ಸಾಜಿದ್‌ ಖಾನ್‌ ಕಾಮಕಾಂಡ: 17ರ ಪ್ರಾಯದ ಹುಡುಗಿಯನ್ನು ಮನೆಗೆ ಕರೆದು ಬಟ್ಟೆ ಬಿಚ್ಚಲು ಹೇಳಿದ್ದ ನಿರ್ದೇಶಕ!

ಬಾಲಿವುಡ್‌ನಲ್ಲಿ ಜನಪ್ರಿಯತೆ ಪಡೆದಿರುವ ನಿರ್ದೇಶಕ ಸಾಜಿದ್‌ ಖಾನ್‌ ಅವರ ಬಗ್ಗೆ ಈಗಾಗಲೇ ಅನೇಕರು ಮೀಟೂ ಆರೋಪ ಹೊರಿಸಿದ್ದಾರೆ. ಆ ಸಾಲಿಗೆ ಹೊಸ ಸೇರ್ಪಡೆ ಮಾಡೆಲ್‌ ಪೌಲಾ. ಹತ್ತು ವರ್ಷದ ಹಿಂದೆ ನಡೆದ ಒಂದು ಕಹಿ ಘಟನೆಯ ಬಗ್ಗೆ ಅವರು ಇತ್ತೀಚೆಗೆ ಬಾಯಿ ಬಿಟ್ಟಿದ್ದರು. ಆ ಕುರಿತು ಇನ್ನಷ್ಟು ವಿವರಗಳನ್ನು ಪೌಲಾ ಹೊರಹಾಕಿದ್ದಾರೆ.

ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಪೌಲಾ ಈ ಬಗ್ಗೆ ಹೇಳಿಕೊಂಡಿದ್ದಾರೆ. 10 ವರ್ಷದ ಹಿಂದೆ ಏನು ನಡೆಯಿತು ಎಂಬುದನ್ನು ಅವರು ವಿವರಿಸಿದ್ದಾರೆ. ಆಗ ಅವರಿಗೆ ಕೇವಲ 17 ವರ್ಷ ವಯಸ್ಸು. ಚಿತ್ರರಂಗದಲ್ಲಿ ಗುರುತಿಸಿಕೊಳ್ಳಬೇಕು ಎಂಬ ಆಸೆಯಿಂದ ನಿರ್ದೇಶಕ ಸಾಜಿದ್‌ ಖಾನ್ ಬಳಿ ಅವರು ಹೋಗಿದ್ದರು. ಆ ಸಮಯದ ಲಾಭ ಪಡೆಯಲು ಮುಂದಾದ ಸಾಜಿದ್‌ ಖಾನ್‌ ಕೆಟ್ಟದಾಗಿ ನಡೆದುಕೊಂಡರು ಎಂಬುದು ಪೌಲಾ ಆರೋಪ.

ಸೌಂದರ್ಯ ಸ್ಪರ್ಧೆಯೊಂದರಲ್ಲಿ ಗೆದ್ದಿದ್ದ ಪೌಲಾ ಅವರನ್ನು ಸಾಜಿದ್‌ ಖಾನ್ ತಮ್ಮ ಮನೆಗೆ ಆಹ್ವಾನಿಸಿದ್ದರು. ಆಗಲೇ ಅವರ ಅಸಲಿ ಮುಖ ಬಯಲಾಗಿದ್ದು. 'ಅವರು ನನ್ನ ಪಕ್ಕ ಬಂದು ಕುಳಿತುಕೊಂಡರು. ನಿನಗೆ ಬಾಯ್‌ ಫ್ರೆಂಡ್‌ ಇದ್ದಾನಾ? ಸೆ*ಕ್ಸ್‌ ಮಾಡಿದ್ದೀಯಾ ಎಂದು ಕೇಳಿದರು. ನಾನು ನರ್ವಸ್‌ ಆದೆ. ನಂತರ ಅವರು ನನ್ನ ಕಾಲನ್ನು ಸ್ಪರ್ಶಿಸಲು ಶುರು ಮಾಡಿದರು' ಎಂದು ಆ ಕಹಿ ಘಟನೆಯನ್ನು ಪೌಲಾ ನೆನಪಿಸಿಕೊಂಡಿದ್ದಾರೆ.

also read: 'ನನ್ನೆದುರು ಬಟ್ಟೆ ಬಿಚ್ಚಿದರೆ ಸಿನಿಮಾ ಅವಕಾಶ ಕೊಡ್ತೀನಿ' ಎಂದಿದ್ದ ಜನಪ್ರಿಯ ನಿರ್ದೇಶಕ!

'ನಾನು ಇಲ್ಲದಿದ್ದರೆ ನೀನು ಈ ಸೌಂದರ್ಯ ಸ್ಪರ್ಧೆ ಗೆಲ್ಲುತ್ತಿರಲಿಲ್ಲ' ಎಂದು ಸಾಜಿದ್‌ ಖಾನ್‌ ಹೇಳಿದರಂತೆ. ಅಲ್ಲದೆ, 'ಜಿಯಾ ಖಾನ್‌ ಕೂಡ ಇದೇ ಸ್ಥಾನದಲ್ಲಿ ನಿಂತಿದ್ದಳು' ಎಂದು ಮನವೊಲಿಸಲು ಪ್ರಯತ್ನಿಸಿದ್ದರಂತೆ. ಬಳಿಕ ಪೌಲಾರನ್ನು ಬೆಡ್‌ರೂಮ್‌ಗೆ ಕರೆದುಕೊಂಡು ಹೋಗಿ ಬಟ್ಟೆ ಬಿಚ್ಚಲು ಹೇಳಿದರಂತೆ. 'ಆಗ ಅವರ ಉದ್ದೇಶ ಏನು ಎಂಬುದು ಸ್ಪಷ್ಟವಾಗಿ ಅರ್ಥ ಆಗಿದ್ದರಿಂದ ಅದನ್ನು ಧಿಕ್ಕರಿಸಿ ಅಲ್ಲಿಂದ ಹೊರಟು ಬಂದೆ' ಎಂದಿದ್ದಾರೆ ಪೌಲಾ.

also read: ಸುಶಾಂತ್‌ಗೂ ತಟ್ಟಿತ್ತು Me Too ಬಿಸಿ! ಅವರ ಪಾಲಿನ 4 ಕರಾಳ ರಾತ್ರಿಗಳ ವಿವರ ಇಲ್ಲಿದೆ..!