ಮೆಕ್ಸಿಕೊ ಬೀಚ್‌ನಲ್ಲಿ ಬರ್ತ್‌ಡೇ ಆಚರಿಸಿಕೊಂಡ ಕತ್ರಿನಾ ಕೈಫ್‌

ನಟಿ ಕತ್ರಿನಾ ಕೈಫ್‌ ತನ್ನ 36ನೇ ಬರ್ತ್‌ಡೇಯನ್ನು ಮೆಕ್ಸಿಕೊದ ಸುಂದರ ಬೀಚ್‌ನಲ್ಲಿ ಆಚರಿಸಿಕೊಂಡಿದ್ದಾರೆ. ತನ್ನ ಫ್ಯಾಮಿಲಿಯೊಂದಿಗೆ ಬರ್ತ್‌ಡೇ ಪಾರ್ಟಿ ಎಂಜಾಯ್‌ ಮಾಡಿರುವ ಅವರಿಗೆ ಸಿಲೆಬ್ರಿಟಿಗಳು ಮತ್ತು ಅಸಂಖ್ಯಾತ ಅಭಿಮಾನಿಗಳು ಸೋಷಿಯಲ್‌ ಮೀಡಿಯಾದಲ್ಲಿ ಶುಭಾಶಯಗಳ ಮಹಾಪೂರವನ್ನೇ ಹರಿಸಿದ್ದಾರೆ. ಬರ್ತ್‌ಡೇ ಹಿನ್ನೆಲೆಯಲ್ಲಿ ಕತ್ರಿನಾ ಕೈಫ್‌ ಇನ್‌ಸ್ಟಾಗ್ರಾಮ್‌ನಲ್ಲಿ ಶೇರ್‌ ಮಾಡಿಕೊಂಡಿರುವ ಅವರ ಹೊಸ ಬಿಕಿನಿ ಫೋಟೋವೊಂದು ವೈರಲ್‌ ಆಗಿದೆ.

ಬಿಳಿ ಬಿಕಿನಿಯ ಮೇಲೆ ಕವರ್‌ಅಪ್‌ ಉಡುಪು ಧರಿಸಿ ಮೆಕ್ಸಿಕೊ ಬೀಚ್‌ನಲ್ಲಿ ಮಾದಕ ಪೋಸ್‌ ಕೊಟ್ಟಿರುವ ಕತ್ರಿನಾರ ಈ ಫೋಟೋಗೆ ಲೈಕ್ಸ್‌ನ ಸುರಿಮಳೆಯೇ ಬರುತ್ತಿದೆ. ಕಳೆದೆರಡು ದಿನಗಳಿಂದಲೂ ಅವರು ತನ್ನ ಹಲವಾರು ಬಿಕಿನಿ ಫೋಟೋಗಳನ್ನು ಶೇರ್‌ ಮಾಡಿಕೊಂಡಿದ್ದಾರೆ. ಆದರೆ ಬರ್ತ್‌ಡೇಯಂದು ಶೇರ್‌ ಮಾಡಿಕೊಂಡಿರುವ ವೈಟ್‌ ಬಿಕಿನಿ ಫೋಟೊ ಈ ಮೊದಲಿಗಿಂತಲೂ ತುಂಬಾ ಸುಂದರವಾಗಿದೆ ಎಂದು ಅವರ ಅಭಿಮಾನಿಗಳು ಸೋಷಿಯಲ್‌ ಮೀಡಿಯಾದಲ್ಲಿ ಕಾಮೆಂಟ್‌ ಮಾಡಿದ್ದಾರೆ. ಬಾಲಿವುಡ್‌ ನಟ ಅರ್ಜುನ್‌ ಕಪೂರ್‌, ಕತ್ರಿನಾ ಕೈಫ್‌ ಮೆಕ್ಸಿಕೊಗೆ ಬರ್ತ್‌ಡೇ ಆಚರಿಸಲು ಹೋಗಿದ್ದಾರೊ ಅಥವಾ ಫೋಟೋಶೂಟ್‌ ಮಾಡಿಸಿಕೊಳ್ಳಲು ಹೋಗಿದ್ದಾರೊ? ಎಂದು ಟ್ವೀಟ್‌ ಮಾಡಿ ನಟಿಯನ್ನು ಕಿಚಾಯಿಸಿದ್ದಾರೆ.