ಮೇಕಿಂಗ್‌ ವೀಡಿಯೋದಲ್ಲೂ ಮೋಡಿ ಮಾಡುವ 'ಪದ್ಮಾವತ್‌' ಖಿಲ್ಜಿ

'ಪದ್ಮಾವತ್‌' ಚಿತ್ರ ಬಿಡುಗಡೆಯ ಬಳಿಕ ರಣವೀರ್ ಸಿಂಗ್‌ ಲಕ್‌ ಬದಲಾಗಿದೆ. ಖಿಲ್ಜಿ ಪಾತ್ರದಲ್ಲಿ ರಣವೀರ್‌ ಅಭಿನಯ ನೋಡಿದವರು ರಣವೀರ್ ಅಭಿನಯವನ್ನು ಹಾಡಿ ಹೊಗಳುತ್ತಿದ್ದಾರೆ.

ಖಿಲ್ಜಿ ನಿಜವಾಗಿ ಹೀಗೆಯೇ ಇರುತ್ತಾನಾ ಎಂಬ ಭಾವ ನಮ್ಮಲ್ಲಿ ಉಂಟು ಮಾಡುವಂತಿದೆ ರಣವೀರ್‌ ಸಿಂಗ್‌ ಖಿಲ್ಜಿ ಪರಕಾಯ ಪ್ರವೇಶ. ನೃತ್ಯ ಹಾಗೂ ಯುದ್ಧ ಸನ್ನಿವೇಶಗಳಲ್ಲಿ ಖಿಲ್ಜಿ ಹಾವಭಾವಗಳನ್ನು ನೋಡಿದ ಪ್ರೇಕ್ಷಕ ಫುಲ್‌ ಫಿದಾ.

ಇದೀಗ ಚಿತ್ರತಂಡ 'ಖಾಲಿಬಾಲಿ' ಹಾಡಿನ ಮೇಕಿಂಗ್ ವಿಡಿಯೋವನ್ನು ಹೊರತಂದಿದ್ದು, ಇದರಲ್ಲಂತೂ ರಣವೀರ್‌ ಮತ್ತಷ್ಟು ಇಷ್ಟವಾಗುತ್ತಾರೆ.