ಕೂದಲು ಕತ್ತರಿಸಿಕೊಳ್ಳುವ ಕಿಯಾರಾ ಅಡ್ವಾನಿ ವೀಡಿಯೋ ಭರ್ಜರಿ ಸೌಂಡ್

ಬಾಲಿವುಡ್ ಬ್ಯೂಟಿ ಕಿಯಾರಾ ಅಡ್ವಾಣಿ ಕಿರಿಕಿರಿಗೆ ಒಳಗಾಗಿದ್ದಾರೆ. ಬಿಡುವೇ ಇಲ್ಲದಂತೆ ತುಂಬಾ ಬಿಝಿಯಾಗಿ ಇರುವ ಕಿಯಾರಾ ಈಗಿನ ಟ್ರೆಂಡ್‌ಗೆ ತಕ್ಕಂತೆ ತನಗಿಷ್ಟವಾದಂತೆ ಇರುತ್ತೇನೆ ಎಂದು ಹೇಳಿ ಸ್ವತಃ ತಾವೇ ಕೂದಲನ್ನು ಕತ್ತರಿಸಿಕೊಳ್ಳುತ್ತಿರುವ ವೀಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.

ತನ್ನ ಕಜಿನ್ ಮದುವೆಗೆ ಹೋದಾಗ ನನ್ನ ತಾಯಿ ಸಾಂಪ್ರದಾಯಕ ಶೈಲಿಯಲ್ಲಿ ಸೀರೆಯುಡುವಂತೆ ಹೇಳಿದ್ದರು. ಆದರೆ ತಾನು ಮಾತ್ರ ಮಾರುಕಟ್ಟೆಯಲ್ಲಿ ರೆಡಿಮೇಡ್ ಆಗಿ ಸಿಗುವ ಸೀರೆಯಲ್ಲಿ ಆ ಕೆಲಸ ಮಾಡಿ ಮುಗಿಸಿದೆ ಎಂದಿದ್ದಾರೆ ವೀಡಿಯೋದಲ್ಲಿ.

ಇನ್ನು ಬಿಝಿ ಶೆಡ್ಯೂಲ್ ಕಾರಣದಿಂದ ಒಂದೇ ಒಂದು ಕ್ಷಣ ಸಮಯ ಇಲ್ಲದ ಈ ದಿನಗಳಲ್ಲಿ ಕೂದಲು ಬೆಳೆಸಿಕೊಳ್ಳುವುದು, ಅದನ್ನು ಸಿಂಗರಿಸಿಕೊಳ್ಳುವುದು, ಎಣ್ಣೆ ಹಚ್ಚುವುದು ಕಿರಿಕಿರಿ ಕೆಲಸ ಎಂದಿದ್ದಾರೆ. ಕತ್ತರಿ ತೆಗೆದುಕೊಂಡು ಚಕಚಕ ಎಂದು ತನ್ನ ಕೂದಲನ್ನು ತಾನು ಕತ್ತಿರಿಸಿಕೊಂಡಿರುವ ವೀಡಿಯೋವನ್ನೂ ಬಿಟ್ಟಿದ್ದಾರೆ.

ಸಾಮಾಜಿಕ ಮಾಧ್ಯಮದಲ್ಲಿ ಸಖತ್ ವೈರಲ್ ಆಗಿರುವ ಈ ವೀಡಿಯೋವನ್ನು ನೋಡಿದ ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ. ಮೇಡಂ ಒಂದು ಕಡೆ ಜಾಸ್ತಿ ಕಟ್ ಮಾಡಿಕೊಂಡಿದ್ದೀರ. ಕಬೀರ್ ಸಿಂಗ್‌ಗೆ ಒಳ್ಳೆಯದಾಗಲಿ, ಅಯ್ಯೊ ದೇವರೇ ಇದನ್ನು ನನ್ನ ಕೈಲಿ ನೋಡಲಿಕ್ಕೆ ಆಗ್ತಾ ಇಲ್ಲ, ಇದು ಲಕ್ಷ್ಮಿ ಬಾಂಬ್ ಸೀನ್ ಅಲ್ಲ ತಾನೆ, ಏನೇ ಆಗಲಿ ಚೆನ್ನಾಗಿ ಕಾಣುತ್ತಿದ್ದೀರ ಮೇಡಂ ಎಂಬ ಕಾಮೆಂಟ್‌ಗಳು ಹರಿದುಬಂದಿವೆ.