ಕತ್ರಿನಾ ಕೈಫ್‌ಗೆ ಇಂದು 36ನೇ ಬರ್ತ್‌ಡೇ ಸಂಭ್ರಮ

ಭಾರತ್‌ ಸಿನಿಮಾದ ಮೂಲಕ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿರುವ ನಟಿ ಕತ್ರಿನಾ ಕೈಫ್‌ ಇಂದು ಅಂದರೆ ಜುಲೈ 16ರಂದು ತಮ್ಮ 36ನೇ ಬರ್ತ್‌ಡೇ ಆಚರಿಸುತ್ತಿದ್ದಾರೆ. ಕಳೆದೊಂದು ದಶಕದಿಂದ ಬಾಲಿವುಡ್‌ ಅನ್ನು ಆಳುತ್ತಿರುವ ಅವರು ಹಲವಾರು ಯಶಸ್ವಿ ಸಿನಿಮಾಗಳ ನಾಯಕಿಯಾಗಿದ್ದು, ತಮ್ಮ ಸೌಂದರ್ಯ, ಗ್ಲಾಮರ್‌, ಡಾನ್ಸ್‌ ಸ್ಕಿಲ್‌ ಮೂಲಕವೂ ಗುರುತಿಸಲ್ಪಟ್ಟಿದ್ದಾರೆ.

ಸದ್ಯಕ್ಕೆ ಮೆಕ್ಸಿಕೊದಲ್ಲಿ ಬೀಚ್‌ ಹಾಲಿಡೇ ಎಂಜಾಯ್‌ ಮಾಡುತ್ತಿರುವ ಕತ್ರಿನಾ ಕೈಫ್‌, ಈ ಬಾರಿ ತಮ್ಮ ಬರ್ತ್‌ಡೇಯನ್ನು ತಾಯಿ ಸುಜಾನ್‌, ಸಹೋದರಿಯರು ಮತ್ತು ಆತ್ಮೀಯ ಸ್ನೇಹಿತರೊಂದಿಗೆ ಆಚರಿಸುವ ಸುಳಿವನ್ನು ನೀಡಿದ್ದಾರೆ. ಈ ಬರ್ತ್‌ಡೇ ತುಂಬಾ ಸ್ಪೆಷಲ್‌ ಆಗಿರಲಿದೆ ಮತ್ತು ತಾವು ಬೀಚ್‌ ಪ್ರಿಯೆಯಾಗಿರುವ ಕಾರಣ ಆತ್ಮೀಯರಿಗೆ ಬೀಚ್‌ಸೈಡ್‌ ಪಾರ್ಟಿ ನೀಡಲಿದ್ದೇನೆ ಎಂದು ಕೂಡಾ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಪರೋಕ್ಷ ವಾಗಿ ಹೇಳಿಕೊಂಡಿದ್ದಾರೆ.