ಅರ್ಬನ್ ಡಿಕ್ಷನರಿಯಲ್ಲಿ ಮಹೇಶ್‌ಬಾಬು ಬಗ್ಗೆ ವಿವರಣೆ

ತೆಲುಗಿನ ಸೂಪರ್‌ ಸ್ಟಾರ್‌ ಮಹೇಶ್‌ಬಾಬು ಇಂದಿಗೂ ಹುಡುಗಿಯರ ಹಾಟ್‌ ಫೇವರಿಟ್‌. ಈಗ ಅವರ ಸೌಂದರ್ಯಕ್ಕೆ ಮತ್ತೊಂದು ಗರಿ ಸಿಕ್ಕಿದ್ದು, ಡಿಕ್ಷನರಿಯೊಂದಕ್ಕೆ ಅವರ ಹೆಸರು ಸೇರ್ಪಡೆಯಾಗಿದೆ.

ಅರ್ಬನ್‌ ಡಿಕ್ಷನರಿಯಲ್ಲಿ ಮಹೇಶ್‌ಬಾಬು ಎಂದು ಟೈಪಿಸಿದರೆ 'ಎ ಸೆಕ್ಸಿ ಇಂಡಿಯನ್‌ ತೆಲುಗು ಆ್ಯಕ್ಟರ್‌. ಸಾಮಾನ್ಯವಾಗಿ ಎಲ್ಲ ಹುಡುಗಿಯರು ಅವರ ಜತೆ ಪ್ರೀತಿಯಲ್ಲಿ ಬೀಳುತ್ತಾರೆ. ಚಾರ್ಮಿಂಗ್‌ ಮತ್ತು ಹ್ಯಾಂಡ್ಸಮ್‌ ಆಗಿರುವ ಕಾರಣಕ್ಕೆ ಅವರನ್ನು ಪ್ರಿನ್ಸ್‌ ಎಂದು ಕರೆಯುತ್ತಾರೆ'ಎಂದು ವಿವರಣೆ ಬರುತ್ತದೆ. ಈ ಮೂಲಕ ಅರ್ಬನ್‌ ಡಿಕ್ಷನರಿ ಸೇರಿದ ಮೊದಲ ದಕ್ಷಿಣ ಭಾರತದ ನಟ ಎಂಬ ಖ್ಯಾತಿ ಮಹೇಶ್‌ಬಾಬುಗೆ ಸೇರಿದೆ.

ಈ ಬಗ್ಗೆ ಅಭಿಮಾನಿಯೊಬ್ಬರು ಟ್ವೀಟರ್‌ನಲ್ಲಿ ಅರ್ಬನ್‌ ಡಿಕ್ಷನರಿಯಲ್ಲಿ ಮಹೇಶ್‌ಬಾಬು ಬಗ್ಗೆ ವಿವರಣೆ ಇದೆ ಎಂದು ಬರೆದುಕೊಂಡಿದ್ದಾರೆ. ಮಹೇಶ್‌ಬಾಬು ಸದ್ಯ ಮಹರ್ಷಿ ಸಿನಿಮಾದ ಬಿಡುಗಡೆಗಾಗಿ ಕಾಯುತ್ತಿದ್ದಾರೆ. ಪೂಜಾ ಹೆಗ್ಡೆ ಮಹರ್ಷಿಗೆ ನಾಯಕಿಯಾಗಿದ್ದಾರೆ.