ಆನ್ಲೈನ್ ಗೇಮ್ ‘ಸೆಲ್ಮನ್ ಭೋಯ್’ ವಿರುದ್ಧ ಬಾಲಿವುಡ್ ನಟ ಸಲ್ಮಾನ್ ಖಾನ್ ಕೋರ್ಟ್ ಮೆಟ್ಟಿಲೇರಿದ್ದರು. ನಟ ಸಲ್ಮಾನ್ ಖಾನ್ ಅವರ ಹಿಟ್ ಅಂಡ್ ರನ್ ಕೇಸ್ ಮೇಲೆ ಆನ್ಲೈನ್ ಗೇಮ್ ‘ಸೆಲ್ಮನ್ ಭೋಯ್’ ಆಧಾರಿತವಾಗಿದೆ ಎನ್ನಲಾಗಿದೆ. ಹೀಗಾಗಿ ಅದನ್ನು ನಿರ್ಬಂಧಿಸುವಂತೆ ಕೋರ್ಟ್ಗೆ ನಟ ಸಲ್ಮಾನ್ ಖಾನ್ ಮನವಿ ಸಲ್ಲಿಸಿದ್ದರು. ಈ ಕುರಿತು ವಿಚಾರಣೆ ನಡೆಸಿದ ಮುಂಬೈ ಸಿವಿಲ್ ಕೋರ್ಟ್, ‘ಸೆಲ್ಮನ್ ಭೋಯ್’ ಆನ್ಲೈನ್ ಗೇಮ್ಗೆ ತಾತ್ಕಾಲಿಕ ನಿರ್ಬಂಧ ವಿಧಿಸಿ ಆದೇಶಿಸಿದೆ. ಏನಿದು ಸೆಲ್ಮನ್ ಭೋಯ್ (Selmon Bhoi)?
ಸೆಲ್ಮನ್ ಭೋಯ್ ಎಂಬುದು ಆನ್ಲೈನ್ ಮೊಬೈಲ್ ಗೇಮ್. ಪ್ಯಾರೋಡಿ ಸ್ಟುಡಿಯೋಸ್ ಪ್ರೈವೇಟ್ ಲಿಮಿಟೆಡ್ ಎಂಬ ಕಂಪನಿ ಈ ಸೆಲ್ಮನ್ ಭೋಯ್ ಎಂಬ ಆನ್ಲೈನ್ ಮೊಬೈಲ್ ಗೇಮ್ ತಯಾರಿಸಿದೆ. ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರ ಹಿಟ್ ಅಂಡ್ ರನ್ ಕೇಸ್ ಮೇಲೆ ಈ ಗೇಮ್ ಆಧಾರಿತವಾಗಿದೆ ಎಂಬ ಮಾತುಗಳು ಕೇಳಿಬರುತ್ತಿದೆ.
ಕಳೆದ ತಿಂಗಳೇ ಅರ್ಜಿ ಸಲ್ಲಿಸಿದ್ದ ಸಲ್ಮಾನ್ ಖಾನ್
‘ಸೆಲ್ಮನ್ ಭೋಯ್’ ಆನ್ಲೈನ್ ಮೊಬೈಲ್ ಗೇಮ್ ವಿರುದ್ಧ ಕಳೆದ ತಿಂಗಳೇ ಸಲ್ಮಾನ್ ಖಾನ್ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು. ಆನ್ಲೈನ್ ಗೇಮ್ನಲ್ಲಿ ಪ್ರದರ್ಶಿಸಲಾದ ಹೆಸರು ಮತ್ತು ಚಿತ್ರಗಳು ತಮ್ಮ ವ್ಯಂಗ್ಯ ಚಿತ್ರ ಆವೃತ್ತಿಯಂತೆ ಕಾಣುತ್ತದೆ ಎಂದು ತಮ್ಮ ಅರ್ಜಿಯಲ್ಲಿ ಸಲ್ಮಾನ್ ಖಾನ್ ತಿಳಿಸಿದ್ದರು. ಹಾಗೇ, ಅಭಿಮಾನಿಗಳು ತಮ್ಮನ್ನು ಪ್ರೀತಿಯಿಂದ ಕರೆಯುವ ‘ಸಲ್ಮಾನ್ ಭಾಯ್’ ಹೆಸರಿನಂತೆಯೇ ಆನ್ಲೈನ್ ಗೇಮ್ಗೆ ‘ಸೆಲ್ಮನ್ ಭೋಯ್’ ಅಂತ ಹೆಸರಿಡಲಾಗಿದೆ ಎಂದು ಸಲ್ಮಾನ್ ಖಾನ್ ಆರೋಪಿಸಿದ್ದರು.
