ಜೆನಿಫರ್‌ ಲೊಪೆಜ್‌ ಜತೆ ಮಲೈಕಾ ಅರೋರ

ಹಾಲಿವುಡ್‌ನ ಖ್ಯಾತ ನಟಿ ಜೆನಿಫರ್‌ ಲೊಪೆಜ್‌ ಮತ್ತು ಬಾಲಿವುಡ್‌ ನಟಿ ಮಲೈಕಾ ಅರೋರಾ ಆರೋಗ್ಯ ಸಂಬಂಧಿತ ಪ್ರಾಜೆಕ್ಟ್ವೊಂದರಲ್ಲಿ ಒಟ್ಟಿಗೆ ಕೆಲಸ ಮಾಡಲಿದ್ದಾರೆ. ಇವರಿಬ್ಬರೂ ತಮ್ಮ ಪರ್ಫೆಕ್ಟ್ ಬಾಡಿ ಫಿಟ್‌ನೆಸ್‌ಗೆ ಹೆಸರಾದವರು. ಜಿಮ್‌ನಲ್ಲಿ ಕಠಿಣವಾದ ವರ್ಕೌಟ್‌, ಯೋಗ ಮತ್ತು ಪೈಲಟ್‌ಗಳನ್ನು ಮಾಡಿ ಮಹಿಳೆಯರಿಗೆ ಸ್ಫೂರ್ತಿಯಾದವರು. ಇವರೀಗ ಭಾರತೀಯ ಮೂಲದ ಆರೋಗ್ಯ ಪ್ರಾಜೆಕ್ಟ್ವೊಂದರಲ್ಲಿ ಜನರಿಗೆ ಆರೋಗ್ಯಕರ ಜೀವನದ ಮಹತ್ವದ ಬಗ್ಗೆ ಜಾಗೃತಿ ಮೂಡಿಸಲಿದ್ದಾರೆ.

ಈ ಕುರಿತು ಮಾತನಾಡಿರುವ ಮಲೈಕಾ ಅರೋರ, ನಾನು ಹಲವಾರು ವರ್ಷಗಳಿಂದ ಯೋಗಾಭ್ಯಾಸ ಮತ್ತು ಕಠಿಣವಾದ ವ್ಯಾಯಾಮಗಳನ್ನು ಮಾಡಿ ಭೌತಿಕವಾಗಿ ಮತ್ತು ಮಾನಸಿಕವಾಗಿ ಸದೃಢಳಾಗಿದ್ದೇನೆ. ಇದೀಗ ಈ ಪ್ರಾಜೆಕ್ಟ್ನಲ್ಲಿ ಜೆನಿಫರ್‌ ಲೊಪೆಜ್‌ ಜತೆ ಕೆಲಸ ಮಾಡುವ ಅವಕಾಶ ಸಿಕ್ಕಿದ್ದು ಖುಷಿಯನಿಸುತ್ತಿದೆ ಎಂದಿದ್ದಾರೆ.