ಗಂಡನ ಜತೆ ತೆರೆ ಮೇಲೆ ಬಿಪಾಶಾ ಬಸು ರೊಮ್ಯಾನ್ಸ್

ಬಾಲಿವುಡ್‌ನ ಜನಪ್ರಿಯ ಜೋಡಿಗಳಲ್ಲೊಂದಾದ ಬಿಪಾಶಾ ಬಸು ಹಾಗೂ ಕರಣ್‌ ಸಿಂಗ್‌ ಗ್ರೋವರ್‌ ಶೀಘ್ರದಲ್ಲೇ 'ಆದತ್‌' ಚಿತ್ರದಲ್ಲಿ ತೆರೆ ಹಂಚಿಕೊಳ್ಳಲಿದ್ದಾರೆ. ಭೂಷಣ್‌ ಪಟೇಲ್‌ ನಿರ್ದೇಶನದ ಈ ಚಿತ್ರ ಒಂದು ರೊಮ್ಯಾಂಟಿಕ್‌ ಥ್ರಿಲ್ಲರ್‌ ಆಗಿರುವುದರಿಂದ ಈ ಜೋಡಿಯ ರೊಮ್ಯಾಂಟಿಕ್‌ ಸೀನ್‌ಗಳ ಬಗ್ಗೆ ಈಗಾಗಲೇ ನಿರೀಕ್ಷೆ ಮೂಡಿದೆ. ಇವರಿಬ್ಬರೂ 2015ರಲ್ಲಿ 'ಅಲೋನ್‌' ಚಿತ್ರದಲ್ಲಿ ಜತೆಯಾಗಿ ನಟಿಸಿದ್ದರು.

ಪತ್ನಿಯ ಜತೆ ನಟಿಸುತ್ತಿರುವ ಬಗ್ಗೆ ಕರಣ್‌, 'ಬಿಪಾಶಾ ಜತೆ ಕೆಲಸ ಮಾಡುವುದೆಂದರೆ ಒಂದು ಅತ್ಯದ್ಭುತ ಫೀಲಿಂಗ್‌. ಅವಳು ತುಂಬಾ ಶಿಸ್ತುಬದ್ಧ ವ್ಯಕ್ತಿ. ಡಿಸಿಪ್ಲಿನ್ಡ್‌ ಆಗಿರುವುದು ಹೇಗೆ ಎಂಬ ಬಗ್ಗೆ ನಾನು ಆಕೆಯಿಂದ ಕಲಿತಿದ್ದೇನೆ. ಅವಳು ಸದಾ ತುಂಬಾ ಎನರ್ಜಿಯಿಂದಿರುತ್ತಾಳೆ, ತಮಾಷೆ ಮಾಡುತ್ತಿರುತ್ತಾಳೆ ಎಂದಿದ್ದಾರೆ.

ಅವಳ ಜತೆ ಇರುವಾಗ ಅಥವಾ ಕೆಲಸ ಮಾಡುವಾಗ ಡಲ್‌ ಕ್ಷಣ ಎಂಬುದೇ ಇರುವುದಿಲ್ಲ' ಎಂದಿದ್ದಾರೆ. ಮನೆಯಲ್ಲಷ್ಟೇ ಅಲ್ಲ, ಕೆಲಸದಲ್ಲೂ ಮತ್ತು ಎಲ್ಲೆಲ್ಲೂ ಅವಳ ಜತೆ ಇರುವುದು ನನಗೆ ಇಷ್ಟದ ವಿಷಯ ಎಂದು ಪತ್ನಿಯನ್ನು ಮೆಚ್ಚಿಕೊಂಡಿದ್ದಾರೆ ಕರಣ್‌ ಸಿಂಗ್‌ ಗ್ರೋವರ್‌.