#Metoo: 15 ವರ್ಷದವಳಾಗಿದ್ದಾಗಲೇ ಕಿಸ್‌ ಮಾಡುವಂತೆ ಪೀಡಿಸಿದ್ದ ಅನು ಮಲಿಕ್‌, ಶ್ವೇತಾ ಪಂಡಿತ್‌ ಆರೋಪ

ಮುಂಬಯಿ: ಮಿ ಟೂ ಅಭಿಯಾನದ ಬಲೆಗೆ ಹಲವಾರು ಗಣ್ಯರು ಬೀಳುತ್ತಲೇ ಇದ್ದಾರೆ. ಈಗ ಬಾಲಿವುಡ್‌ ಸಂಗೀತ ನಿರ್ದೇಶಕ ಅನು ಮಲಿಕ್‌ ಮೇಲೆ ಮತ್ತೊಂದು ಆರೋಪ ಕೇಳಿಬಂದಿದೆ.

ಈ ಹಿಂದೆ ಗಾಯಕಿಯೊಬ್ಬರು ಅನು ಮಲಿಕ್‌ ವಿರುದ್ಧ ದೂರು ಸಲ್ಲಿಸಿದ್ದರು.

ಈಗ ಮಿ ಟೂ ಅಭಿಯಾನದ ಬಿಸಿ ಹೆಚ್ಚಾಗುತ್ತಿದ್ದಂತೆ ಗಾಯಕಿ ಶ್ವೇತಾ ಪಂಡಿತ ತಮ್ಮ ಅನುಭವವನ್ನು ಬರೆದುಕೊಂಡಿದ್ದಾರೆ.

2001ರಲ್ಲಿ ಗೀತೆಯೊಂದರ ರೆಕಾರ್ಡಿಂಗ್‌ ಸಂದರ್ಭ ಅನು ಮಲಿಕ್‌ ಹೇಗೆ ನಡೆದುಕೊಂಡಿದ್ದರು ಎಂದು ಶ್ವೇತಾ ಪಂಡಿತ್‌ ಟ್ವಿಟರ್ ಮೂಲಕ ಬಹಿರಂಗಪಡಿಸಿದ್ದಾರೆ.

ಕೇವಲ 15 ವರ್ಷದವಳಾಗಿದ್ದ ನನಗೆ ಚಿತ್ರದಲ್ಲಿ ಹಾಡುವ ಅವಕಾಶ ಕಲ್ಪಿಸಲು ಅನು ಮಲಿಕ್‌ ನಿರ್ಧರಿಸಿದ್ದರು. ಆದರೆ ಆ ನಂತರ ಅವರು ನಡೆದುಕೊಂಡ ರೀತಿ ಇಂದಿಗೂ ಮೈ ಜುಮ್ಮೆನಿಸುತ್ತದೆ ಎಂದು ಶ್ವೇತಾ ಪಂಡಿತ ನೆನಪಿನಂಗಳಕ್ಕೆ ಜಾರಿದ್ದಾರೆ.

ಶ್ವೇತಾ ಟ್ವಿಟರ್‌ನಲ್ಲಿ ಬರೆದುಕೊಂಡಿರುವುದು ಹೀಗಿದೆ.