ವಿವಾದದಲ್ಲಿ ಮೆಂಟಲ್‌ ಹೈ ಕ್ಯಾ ಟೈಟಲ್‌

ಕಂಗನಾ ರನಾವತ್‌ ಮತ್ತು ರಾಜ್‌ಕುಮಾರ್‌ ರಾವ್‌ ನಟನೆಯ ಹೊಸ ಸಿನಿಮಾ ಮೆಂಟಲ್‌ ಹೈ ಕ್ಯಾ ಬಿಡುಗಡೆಯ ಮುನ್ನವೇ ವಿವಾದವೊಂದಕ್ಕೆ ಸಿಲುಕಿದೆ. ಅದರ ಟೈಟಲ್‌ ಬಗ್ಗೆ ಸೋಷಿಯಲ್‌ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್‌ ಆಗುತ್ತಿದ್ದು, ಮುಖ್ಯವಾಗಿ ಮನೋವೈದ್ಯ್ಜಜ ಈ ಟೈಟಲ್‌ಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿ ಟೈಟಲ್‌ ಬದಲಾಯಿಸುವಂತೆ ಒತ್ತಾಯಿಸಿದ್ದಾರೆ.

ಈ ಸಿನಿಮಾದ ಟೈಟಲ್‌ನಲ್ಲಿರುವ ಮೆಂಟಲ್‌ ಎಂಬ ಶಬ್ದ ವೈದ್ಯರ ಅಸಮಾಧಾನಕ್ಕೆ ಕಾರಣವಾಗಿದೆ. ಮೆಂಟಲ್‌, ಸೈಕೊ ಮುಂತಾದ ಪದಗಳು ಉಂಟು ಮಾಡುವ ಮುಜುಗರದಿಂದಾಗಿ ನಿಜವಾಗಿಯೂ ಮಾನಸಿಕ ಸಮಸ್ಯೆಯಿರುವ ಜನರು ಚಿಕಿತ್ಸೆ ಪಡೆದುಕೊಳ್ಳಲು ಹಿಂಜರಿಯುತ್ತಿದ್ದಾರೆ. ಅಂಥದರಲ್ಲಿ ಸಿನಿಮಾವೊಂದಕ್ಕೆ ಮೆಂಟಲ್‌ ಹೈ ಕ್ಯಾ ಎಂಬ ಟೈಟಲ್‌ ಇಡುವುದು ತೀರಾ ಅಸೂಕ್ಷ ್ಮತೆ ಎಂದು ವೈದ್ಯರು ಸೋಷಿಯಲ್‌ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಏಕ್ತಾ ಕಪೂರ್‌ ನಿರ್ಮಾಣದ ಈ ಸಿನಿಮಾದ ಪೋಸ್ಟರ್‌ಗಳು ಈಗಾಗಲೇ ಬಿಡುಗಡೆಯಾಗಿವೆ. ಈ ಸಿನಿಮಾದ ಕಥೆ ಏನು ಎಂಬುದರ ಬಗ್ಗೆ ಇನ್ನೂ ಏನು ತಿಳಿದುಬಂದಿಲ್ಲ. ಆದರೆ ಅದರ ಟೈಟಲ್‌ ಮಾತ್ರ ಸದ್ದು ಮಾಡುತ್ತಿದೆ.