ರಣ್‌ಬೀರ್‌ ಕಪೂರ್‌ನ ಮಾಜಿ ಪ್ರಿಯತಮೆ ಕ್ಯಾಟ್‌ ಕತ್ರಿನಾ ಕೈಫ್‌ಗೆ ರಣವೀರ್‌ ಸಿಂಗ್‌ನ ಪತ್ನಿಯಾಗುವ ಆಸೆಯಿದೆಯಂತೆ, ಅದರರ್ಥ ನಿಜ ಜೀವನದಲ್ಲಿ ಅಲ್ಲಿ, ಬದಲಿಗೆ ಸಿನಿಮಾದಲ್ಲಿ ನಿರ್ದೇಶಕ ಕಬೀರ್‌ ಖಾನ್‌ 1983ರ ವರ್ಲ್ಡ್‌ ಕಪ್‌ನ ಯಶಸ್ಸಿನ ಮೇಲೆ ಸಿನಿಮಾ ತೆಗೆಯಲು ನಿರ್ಧರಿಸಿದ್ದು, ಆ ಚಿತ್ರದಲ್ಲಿ ರಣ್‌ವೀರ್‌ ಸಿಂಗ್‌ ತಂಡದ ಕ್ಯಾಪ್ಟನ್‌ ಆಗಿದ್ದ ಕಪಿಲ್‌ ದೇವ್‌ ಪಾತ್ರ ನಿರ್ವಹಸಿಲಿದ್ದಾರೆ.
ಈ ಚಿತ್ರದಲ್ಲಿ ರಣ್‌ವೀರ್‌ ಪತ್ನಿಯ ಪಾತ್ರದಲ್ಲಿ ಕತ್ರಿನಾ ನಟಿಸಲು ಉತ್ಸುಕರಾಗಿದ್ದಾರೆ ಎಂಬ ಸುದ್ದಿ ಹಬ್ಬಿದೆ. ವಿಶೇಷ ಎಂದರೆ ಕಬೀರ್‌ ಮುಖ್ಯ ಪಾತ್ರಕ್ಕೆ ನಟರನ್ನು ಇನ್ನೂ ಫೈನಲ್‌ ಮಾಡಿಲ್ಲ. ಕಪಿಲ್‌ ಪಾತ್ರಕ್ಕೆ ಇಬ್ಬರು ನಟರನ್ನು ಆಯ್ಕೆಮಾಡಲಾಗಿದ್ದು, ಓರ್ವ ಹೊಸ ನಟನಾದರೆ ಇನ್ನೊರ್ವ ರಣವೀರ್‌ ಸಿಂಗ್‌ ಎನ್ನುವ ಮಾತು ಕೇಳಿ ಬರುತ್ತಿದೆ. ಏನಾದರೂ ಆಗಲು ಕತ್ರಿನಾಳ ಈ ಹೇಳಿಕೆ ಬಾಲಿವುಡ್‌ ಮಂದಿಗೆ ಹಾಟ್‌ ಟಾಪಿಕ್‌ ಆಗಿದೆ.