‘’ಸೆಲ್ಮನ್ ಭೋಯ್’ ಆಟದ ತಯಾರಕರು ಉದ್ದೇಶಪೂರ್ವಕವಾಗಿಯೇ ಸಲ್ಮಾನ್ ಖಾನ್ ಅವರ ಒಪ್ಪಿಗೆ ಪಡೆಯದೆ, ಸಲ್ಮಾನ್ ಖಾನ್ ಅವರ ವ್ಯಕ್ತಿತ್ವದ ಹಕ್ಕುಗಳನ್ನು ಬಳಸಿಕೊಂಡು, ವಾಣಿಜ್ಯ ಲಾಭವನ್ನು ಮಾಡಿಕೊಳ್ಳುತ್ತಿದ್ದಾರೆ’’ ಎಂದು ಸಲ್ಮಾನ್ ಖಾನ್ ಪರ ವಕೀಲರು ವಾದಿಸಿದ್ದರು.
ನ್ಯಾಯಾಲಯದ ಆದೇಶವೇನು?
‘’ಸೆಲ್ಮನ್ ಭೋಯ್’ ಆಟ ಮತ್ತು ಅದರ ಚಿತ್ರಗಳನ್ನು ವೀಕ್ಷಿಸಿದ ನಂತರ, ಇದು ಸಲ್ಮಾನ್ ಖಾನ್ ಅವರ ಗುರುತು ಮತ್ತು ಹಿಟ್ ಅಂಡ್ ರನ್ ಪ್ರಕರಣವನ್ನೇ ಹೋಲುತ್ತದೆ ಎಂಬುದು ಮೇಲ್ನೋಟಕ್ಕೆ ಗೋಚರಿಸುತ್ತದೆ’’ ಎಂದು ಮುಂಬೈ ಸಿವಿಲ್ ನ್ಯಾಯಾಲಯ ಅಭಿಪ್ರಾಯ ಪಟ್ಟಿದೆ.
‘’ಆಟವನ್ನು ಅಭಿವೃದ್ಧಿ ಪಡಿಸಲು ಸಲ್ಮಾನ್ ಖಾನ್ ಒಪ್ಪಿಗೆ ನೀಡದಿದ್ದಾಗ, ಆಟವು ಸಲ್ಮಾನ್ ಖಾನ್ ಅವರ ಗುರುತು ಹಾಗೂ ಅವರ ವಿರುದ್ಧದ ಪ್ರಕರಣವನ್ನು ಹೋಲುವಾಗ, ಖಂಡಿತವಾಗಿಯೂ ಇದು ಸಲ್ಮಾನ್ ಖಾನ್ ಅವರ ಖಾಸಗಿತನಕ್ಕೆ ಧಕ್ಕೆ ಉಂಟು ಮಾಡುತ್ತದೆ. ಇದರಿಂದ ಅವರ ಪ್ರತಿಷ್ಠೆಯೂ ಹಾಳಾಗುತ್ತದೆ’’ ಎಂದು ಮುಂಬೈ ಸಿವಿಲ್ ಕೋರ್ಟ್ ನ್ಯಾಯಮೂರ್ತಿ ಕೆ.ಎಂ.ಜೈಸ್ವಾಲ್ ಹೇಳಿದ್ದಾರೆ.
