿಕೊಡುತ್ತಿದ 'ಕಪಿಲ್ ಶರ್ಮಾ ಶೋ' ಕಾರ್ಯಕ್ರಮ ಸೋನಿ ವಾಹಿನಿಯಲ್ಲಿ ಮೂಡಿಬರುತ್ತಿತ್ತು. ಇದೀಗ ಅವರ ಹೊಸ ಶೋ ಸಹ ಅದೇ ವಾಹಿನಿಯಲ್ಲಿ ಪ್ರಸಾರವಾಗಲಿದೆ. ಈ ಶೋನಲ್ಲಿ ಕಪಿಲ್ ಸಹ ನಟ ಸುನೀಲ್ ಗ್ರೋವರ್ ಕಾಣಿಸುತ್ತಿಲ್ಲ. ಸುನೀಲ್ ಗ್ರೋವರ್ ಮೇಲೆ ವಿಮಾನದಲ್ಲಿ ಪ್ರಯಾಣಿಸಬೇಕಾದರೆ ಹಲ್ಲೆ ಮಾಡಿ ಅವಾಚ್ಯ ಶಬ್ದಗಳಿಂದ ಕಪಿಲ್ ಶರ್ಮಾ ನಿಂದಿಸಿ ರಾದ್ಧಾಂತ ಮಾಡಿದ್ದು ಗೊತ್ತೇ ಇದೆ.

ಈ ಶೋ ಹೆಸರು ಮತ್ತು ಯಾವ ರೀತಿ ಇರುತ್ತದೆ ಎಂಬುದನ್ನು ವಾಹಿನಿ ಇನ್ನೂ ಬಹಿರಂಗಪಡಿಸಿಲ್ಲ. ಈ ಹಿಂದೊಮ್ಮೆ ಕಪಿಲ್ ಶರ್ಮಾ ತೀವ್ರವಾಗಿ ಅಸ್ವಸ್ಥಗೊಂಡು ಸೆಟ್ಸ್‌ನಲ್ಲೇ ಕುಸಿದುಬಿದ್ದಿದ್ದರು. 'ಫಿರಂಗಿ' ಸಿನಿಮಾದಲ್ಲೂ ಅಭಿನಯಿಸಿದ್ದಾರೆ ಕಪಿಲ್ ಶರ್ಮಾ. 'ಕಪಿಲ್ ಶರ್ಮಾ ಶೋ' ಸೋನಿ ವಾಹಿನಿಗೆ ಅತ್ಯಧಿಕ ರೇಟಿಂಗ್ ತಂದಿಕೊಟ್ಟ ಕಾರ್ಯಕ್ರಮವಾಗಿತ್ತು.