ರಾಮಾಯಣ ಕುರಿತ ಚಿತ್ರದಲ್ಲಿ ಸೀತೆ ಪಾತ್ರ ಮಾಡಲಿದ್ದಾರೆ ನಟಿ ಕೃತಿ ಸನೋನ್‌! ಇದರ ಹೀರೋ ಯಾರು?

ನಟ ಪ್ರಭಾಸ್‌ 'ಸಾಹೋ' ನಂತರ ಸಾಲು ಸಾಲು ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಸದ್ಯ ಅವರ 'ರಾಧೆ ಶ್ಯಾಮ್‌' ಚಿತ್ರಕ್ಕೆ ಕೊನೇ ಹಂತದ ಕೆಲಸಗಳು ಬಿರುಸಿನಿಂದ ಸಾಗಿವೆ. ಈ ಮಧ್ಯೆ ರಾಮಾಯಣವನ್ನು ಆಧಾರವಾಗಿಟ್ಟುಕೊಂಡು ಮಾಡುತ್ತಿರುವ 'ಆದಿಪುರುಷ್‌' ಸಿನಿಮಾದಲ್ಲೂ ಅವರು ಬಣ್ಣ ಹಚ್ಚಲಿದ್ದಾರೆ. ಅದರ ಶೂಟಿಂಗ್ ಶುರುವಾಗುವುದೇ 2021ರಲ್ಲಿ ಎಂದು ಹೇಳಲಾಗುತ್ತಿದೆ. ಆದರೆ, ಈಗಿನಿಂದಲೇ ಆ ಸಿನಿಮಾಕ್ಕಾಗಿ ಮಾಡಿಕೊಳ್ಳುತ್ತಿರುವ ತಯಾರಿಗಳು ಎಲ್ಲರಲ್ಲೂ ಅಚ್ಚರಿ ಹುಟ್ಟಿಸುತ್ತಿವೆ. ಪ್ರಭಾಸ್‌ ಈ ಸಿನಿಮಾದಲ್ಲಿ ಶ್ರೀರಾಮನಾಗಿ ಕಾಣಿಸಿಕೊಳ್ಳಲಿದ್ದು, ಅವರ ಎದುರು ಸೀತೆ ಪಾತ್ರದಲ್ಲಿ ನಟಿ ಕೃತಿ ಸನೋನ್‌ ಬಣ್ಣ ಹಚ್ಚುವ ಸಾಧ್ಯತೆ ಇದೆ ಎನ್ನಲಾಗಿದೆ!

ಕೃತಿ ಆಯ್ಕೆ ಅಂತಿಮ?
ಈ ಮೊದಲು 'ಆದಿಪುರುಷ್‌'ನಲ್ಲಿ ನಾಯಕಿಯಾಗಿ ಅನುಷ್ಕಾ ಶರ್ಮಾ, ಅನುಷ್ಕಾ ಶೆಟ್ಟಿ, ಕೀರ್ತಿ ಸುರೇಶ್, ಕಿಯಾರಾ ಅಡ್ವಾಣಿ ಹೆಸರುಗಳು ಚಾಲ್ತಿಯಲ್ಲಿದ್ದವು. ಅಂತಿಮವಾಗಿ ಕೃತಿಗೆ ಆ ಅವಕಾಶ ಒಲಿದಿದೆ ಎನ್ನಲಾಗಿದೆ. ಈ ಬಗ್ಗೆ ಚಿತ್ರತಂಡ ಇನ್ನಷ್ಟೇ ಅಧಿಕೃತವಾಗಿ ಮಾಹಿತಿ ನೀಡಬೇಕಿದೆ. ಇನ್ನು, ಲಂಕೇಶನ ಪಾತ್ರಕ್ಕೆ ನಟ ಸೈಫ್ ಅಲಿ ಖಾನ್ ಆಯ್ಕೆಯಾಗಿರುವುದು ಖಚಿತವಾಗಿದೆ. ಸದ್ಯ ಕೃತಿ ಕೈಯಲ್ಲಿ ಸಿಕ್ಕಾಪಟ್ಟೆ ಸಿನಿಮಾಗಳಿರುವುದರಿಂದ ಈ 'ಆದಿಪುರುಷ್‌'ಗೆ ಹೇಗೆ ಕಾಲ್‌ಶೀಟ್‌ ಅಡ್ಜಸ್ಟ್ ಮಾಡಿಕೊಳ್ಳುತ್ತಾರೆ ಎಂಬುದನ್ನು ಕಾದುನೋಡಬೇಕಿದೆ.

