ಬ್ರಿಟನ್‌ ರಾಜಮನೆತನದ ಭಾವಿ ಸೊಸೆ ಅಂದರೆ ಪ್ರಿನ್ಸ್‌ ಹ್ಯಾರಿಯ ಫಿಯಾನ್ಸಿ ಮೇಗನ್‌ ಮಾರ್ಕೆಲ್‌ ರಾಯಲ್‌ ಫ್ಯಾಮಿಲಿಯ ಸಂಪ್ರದಾಯದಂತೆ ತಮ್ಮೆಲ್ಲಾ ಸೋಷಲ್‌ ಮೀಡಿಯ ಅಕೌಂಟ್‌ಗಳನ್ನು ಡಿಲೀಟ್‌ ಮಾಡಿದ್ದಾರೆ. ನಟಿಯಾಗಿದ್ದ ಅವರು ಫೇಸ್‌ಬುಕ್‌, ಟ್ವಿಟ್ಟರ್‌, ಇನ್‌ಸ್ಟಾಗ್ರಾಂ ಇತ್ಯಾದಿಗಳಲ್ಲಿ ತಮ್ಮ ಅಕೌಂಟ್‌ ಹೊಂದಿದ್ದು, ಅಸಂಖ್ಯಾತ ಫಾಲೋವರ್‌ಗಳನ್ನು ಹೊಂದಿದ್ದರು. ಬ್ರಿಟಿಷ್‌ ರಾಜಮನೆತನದ ಸಂಪ್ರದಾಯದಲ್ಲಿ ಅಲ್ಲಿನ ಯಾರೇ ಸದಸ್ಯರು ಸೋಷಿಯಲ್‌ ಮೀಡಿಯಾದಲ್ಲಿ ವೈಯಕ್ತಿಕ ಅಕೌಂಟ್‌ ಹೊಂದುವಂತಿಲ್ಲ. ಅವರು ರಾಜಮನೆತನದ ಅಧಿಕೃತ ಅಕೌಂಟ್‌ನಲ್ಲಿಯೇ ವ್ಯವಹರಿಸಬೇಕು.
ಪ್ರಿನ್ಸ್‌ ಹ್ಯಾರಿಯ ಭಾವಿ ಪತ್ನಿ ಮೇಗನ್‌ ಮಾರ್ಕೆಲ್‌ ತಮ್ಮ ಸೋಷಿಯಲ್‌ ಮೀಡಿಯಾ ಅಕೌಂಟ್‌ಗಳನ್ನು ಕ್ಲೋಸ್‌ ಮಾಡಿದ್ದಾರೆ ಎಂದು ಕೆನ್ಸಿಂಗ್ಟನ್‌ ಅರಮನೆ ತನ್ನ ವೆಬ್‌ಸೈಟ್‌ನಲ್ಲಿ ದೃಢಪಡಿಸಿದೆ. ಕಳೆದ ಹಲವಾರು ವರ್ಷಗಳಿಂದ ಮೇಗನ್‌ರನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಫಾಲೋ ಮಾಡುತ್ತಿರುವ ಪ್ರತಿಯೊಬ್ಬರಿಗೂ ಧನ್ಯವಾದಗಳು. ಇನ್ನು ಮುಂದೆ ಆಕೆ ಅಕೌಂಟ್‌ಗಳನ್ನು ಬಳಸುವುದಿಲ್ಲ. ಕೆನ್ಸಿಂಗ್ಟನ್‌ ಪ್ಯಾಲೇಸ್‌ ತನ್ನದೇ ಆದ ಅಕೌಂಟ್‌ ಹೊಂದಿದೆ ಎಂದು ವೆಬ್‌ಸೈಟ್‌ನಲ್ಲಿ ಹೇಳಲಾಗಿದೆ.