ಆಟದ ತಯಾರಕರು ಸಲ್ಮಾನ್ ಖಾನ್ ಗುರುತನ್ನು ಮತ್ತು ಜನಪ್ರಿಯತೆಯನ್ನು ವಾಣಿಜ್ಯ ಲಾಭಕ್ಕಾಗಿ ಬಳಸಿದ್ದಾರೆ ಎಂಬುದನ್ನು ಪರಿಗಣಿಸಿರುವ ನ್ಯಾಯಾಲಯ ‘ಸೆಲ್ಮನ್ ಭೋಯ್’ ಆನ್ಲೈನ್ ಗೇಮ್ಗೆ ತಾತ್ಕಾಲಿಕ ನಿರ್ಬಂಧ ವಿಧಿಸಿ ಆದೇಶಿಸಿದೆ. ಆದೇಶದ ಅನ್ವಯ ಈ ಆನ್ಲೈನ್ ಗೇಮ್ ತಯಾರಕರು ಆಟವನ್ನು ಪ್ರಸಾರ ಮಾಡುವುದು, ಪ್ರಾರಂಭಿಸುವುದು, ಮರು ಆರಂಭಿಸುವುದು, ಮರು ಸೃಷ್ಟಿಸುವುದು ಅಥವಾ ನಟ ಸಲ್ಮಾನ್ ಖಾನ್ಗೆ ಸಂಬಂಧಿಸಿದಂತೆ ಯಾವುದೇ ವಿಷಯವನ್ನು ಸೃಷ್ಟಿಸುವುದನ್ನು ನ್ಯಾಯಾಲಯ ನಿರ್ಬಂಧಿಸಿದೆ.
ಗೂಗಲ್ ಪ್ಲೇ ಸ್ಟೋರ್ ಮತ್ತು ಎಲ್ಲಾ ಇತರೆ ಪ್ಲಾಟ್ಫಾರ್ಮ್ಗಳಿಂದ ಆಟವನ್ನು ತಕ್ಷಣವೇ ನಿರ್ಬಂಧಿಸಲು ಮತ್ತು ನಿಷ್ಕ್ರಿಯಗೊಳಿಸಲು ನ್ಯಾಯಾಲಯವು ಆಟದ ತಯಾರಕರಿಗೆ ಸೂಚಿಸಿದೆ. ಹಾಗೇ, ಆಟದ ತಯಾರಕರು ತಮ್ಮ ಅಫಿಡವಿಟ್ ಸಲ್ಲಿಸುವಂತೆ ಕೋರ್ಟ್ ಸೂಚಿಸಿದೆ. ಸೆಪ್ಟೆಂಬರ್ 20ಕ್ಕೆ ವಿಚಾರಣೆ ಮುಂದೂಡಲಾಗಿದೆ.
ಸಲ್ಮಾನ್ ಖಾನ್ ಹಿಟ್ ಅಂಡ್ ರನ್ ಕೇಸ್
ಸೆಪ್ಟೆಂಬರ್ 2002ರಲ್ಲಿ ಸಲ್ಮಾನ್ ಖಾನ್ ಅವರ ಟೊಯೊಟಾ ಲ್ಯಾಂಡ್ ಕ್ರೂಸರ್ ವಾಹನ ಅಡ್ಡಾದಿಡ್ಡಿ ಚಲಿಸಿ ಅಮೇರಿಕನ್ ಎಕ್ಸ್ಪ್ರೆಸ್ ಲಾಂಡ್ರಿಯ ಫುಟ್ಪಾತ್ನಲ್ಲಿದ್ದ ಒಬ್ಬ ವ್ಯಕ್ತಿಯ ಸಾವಿಗೆ ಕಾರಣವಾಗಿತ್ತು. ಸಲ್ಮಾನ್ ಖಾನ್ ಆರೋಪಿಯಾಗಿದ್ದ ಹಿಟ್ ಅಂಡ್ ರನ್ ಕೇಸ್ ಕುರಿತಾಗಿ ಸೆಷನ್ಸ್ ಕೋರ್ಟ್ ಐದು ವರ್ಷ ಶಿಕ್ಷೆ ವಿಧಿಸಿತ್ತು. ಸೆಷನ್ಸ್ ಕೋರ್ಟ್ ತೀರ್ಪು ಪ್ರಶ್ನಿಸಿ ಸಲ್ಮಾನ್ ಖಾನ್ ಬಾಂಬೆ ಹೈಕೋರ್ಟ್ ಮೆಟ್ಟಿಲೇರಿದ್ದರು. 2015ರಲ್ಲಿ ಈ ಪ್ರಕರಣದಿಂದ ಸಲ್ಮಾನ್ ಖಾನ್ ಅವರನ್ನು ಖುಲಾಸೆಗೊಳಿಸಿ ಬಾಂಬೆ ಹೈಕೋರ್ಟ್ ಆದೇಶ ಹೊರಡಿಸಿತ್ತು.
