#Me too: ನನ್ನ ತಂಟೆಗೆ ಬರುವವರನ್ನು ಸುಮ್ಮನೆ ಬಿಡುವುದಿಲ್ಲ ಎಂದ ಲತಾ ಮಂಗೇಶ್ಕರ್‌

ಮುಂಬಯಿ: ದೇಶದ್ಯಾಂತ ಭಾರಿ ಸಂಚಲನ ಮೂಡಿಸಿರುವ ಮಿ ಟೂ ಅಭಿಯಾನದ ಬಗ್ಗೆ ಹಲವು ಗಣ್ಯರು ಪ್ರತಿಕ್ರಿಯೆ ನೀಡುತ್ತಿದ್ದಾರೆ.

ಖ್ಯಾತ ಗಾಯಕಿ ಲತಾ ಮಂಗೇಶ್ಕರ್‌ ಕೂಡ ಹೇಳಿಕೆ ನೀಡಿದ್ದಾರೆ.

ಪ್ರತಿಯೊಬ್ಬ ಮಹಿಳೆಗೆ ಗೌರವ ನೀಡುವುದು ಎಲ್ಲರ ಕರ್ತವ್ಯವಾಗಬೇಕು. ಮಹಿಳೆಯರನ್ನು ಯಾರೂ ಕೇವಲವಾಗಿ ನೋಡಬಾರದು. ಆಕೆಗೆ ತನ್ನದೇ ಆದ ಘನತೆ ಇರುತ್ತದೆ ಎಂದು ಲತಾ ಮಂಗೇಶ್ಕರ್ ಹೇಳಿದ್ದಾರೆ.

ಇನ್ನು ಮಿ ಟೂ ವಿಷಯದ ಬಗ್ಗೆ ಬಂದರೆ, ನನ್ನ ತಂಟೆಗೆ ಯಾರೂ ಬಂದಿಲ್ಲ. ಬಂದರೆ ಸುಮ್ಮನೆ ಬಿಡುವ ಹೆಣ್ಣು ನಾನಲ್ಲ ಎಂದು ಅವರು ಹೇಳಿದ್ದಾರೆ.

ಬಣ್ಣದ ಲೋಕದಲ್ಲಿ ಹಾಗೂ ಇತರೆ ಕ್ಷೇತ್ರಗಳಲ್ಲೂ ಮಹಿಳೆಯರ ಮೇಲೆ ಶೋಷಣೆ, ಲೈಂಗಿಕ ದೌರ್ಜನ್ಯ ನಡೆಯುತ್ತಿರುವುದು ದುರದೃಷ್ಟಕರ. ಇಂಥವುಗಳ ಬಗ್ಗೆ ಆಗಿಂದ್ದಾಗಲೇ ದೂರು ಸಲ್ಲಿಕೆಯಾದರೆ ಇತರರಿಗೆ ಎಚ್ಚರಿಕೆಯಾಗುತ್ತದೆ ಎಂದು ಲತಾ ಮಂಗೇಶ್ಕರ್‌ ತಿಳಿಸಿದ್ದಾರೆ.