ಹಿಂದಿ ಚಿತ್ರರಂಗದ ಚಿರಯುವತಿ ರೇಖಾ ಅವರ ಅಪ್ಪಟ ಅಭಿಮಾನಿಯಾಗಿರುವ ತೆಲುಗು ಸ್ಟಾರ್‌ ಚಿರಂಜೀವಿ ಆ ನಟಿಯ ಮೇಲಿನ ಅಭಿಮಾನಕ್ಕಾಗಿ ತಮ್ಮ ಪತ್ನಿಯನ್ನೇ ರೇಖಾ ಹೆಸರಿನಿಂದ ಕರೆಯುತ್ತಾರಂತೆ! ಈ ಸ್ವಾರಸ್ಯಕರ ವಿಷಯವನ್ನು ಸ್ವತಃ ಚಿರಂಜೀವಿಯವರೇ ರೇಖಾ ಸಮ್ಮುಖದಲ್ಲಿ ಬಹಿರಂಗಪಡಿಸಿದ್ದಾರೆ.

ರೇಖಾ ಪಾಲ್ಗೊಂಡಿದ್ದ ಪ್ರಶಸ್ತಿ ಪ್ರದಾನ ಸಮಾರಂಭವೊಂದರಲ್ಲಿ ನಟಿಯ ಸೌಂದರ್ಯವನ್ನು ಹಾಡಿ ಹೊಗಳಿದ ಚಿರು ನಂತರ, ನಾನು ಹಿರಿಯ ನಟಿ ರೇಖಾರ ದೊಡ್ಡ ಅಭಿಮಾನಿ. ಅವರು ಅಪ್ರತಿಮ ಸುಂದರಿ. ನನ್ನ ಪತ್ನಿಯ ಹೆಸರು ಸುರೇಖಾ. ಆದರೆ ನಾನು ಎವರ್‌ಗ್ರೀನ್‌ ನಟಿ ರೇಖಾ ಮೇಲಿನ ಅಭಿಮಾನಕ್ಕಾಗಿ ಪತ್ನಿಯನ್ನು ರೇಖಾ ಎಂದೇ ಕರೆಯುವೆ. ಇದನ್ನು ನಾನು ಯಾರಿಗೂ ಹೇಳಿಲ್ಲ. ನನ್ನ ಪತ್ನಿಗೂ ಈ ವಿಷಯ ಗೊತ್ತಿಲ್ಲ ಎಂದು ಹೇಳಿದ್ದಾರೆ.

ಪರಭಾಷಾ ಸ್ಟಾರ್‌ಗಳಿಗೆ ಚಪ್ಪಾಳೆ ಹೊಡೆದಿದ್ದಕ್ಕೆ ಕನ್ನಡಿಗರಿಗೆ ಈ ಗತಿ

ಭಾನುವಾರ (ನವೆಂಬರ್ 17) ಹೈದರಾಬಾದಿನ ಅನ್ನಪೂರ್ಣ ಸ್ಟುಡಿಯೋದಲ್ಲಿ ಅಕ್ಕಿನೇನಿ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಚಿರಂಜೀವಿ ಹಲವಾರು ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ.

ಮೆಗಾ ಸ್ಟಾರ್ ಚಿರಂಜೀವಿ 152ನೇ ಸಿನಿಮಾ ಹೆಸರು 'ಗೋವಿಂದ ಹರಿ ಗೋವಿಂದ'?

ತಾನು ಜೀವಂತ ಇದ್ದರೂ, ಇಲ್ಲದಿದ್ದರೂ ತಮ್ಮ ಹೆಸರು ಚಿರಸ್ಥಾಯಿಯಾಗಿ ಇರಬೇಕು ಎಂಬ ಕಾರಣಕ್ಕೆ ನಾಗೇಶ್ವರರಾವ್ ಈ ಪ್ರಶಸ್ತಿ ಸ್ಥಾಪಿಸಿದರು. ಹಾಗಾಗಿ ಇಂದಿಗೂ ಈ ಪ್ರಶಸ್ತಿ ನೀಡಲಾಗುತ್ತಿದೆ. ಇದು ಒಂದಲ್ಲ ಒಂದು ದಿನ ದಾದಾ ಸಾಹೇಬ್ ಫಾಲ್ಕೆಯಂತಹ ದೊಡ್ಡ ಪ್ರಶಸ್ತಿಯಾಗುತ್ತದೆ ಎಂದಿದ್ದಾರೆ ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ಚಿರಂಜೀವಿ.

2018ನೇ ಸಾಲಿನ ಪ್ರಶಸ್ತಿ ಶ್ರೀದೇವಿಗೆ, 2019ನೇ ಸಾಲಿನ ಪ್ರಶಸ್ತಿಯನ್ನು ರೇಖಾ ಅವರಿಗೆ ನೀಡಿ ಗೌರವಿಸಲಾಯಿತು. ಶ್ರೀದೇವಿ ಪರವಾಗಿ ಅವರ ಪತಿ ಬೋನಿ ಕಪೂರ್ ಪ್ರಶಸ್ತಿಯನ್ನು ಸ್ವೀಕರಿಸಿದರು.