ಸೀಕ್ರೆಟ್‌ ಹೇಳಿ ರೋಮಾಂಚನಗೊಳಿಸಿದ ನಟಿ ದೀಪಿಕಾ ಪಡುಕೋಣೆ

ಬಾಲಿವುಡ್‌ನ ಪ್ರತಿಭಾನ್ವಿತ ನಟಿ ದೀಪಿಕಾ ಪಡುಕೋಣೆ ಅವರು ತಮ್ಮ ವೈಯಕ್ತಿಕ ಸಾಕಷ್ಟು ಸೀಕ್ರೆಟ್‌ಗಳನ್ನು ಬಹಿರಂಗಗೊಳಿಸಿದ್ದಾರೆ. ಅವರು ತಮ್ಮ ಫೇವರೆಟ್ ಹಾಲಿಡೇ ಸ್ಪಾಟ್, ಪದೇ ಪದೇ ಹೋಗಲು ಇಷ್ಟಪಡುವ ಜಾಗ, ತಿಂಡಿ, ಮುಂತಾದ ಅನೇಕ ವಿಷಯಗಳನ್ನು ಬಹಿರಂಗ ಪಡಿಸಿದ್ದು ಇದು ಬಹಳಷ್ಟು ಜನರಿಗೆ, ಅದರಲ್ಲೂ ವಿಶೇಷವಾಗಿ ದೀಪಿಕಾ ಅಭಿಮಾನಿಗಳಿಗೆ ದಿ ಬೆಸ್ಟ್ ಟಿಪ್ಸ್ ಎನ್ನಬಹುದು.

ಕಳೆದ ವರ್ಷ ನವೆಂಬರ್‌ನಲ್ಲಿ ಬಾಲಿವುಡ್ ನಟ ರಣ್‌ವೀರ್ ಸಿಂಗ್ ಅವರನ್ನು ಮದುವೆಯಾಗಿ ಸುಖದಾಂಪತ್ಯ ನಡೆಸುತ್ತಿರುವುದು ಗೊತ್ತೇ ಇದೆ. ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತ ದೀಪಿಕಾ ಅವರು " ಮುಂಬೈ ಮತ್ತು ನ್ಯೂಯಾರ್ಕ್‌ಗಳಲ್ಲಿ ತುಂಬಾ ಒಳ್ಳೆಯ ಫುಡ್ ಸಿಗುತ್ತದೆ. ಆದರೆ, ತಾವು ಆಗಾಗ ಭೇಟಿ ನೀಡಲು ಬಯಸುವ ಸ್ಥಳ ಮೆಕ್ಸಿಕೋ ಎಂದಿದ್ದಾರೆ. ಅಷ್ಟೇ ಅಲ್ಲ, ನಟಿ ದೀಪಿಕಾ ಅವರು ಮೆಕ್ಸಿಕೋದ ಪ್ರಿನ್ಸ್ ಡಯಾನಾ ಅವರ ಮಾರ್ಗದಶ್ನ ಪಡೆಯಲು ತುಂಬಾ ಉತ್ಸುಕರಾಗಿದ್ದಾರಂತೆ. ಜೊತೆಗೆ, ಪ್ರಿನ್ಸ್ ಡಯಾನಾ ಅವರನ್ನು ಭಾರತಕ್ಕೆ ಕರೆತಂದು ತಮ್ಮ ಶ್ರೀಮಂತ ಬಂಗಲೆಯನ್ನು ಅವರಿಗೆ ತೋರಿಸಲು ತಾವು ಬಯಸುವುದಾಗಿ ನಟಿ ದೀಪಿಕಾ ಪಡುಕೋಣೆ ಹೇಳಿದ್ದಾರೆ.

ಇತ್ತೀಚಿಗೆ ಹಾಲಿವುಡ್ ಚಿತ್ರದ್ದಲ್ಲೂ ನಟಿಸುತ್ತಿರುವ ನಟಿ ದೀಪಿಕಾ ಅವರು, ತಾವು ತಮ್ಮ ಕನಸಿನ ನಟ ಲಿಯೋನಾರ್ಡೋ ಡಿ ಕಾಪ್ರಿಯೋ ಅವರೊಂದಿಗೆ ನಟಿಸುವುದು ತಮ್ಮ ಬಹುದೊಡ್ಡ ಕನಸು ಎಂಬ ಸತ್ಯವನ್ನು ಹೊರಗೆ ಬಿಟ್ಟಿದ್ದಾರೆ. ಅವರೊಂದಿಗೆ ಮತ್ತೆ ತಾವು ಟೈಟಾನಿಕ ಸಿನಿಮಾದಲ್ಲಿ ನಟಿಸುವ ಕನಸು ಕಾಣುತ್ತಿರುವುದಾಗಿ ನಟಿ ದೀಪಿಕಾ ಅವರು ಹೇಳಿಕೊಂಡಿದ್ದಾರೆ.

ಇತ್ತೀಚಿಗೆ ತಮ್ಮ ಹಾಲಿವುಡ್ ಪ್ರಾಜೆಕ್ಟ್‌ಗೋಸ್ಕರ ಲಂಡನ್‌ನಲ್ಲಿ ಇರುವ ನಟಿ ದೀಪಿಕಾ ಅವರು, ಸದ್ಯಕ್ಕೆ ಬಾಲಿವುಡ್ ಚಿತ್ರವೊಂದರಲ್ಲೂ ನಟಿಸುತ್ತಿದ್ದಾರೆ. ಅದು ಆಸಿಡ್ ಸಂತ್ರಸ್ತೆ ಲಕ್ಷ್ಮಿ ಅಗರವಾಲ್ ಅವರ ಲೈಫ್ ಸ್ಟೋರಿ ಆಧಾರಿತ 'ಚಪಾಕ್' ಎಂಬ ಹೆಸರಿನ ಚಿತ್ರವಾಗಿದೆ. ಈ ಚಿತ್ರದ ನಾಯಕ ವಿಕ್ರಾಂತ್ ಮಾಸಿ. ಈ ಚಿತ್ರವನ್ನು 'ರಾಝಿ' ಖ್ಯಾತಿಯ ಮೇಘನಾ ಗುಲ್ಜಾರ್ ನಿರ್ದೇಶನ ಮಾಡುತ್ತಿದ್ದಾರೆ. ಒಟ್ಟಿನಲ್ಲಿ, ದೀಪಿಕಾ ತಮ್ಮ ಅಭಿಮಾನಿಗಳಿಗೆ ತಮ್ಮ ಸಾಕಷ್ಟು ಸೀಕ್ರೆಟ್‌ಗಳನ್ನು ಹೇಳಿ ರೋಮಾಂಚನಗೊಳಿಸಿದ್ದಾರೆ ಎನ್ನಬಹುದು.