ಇದು ಸಂಪೂರ್ಣ 3D ಸಿನಿಮಾ
ನಿರ್ದೇಶಕ ಓಂ ರಾವುತ್ 'ಆದಿಪುರುಷ್‌' ಸಿನಿಮಾವನ್ನು ಸಂಪೂರ್ಣ 3D ರೂಪದಲ್ಲಿ ಚಿತ್ರೀಕರಿಸಲು ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. 2021ರ ಜನವರಿಯಲ್ಲಿ ಶೂಟಿಂಗ್ ಆರಂಭಿಸಿ, 2022ರ ಆಗಸ್ಟ್ 11ರಂದು ಹಿಂದಿ, ಕನ್ನಡ ಸೇರಿದಂತೆ ಐದಕ್ಕೂ ಅಧಿಕ ಭಾಷೆಗಳಲ್ಲಿ ಸಿನಿಮಾವನ್ನು ಏಕಕಾಲಕ್ಕೆ ತೆರೆಗೆ ತರಬೇಕು ಎಂಬುದು ಚಿತ್ರತಂಡದ ಯೋಜನೆ ಆಗಿದೆ. ಅಂದಹಾಗೆ, ಬಹುತೇಕ ಗ್ರೀನ್ ಮ್ಯಾಟ್ (ಕ್ರೋಮಾ ಸ್ಕ್ರೀನ್) ಬಳಸಿ, ಸ್ಟುಡಿಯೋ ಒಳಗೆ ಚಿತ್ರೀಕರಣ ಮಾಡುವುದು ಚಿತ್ರತಂಡದ ಉದ್ದೇಶ. ಹಾಗಾಗಿ, ವಿಎಫ್‌ಎಕ್ಸ್ ಕೆಲಸಗಳು ಜಾಸ್ತಿ ಇರಲಿವೆ. ಅದಕ್ಕಾಗಿ ಹಾಲಿವುಡ್‌ ಸಿನಿಮಾಗಳಿಗೆ ಕೆಲಸ ಮಾಡಿದ ವಿಎಫ್‌ಎಕ್ಸ್ ತಂತ್ರಜ್ಞರ ಜೊತೆ ಚಿತ್ರತಂಡ ಮಾತುಕತೆ ನಡೆಸುತ್ತಿದೆ!

ಹಿಂದಿಯಲ್ಲಿ ತಯಾರಾಗ್ತಿದೆ ಪ್ರಭಾಸ್ ನಟನೆಯ ರಾಜಮೌಳಿ ನಿರ್ದೇಶನದ 'ಛತ್ರಪತಿ' ಸಿನಿಮಾ: ನಾಯಕ ಯಾರು?

ಕೃತಿ ಕೈಯಲ್ಲಿ ಸಿಕ್ಕಾಪಟ್ಟೆ ಸಿನಿಮಾಗಳು
ಅಶುತೋಷ್ ಗೋವಾರಿಕರ್ ನಿರ್ದೇಶನದ 'ಪಾಣಿಪತ್' ಸಿನಿಮಾದಲ್ಲಿ ಪಾರ್ವತಿ ಬಾಯಿ ಪಾತ್ರದಲ್ಲಿ ಈ ಹಿಂದೆ ಕೃತಿ ಕಾಣಿಸಿಕೊಂಡಿದ್ದರು. ಸದ್ಯ 'ಮಿಮಿ' ಸಿನಿಮಾದಲ್ಲಿ ಗರ್ಭಿಣಿ ಪಾತ್ರದಲ್ಲಿ ಕೃತಿ ನಟಿಸುತ್ತಿದ್ದಾರೆ. ಆ ಪಾತ್ರಕ್ಕಾಗಿ ಅವರು 15 ಕೆಜಿ ತೂಕ ಹೆಚ್ಚಿಸಿಕೊಂಡಿದ್ದಾರಂತೆ. ಇದರ ಜೊತೆಗೆ ಅಕ್ಷಯ್‌ ಕುಮಾರ್ ನಟಿಸಲಿರುವ 'ಬಚ್ಚನ್ ಪಾಂಡೆ' ಚಿತ್ರದಲ್ಲೂ ಅವರು ನಟಿಸಲಿದ್ದಾರೆ.

ಶಿವಣ್ಣನ ಸಿನಿಮಾ ಹೀರೋಯಿನ್‌ ಭಾಗ್ಯಶ್ರೀ ಮೇಲೆ ಪ್ರಭಾಸ್‌ಗೆ ಕ್ರಶ್‌ ಆಗಿತ್ತು! ಸತ್ಯ ಬಾಯ್ಬಿಟ್ಟ ನಟಿ