ಧೋನಿ ಲುಂಗಿ ಡ್ಯಾನ್ಸ್ ತೆರೆಯ ಹಿಂದಿನ ಸೀನ್ ಇದು

ಭಾರತ ಕ್ರಿಕೆಟ್ ತಂಡದ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರ ಲುಂಗಿ ಡ್ಯಾನ್ಸ್ ಜಾಹೀರಾತು ನೋಡಿರುತ್ತೀರ. ಗಾಡ್ ಆಫ್ ಡ್ಯಾನ್ಸ್ ಎಂಬ ಖ್ಯಾತಿಯ ಪ್ರಭುದೇವ ಜತೆಗೆ ಸ್ಟೆಪ್ ಹಾಕಿದ್ದನ್ನು ಮರೆಯಲು ಸಾಧ್ಯವೇ?

ಜಾಹೀರಾತಿನಲ್ಲಿ ಧೋನಿಯ ಲುಂಗಿ ಡ್ಯಾನ್ಸ್ ಸ್ಟೆಪ್ಪಿಗೆ ಅಭಿಮಾನಿಗಳು ಫಿದಾ ಆಗಿದ್ದರು. ಇದೀಗ ಅದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಫೇಸ್‌ಬುಕ್‌ನಲ್ಲಿ ಸಖತ್ ವೈರಲ್ ಆಗಿದೆ. 2016ರಲ್ಲಿ ಬಂದಂತಹ ಜಾಹೀರಾತು ಇದು. ಆಗ ಧೋನಿ ಬ್ರಾಂಡ್ ಅಂಬಾಸಿಡರ್ ಆಗಿದ್ದರು.

ಅದಕ್ಕೆ ಸಂಬಂಧಿಸಿದ ಜಾಹೀರಾತು ಚಿತ್ರೀಕರಣದ ವಿಡಿಯೋ ತುಣುಕೊಂದು ಈಗ ಅಭಿಮಾನಿಗಳನ್ನು ಸೆಳೆಯುತ್ತಿದೆ. ಲುಂಗಿ ಕಟ್ಟಿಕೊಳ್ಳುವುದು, ಸ್ಟೆಪ್ ಹೇಗೆ ಹಾಕಬೇಕು ಎಂಬುದನ್ನು ಪ್ರಭುದೇವ ಹೇಳಿಕೊಡುತ್ತಿರುವ ವಿಡಿಯೋ ಇದು.

ಲುಂಗಿ ಡ್ಯಾನ್ಸ್ ಬ್ಯಾಟು ಬೀಸಿದಷ್ಟು ಸುಲಭವಲ್ಲ ಎಂಬುದು ಬಹುಶಃ ಧೋನಿಗೆ ಗೊತ್ತಾದಂತಿದೆ. ಒಂದೇ ಟೇಕ್‌ನಲ್ಲಿ ಧೋನಿಗೆ ಲುಂಗಿ ಡ್ಯಾನ್ಸ್ ಸ್ಟೆಪ್ ಹಾಕುವುದು ಸಾಧ್ಯವಾಗಿಲ್ಲ. ಇದು ಹಳೆಯದಾದರೂ ಅಭಿಮಾನಿಗಳು ಮಾತ್ರ ಇನ್ನೂ ಹೊಸದು ಎಂಬಂತೆ ನೋಡುತ್ತಿದ್ದಾರೆ. ವಿಡಿಯೋ ಮೇಲೆ ನೀವು ಒಮ್ಮೆ ಕಣ್ಣಾಡಿಸಿ.