ಸೆಲ್ಮನ್ ಭೋಯ್ ಎಂಬುದು ಆನ್ಲೈನ್ ಮೊಬೈಲ್ ಗೇಮ್. ಪ್ಯಾರೋಡಿ ಸ್ಟುಡಿಯೋಸ್ ಪ್ರೈವೇಟ್ ಲಿಮಿಟೆಡ್ ಎಂಬ ಕಂಪನಿ ಈ ಸೆಲ್ಮನ್ ಭೋಯ್ ಎಂಬ ಆನ್ಲೈನ್ ಮೊಬೈಲ್ ಗೇಮ್ ತಯಾರಿಸಿದೆ. ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರ ಹಿಟ್ ಅಂಡ್ ರನ್ ಕೇಸ್ ಮೇಲೆ ಈ ಗೇಮ್ ಆಧಾರಿತವಾಗಿದೆ ಎಂಬ ಮಾತುಗಳು ಕೇಳಿಬರುತ್ತಿದೆ.
ಕಳೆದ ತಿಂಗಳೇ ಅರ್ಜಿ ಸಲ್ಲಿಸಿದ್ದ ಸಲ್ಮಾನ್ ಖಾನ್
‘ಸೆಲ್ಮನ್ ಭೋಯ್’ ಆನ್ಲೈನ್ ಮೊಬೈಲ್ ಗೇಮ್ ವಿರುದ್ಧ ಕಳೆದ ತಿಂಗಳೇ ಸಲ್ಮಾನ್ ಖಾನ್ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು. ಆನ್ಲೈನ್ ಗೇಮ್ನಲ್ಲಿ ಪ್ರದರ್ಶಿಸಲಾದ ಹೆಸರು ಮತ್ತು ಚಿತ್ರಗಳು ತಮ್ಮ ವ್ಯಂಗ್ಯ ಚಿತ್ರ ಆವೃತ್ತಿಯಂತೆ ಕಾಣುತ್ತದೆ ಎಂದು ತಮ್ಮ ಅರ್ಜಿಯಲ್ಲಿ ಸಲ್ಮಾನ್ ಖಾನ್ ತಿಳಿಸಿದ್ದರು. ಹಾಗೇ, ಅಭಿಮಾನಿಗಳು ತಮ್ಮನ್ನು ಪ್ರೀತಿಯಿಂದ ಕರೆಯುವ ‘ಸಲ್ಮಾನ್ ಭಾಯ್’ ಹೆಸರಿನಂತೆಯೇ ಆನ್ಲೈನ್ ಗೇಮ್ಗೆ ‘ಸೆಲ್ಮನ್ ಭೋಯ್’ ಅಂತ ಹೆಸರಿಡಲಾಗಿದೆ ಎಂದು ಸಲ್ಮಾನ್ ಖಾನ್ ಆರೋಪಿಸಿದ್ದರು.
