ಸಿಂಗಲ್‌ ಆಗಿರಲು ಇಷ್ಟವಿಲ್ಲ ಎಂದ ಕತ್ರಿನಾ ಕೈಫ್‌

ಬಾಲಿವುಡ್‌ ನಟಿ ಕತ್ರಿನಾ ಕೈಫ್‌, ತಮಗೀಗ ಸಿಂಗಲ್‌ ಆಗಿರಲು ಇಷ್ಟವಾಗುತ್ತಿಲ್ಲ ಎಂದು ಹೇಳಿದ್ದಾರೆ. ಸಂದರ್ಶನವೊಂದರಲ್ಲಿ ಈ ವರ್ಷ ನೀವು ಏನನ್ನು ಬಯಸುತ್ತಿದ್ದೀರಿ ಎಂದು ಕೇಳಿದ ಪ್ರಶ್ನೆಗೆ ಅವರು, ಒಂದು ಫಿಲ್ಮ್‌ಫೇರ್‌ ಅವಾರ್ಡ್‌ ಮತ್ತು ಒಬ್ಬ ಬಾಯ್‌ಫ್ರೆಂಡ್‌ ಬೇಕೆಂದು ಅನಿಸುತ್ತಿದೆ. ಯಾಕೆಂದರೆ ನನಗೀಗ ಸಿಂಗಲ್‌ ಆಗಿರುವುದು ಇಷ್ಟವಿಲ್ಲ. ಜತೆಗೆ ನನ್ನದೇ ಆದ ಪ್ರೊಡಕ್ಷ ನ್‌ ಕಂಪನಿ ಆರಂಭಿಸಲು ಬಯಸುತ್ತಿದ್ದೇನೆ ಎಂದಿದ್ದಾರೆ.

ನೀವೀಗ ಯಾರೊಂದಿಗೂ ಯಾಕೆ ಡೇಟಿಂಗ್‌ನಲ್ಲಿಲ್ಲ ಎಂಬ ಪ್ರಶ್ನೆಗೆ ಕತ್ರಿನಾ, ನಿಜಕ್ಕೂ ನನಗೆ ಗೊತ್ತಿಲ್ಲ. ಬೇರೆ ಜನರನ್ನು ಭೇಟಿಯಾಗುವುದು ತಪ್ಪಲ್ಲ. ಆದರೆ ಅವರು ಡೇಟಿಂಗ್‌ಗೆ ಅರ್ಹರಾದ ವ್ಯಕ್ತಿಯಲ್ಲ ಎಂದು ತಿಳಿದಾಗ ಡೇಟಿಂಗ್‌ನ ಮಾತೇ ಉದ್ಭವಿಸುವುದಿಲ್ಲ ಎಂದು ವಿವರಿಸಿದ್ದಾರೆ.