ಶ್ರೀದೇವಿ ಎರಡನೇ ಪುತ್ರಿಯ ಒಲವು ಮಾಡೆಲಿಂಗ್‌ನತ್ತ

ದಿವಂಗತ ನಟಿ ಶ್ರೀದೇವಿಯರ ಎರಡನೇ ಪುತ್ರಿ ಖುಷಿ ಕಪೂರ್‌ ಮಾಡೆಲಿಂಗ್‌ನತ್ತ ತಮ್ಮ ಆಸಕ್ತಿ ತೋರಿದ್ದಾರೆ. ಅವರ ಅಕ್ಕ ಜಾಹ್ನವಿಯಂತೆ ಇವರು ಕೂಡಾ ಸಿನಿಮಾ ಕ್ಷೇತ್ರದಲ್ಲಿ ಮಿಂಚಲಿದ್ದಾರೆ ಎಂದು ಅಂದುಕೊಂಡಿದ್ದರೆ ಖುಷಿ ಮಾತ್ರ ತಾವು ಮಾಡೆಲಿಂಗ್‌ ಕ್ಷೇತ್ರದಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಂಡು ಆಮೇಲೆ ಸಿನಿಮಾಗೆ ಬರುವ ಇಂಗಿತ ವ್ಯಕ್ತಪಡಿಸಿದ್ದಾರೆ.

ಜಾಹ್ನವಿಗಿಂತಲೂ ಎತ್ತರ ಮತ್ತು ಸ್ಲಿಮ್‌ ಆಗಿರುವ ಖುಷಿ ಸದ್ಯಕ್ಕೆ ವ್ಯಾಸಂಗ ನಿರತರಾಗಿದ್ದಾರೆ. ಓದು ಮುಗಿದ ಮೇಲೆ ವಿದೇಶಕ್ಕೆ ಹೋಗಿ ಮಾಡೆಲಿಂಗ್‌ನಲ್ಲಿ ಹೆಚ್ಚಿನ ತರಬೇತಿ ಪಡೆಯುವ ಯೋಜನೆಯನ್ನು ಅವರು ಹಾಕಿಕೊಂಡಿದ್ದಾರೆ. ವಿವಿಧ ಸಮಾರಂಭಗಳಲ್ಲಿ ಜಾಹ್ನವಿ ಕಪೂರ್‌ ಜತೆ ಕಾಣಿಸಿಕೊಳ್ಳುವ ಖುಷಿ ಈಗಾಗಲೇ ಹಲವಾರು ಚಿತ್ರ ನಿರ್ಮಾಪಕರ ಗಮನ ಸೆಳೆದಿದ್ದಾರೆ.ಆದರೆ ಆಕೆ ಮಾತ್ರ ಮಾಡೆಲಿಂಗ್‌ನತ್ತ ಚಿತ್ತ ಹರಿಸಿದ್ದಾರೆ.