‘’ಸೆಲ್ಮನ್ ಭೋಯ್’ ಆಟದ ತಯಾರಕರು ಉದ್ದೇಶಪೂರ್ವಕವಾಗಿಯೇ ಸಲ್ಮಾನ್ ಖಾನ್ ಅವರ ಒಪ್ಪಿಗೆ ಪಡೆಯದೆ, ಸಲ್ಮಾನ್ ಖಾನ್ ಅವರ ವ್ಯಕ್ತಿತ್ವದ ಹಕ್ಕುಗಳನ್ನು ಬಳಸಿಕೊಂಡು, ವಾಣಿಜ್ಯ ಲಾಭವನ್ನು ಮಾಡಿಕೊಳ್ಳುತ್ತಿದ್ದಾರೆ’’ ಎಂದು ಸಲ್ಮಾನ್ ಖಾನ್ ಪರ ವಕೀಲರು ವಾದಿಸಿದ್ದರು.
ನ್ಯಾಯಾಲಯದ ಆದೇಶವೇನು?
‘’ಸೆಲ್ಮನ್ ಭೋಯ್’ ಆಟ ಮತ್ತು ಅದರ ಚಿತ್ರಗಳನ್ನು ವೀಕ್ಷಿಸಿದ ನಂತರ, ಇದು ಸಲ್ಮಾನ್ ಖಾನ್ ಅವರ ಗುರುತು ಮತ್ತು ಹಿಟ್ ಅಂಡ್ ರನ್ ಪ್ರಕರಣವನ್ನೇ ಹೋಲುತ್ತದೆ ಎಂಬುದು ಮೇಲ್ನೋಟಕ್ಕೆ ಗೋಚರಿಸುತ್ತದೆ’’ ಎಂದು ಮುಂಬೈ ಸಿವಿಲ್ ನ್ಯಾಯಾಲಯ ಅಭಿಪ್ರಾಯ ಪಟ್ಟಿದೆ.
‘’ಆಟವನ್ನು ಅಭಿವೃದ್ಧಿ ಪಡಿಸಲು ಸಲ್ಮಾನ್ ಖಾನ್ ಒಪ್ಪಿಗೆ ನೀಡದಿದ್ದಾಗ, ಆಟವು ಸಲ್ಮಾನ್ ಖಾನ್ ಅವರ ಗುರುತು ಹಾಗೂ ಅವರ ವಿರುದ್ಧದ ಪ್ರಕರಣವನ್ನು ಹೋಲುವಾಗ, ಖಂಡಿತವಾಗಿಯೂ ಇದು ಸಲ್ಮಾನ್ ಖಾನ್ ಅವರ ಖಾಸಗಿತನಕ್ಕೆ ಧಕ್ಕೆ ಉಂಟು ಮಾಡುತ್ತದೆ. ಇದರಿಂದ ಅವರ ಪ್ರತಿಷ್ಠೆಯೂ ಹಾಳಾಗುತ್ತದೆ’’ ಎಂದು ಮುಂಬೈ ಸಿವಿಲ್ ಕೋರ್ಟ್ ನ್ಯಾಯಮೂರ್ತಿ ಕೆ.ಎಂ.ಜೈಸ್ವಾಲ್ ಹೇಳಿದ್ದಾರೆ.
ಆಟದ ತಯಾರಕರು ಸಲ್ಮಾನ್ ಖಾನ್ ಗುರುತನ್ನು ಮತ್ತು ಜನಪ್ರಿಯತೆಯನ್ನು ವಾಣಿಜ್ಯ ಲಾಭಕ್ಕಾಗಿ ಬಳಸಿದ್ದಾರೆ ಎಂಬುದನ್ನು ಪರಿಗಣಿಸಿರುವ ನ್ಯಾಯಾಲಯ ‘ಸೆಲ್ಮನ್ ಭೋಯ್’ ಆನ್ಲೈನ್ ಗೇಮ್ಗೆ ತಾತ್ಕಾಲಿಕ ನಿರ್ಬಂಧ ವಿಧಿಸಿ ಆದೇಶಿಸಿದೆ. ಆದೇಶದ ಅನ್ವಯ ಈ ಆನ್ಲೈನ್ ಗೇಮ್ ತಯಾರಕರು ಆಟವನ್ನು ಪ್ರಸಾರ ಮಾಡುವುದು, ಪ್ರಾರಂಭಿಸುವುದು, ಮರು ಆರಂಭಿಸುವುದು, ಮರು ಸೃಷ್ಟಿಸುವುದು ಅಥವಾ ನಟ ಸಲ್ಮಾನ್ ಖಾನ್ಗೆ ಸಂಬಂಧಿಸಿದಂತೆ ಯಾವುದೇ ವಿಷಯವನ್ನು ಸೃಷ್ಟಿಸುವುದನ್ನು ನ್ಯಾಯಾಲಯ ನಿರ್ಬಂಧಿಸಿದೆ.
