ಮೇಡ್‌ ಇನ್‌ ಚೈನಾದಲ್ಲಿ ಮೌನಿ ರಾಯ್‌

ನಾಗಿನ್‌ ಸೀರಿಯಲ್‌ ಖ್ಯಾತಿಯ ನಟಿ ಮೌನಿ ರಾಯ್‌, ಬಾಲಿವುಡ್‌ ನಟ ರಾಜ್‌ಕುಮಾರ್‌ ರಾವ್‌ ನಟನೆಯ ಮೇಡ್‌ ಇನ್‌ ಚೈನಾ ಸಿನಿಮಾದ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಇದು ಅವರ ಮೂರನೇ ಬಾಲಿವುಡ್‌ ಸಿನಿಮಾವಾಗಿದೆ. ಮೌನಿ ರಾಯ್‌ ಕೈಯಲ್ಲಿ ಈಗಾಗಲೇ ಅಕ್ಷ ಯ್‌ ಕುಮಾರ್‌ ನಟನೆಯ ಗೋಲ್ಡ್‌ ಮತ್ತು ರಣಬೀರ್‌ ಕಪೂರ್‌ ನಟನೆಯ ಬ್ರಹ್ಮಾಸ್ತ್ರ ಸಿನಿಮಾಗಳಿವೆ.

ದಿನೇಶ್‌ ವಿಜನ್‌ ನಿರ್ಮಾಣದ ಕಾಮಿಡಿ ಸಿನಿಮಾ ಮೇಡ್‌ ಇನ್‌ ಚೈನಾದಲ್ಲಿ ಮೌನಿ ರಾಯ್‌, ರಾಜ್‌ಕುಮಾರ್‌ ರಾವ್‌ ಅವರ ಪತ್ನಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಸೆಪ್ಟೆಂಬರ್‌ನಲ್ಲಿ ಈ ಸಿನಿಮಾದ ಚಿತ್ರೀಕರಣ ಆರಂಭವಾಗಲಿದ್ದು, ಮುಂಬಯಿ, ಗುಜರಾತ್‌ ಮತ್ತು ಚೀನಾದಲ್ಲಿ ಸಿನಿಮಾ ದೃಶ್ಯಗಳ ಚಿತ್ರೀಕರಣ ನಡೆಯಲಿದೆ.