ಗೂಗಲ್ ಪ್ಲೇ ಸ್ಟೋರ್ ಮತ್ತು ಎಲ್ಲಾ ಇತರೆ ಪ್ಲಾಟ್ಫಾರ್ಮ್ಗಳಿಂದ ಆಟವನ್ನು ತಕ್ಷಣವೇ ನಿರ್ಬಂಧಿಸಲು ಮತ್ತು ನಿಷ್ಕ್ರಿಯಗೊಳಿಸಲು ನ್ಯಾಯಾಲಯವು ಆಟದ ತಯಾರಕರಿಗೆ ಸೂಚಿಸಿದೆ. ಹಾಗೇ, ಆಟದ ತಯಾರಕರು ತಮ್ಮ ಅಫಿಡವಿಟ್ ಸಲ್ಲಿಸುವಂತೆ ಕೋರ್ಟ್ ಸೂಚಿಸಿದೆ. ಸೆಪ್ಟೆಂಬರ್ 20ಕ್ಕೆ ವಿಚಾರಣೆ ಮುಂದೂಡಲಾಗಿದೆ.
ಸಲ್ಮಾನ್ ಖಾನ್ ಹಿಟ್ ಅಂಡ್ ರನ್ ಕೇಸ್
ಸೆಪ್ಟೆಂಬರ್ 2002ರಲ್ಲಿ ಸಲ್ಮಾನ್ ಖಾನ್ ಅವರ ಟೊಯೊಟಾ ಲ್ಯಾಂಡ್ ಕ್ರೂಸರ್ ವಾಹನ ಅಡ್ಡಾದಿಡ್ಡಿ ಚಲಿಸಿ ಅಮೇರಿಕನ್ ಎಕ್ಸ್ಪ್ರೆಸ್ ಲಾಂಡ್ರಿಯ ಫುಟ್ಪಾತ್ನಲ್ಲಿದ್ದ ಒಬ್ಬ ವ್ಯಕ್ತಿಯ ಸಾವಿಗೆ ಕಾರಣವಾಗಿತ್ತು. ಸಲ್ಮಾನ್ ಖಾನ್ ಆರೋಪಿಯಾಗಿದ್ದ ಹಿಟ್ ಅಂಡ್ ರನ್ ಕೇಸ್ ಕುರಿತಾಗಿ ಸೆಷನ್ಸ್ ಕೋರ್ಟ್ ಐದು ವರ್ಷ ಶಿಕ್ಷೆ ವಿಧಿಸಿತ್ತು. ಸೆಷನ್ಸ್ ಕೋರ್ಟ್ ತೀರ್ಪು ಪ್ರಶ್ನಿಸಿ ಸಲ್ಮಾನ್ ಖಾನ್ ಬಾಂಬೆ ಹೈಕೋರ್ಟ್ ಮೆಟ್ಟಿಲೇರಿದ್ದರು. 2015ರಲ್ಲಿ ಈ ಪ್ರಕರಣದಿಂದ ಸಲ್ಮಾನ್ ಖಾನ್ ಅವರನ್ನು ಖುಲಾಸೆಗೊಳಿಸಿ ಬಾಂಬೆ ಹೈಕೋರ್ಟ್ ಆದೇಶ ಹೊರಡಿಸಿತ್ತು.