'ನನ್ನ ಪತ್ನಿ ಹಿಂದೂ, ನಾನು ಮುಸ್ಲಿಂ, ನನ್ನ ಮಕ್ಕಳು ಹಿಂದೂಸ್ಥಾನ್'; ಶಾರುಖ್ ಖಾನ್ ಹೀಗೆನ್ನಲು ಕಾರಣ?

ಶಾಲಾ ಅರ್ಜಿಯಲ್ಲಿ ಧರ್ಮ ಅಂತಿದೆ, ಏನನ್ನು ಬರೆಯಬೇಕು ಅಪ್ಪಾ ಎಂದು ಕೇಳಿದ್ದಳಂತೆ ಸುಹಾನಾ. ಆಗ ಶಾರುಖ್ ಖಾನ್, "ನಮಗೆ ಯಾವುದೇ ಧರ್ಮ ಇಲ್ಲ, ನಾವೆಲ್ಲಾ ಭಾರತೀಯರು" ಎಂದು ಹೇಳಿದ್ದಾಗಿ ಶಾರುಖ್ ತಿಳಿಸಿದ್ದಾರೆ.

ಶಾರುಖ್ ಖಾನ್ ಐಶಾರಾಮಿ ಬಂಗಲೆ 'ಮನ್ನತ್'ನಲ್ಲಿ ರೂಮ್ ಒಂದರ ಬಾಡಿಗೆ ಎಷ್ಟು?

"ನಮ್ಮ ನಡುವೆ ಹಿಂದೂ-ಮುಸ್ಲಿಂ ಎಂಬುದು ಇಲ್ಲ. ನನ್ನ ಪತ್ನಿ ಹಿಂದೂ, ನಾನೂ ಮುಸ್ಲಿಮ್, ನನ್ನ ಮಕ್ಕಳು ಭಾರತೀಯರು. ಆದರೆ ಅವರು ಶಾಲೆಗೆ ಹೋದಾಗ "ಧರ್ಮ" ಯಾವುದು ಎಂದು ಅರ್ಜಿಯಲ್ಲಿ ಬರೆಯಬೇಕಾಗಿತ್ತು. ಹಾಗಾಗಿ ನನ್ನ ಮಾಗಳು "ನಮ್ಮ ಧರ್ಮ ಯಾವುದು?" ಎಂದು ಕೇಳಿದ್ದಳು. ನಮಗೆ ಯಾವುದೇ ಧರ್ಮ ಇಲ್ಲ, ನಾವು ಭಾರತೀಯರು ಎಂದು ಬರೆಯಲು ಹೇಳಿದ್ದಾಗಿ ತಿಳಿಸಿದ್ದಾರೆ. ಶಾರುಖ್‌ ಮಾತಿಗೆ ಅಭಿಮಾನಿಗಳು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಈ ಹಿಂದೊಮ್ಮೆ ಶಾರುಖ್ ಖಾನ್ ಮಾತನಾಡುತ್ತಾ, ನಮ್ಮ ಮನೆಯಲ್ಲಿ ಯಾವುದೇ ಧರ್ಮದ ಹೇರಿಕೆ ಇಲ್ಲ ಎಂದಿದ್ದರು. "ನನ್ನ ಮಗ ಮತ್ತು ಮಗಳಿಗೆ ಜಾತಿ ವಿಶಿಷ್ಟವಾದ ಹೆಸರುಗಳನ್ನೂ ಇಟ್ಟಿಲ್ಲ. ಆರ್ಯನ್ ಹಾಗೂ ಸುಹಾನಾ ಎಂಬ ಹೆಸರುಗಳು ಪ್ಯಾನ್ ಇಂಡಿಯಾ ಹಾಗೂ ಪ್ಯಾನ್ ರಿಲೀಜಿಯಸ್" ಎಂದಿದ್ದರು.

ಇನ್ನೊಂದು ವಿಶೇಷ ಎಂದರೆ ಶಾರುಖ್ ಖಾನ್ ಮನೆಯಲ್ಲಿ ಎಲ್ಲಾ ಹಬ್ಬಗಳನ್ನು ಅಷ್ಟೇ ಉಲ್ಲಾಸ ಉತ್ಸಾಹದಿಂದ ಆಚರಿಸಲಾಗುತ್ತದೆ. ಇದಕ್ಕಾಗಿ ಹಲವಾರು ಸಲ ಟ್ರೋಲ್ ಆಗಿದ್ದೂ ಉಂಟು. ಹಣೆಗೆ ತಿಲಕ ಇಟ್ಟುಕೊಂಡಾಗ, ಗಣೇಶನಿಗೆ ನಮಸ್ಕಾರ ಮಾಡಿದಾಗ "ನಕಲಿ ಮುಸ್ಲಿಮ್" ಎಂದಿದ್ದರು. ಆದರೂ ಶಾರುಖ್ ಇದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳಲಿಲ್ಲ.

ತನ್ನ ಧರ್ಮಕ್ಕೆ ಸಂಬಂಧಿಸಿದಂತೆ ಈ ಹಿಂದೊಮ್ಮೆ ಮಾತನಾಡಿದ್ದ ಶಾರುಖ್, "ಐದು ಬಾರಿ ನಮಾಜ್ (ಪ್ರಾರ್ಥನೆ) ಓದುವ ವಿಷಯದಲ್ಲಿ ನಾನು ಧಾರ್ಮಿಕನಲ್ಲ. ಆದರೆ ಇಸ್ಲಾಂ ತತ್ವಗಳಲ್ಲಿ ನನಗೆ ನಂಬಿಕೆ ಇದೆ. ಇಸ್ಲಾಂ ಎಂಬುದು ಒಳ್ಳೆಯ ಧರ್ಮ ಮತ್ತು ಉತ್ತಮ ಶಿಸ್ತು ಎಂದು ನಾನು ನಂಬುತ್ತೇನೆ" ಎಂದಿದ್ದರು. ಶಾರುಖ್ ಖಾನ್ ಮದುವೆಯಾಗಿರುವ ಗೌರಿ ಅವರು ಹಿಂದೂ ಎಂಬುದು ಎಲ್ಲರಿಗೂ ಗೊತ್ತೇ ಇದೆ. ಈ ದಂಪತಿಗಳಿಗೆ ಆರ್ಯನ್, ಸುಹಾನಾ ಹಾಗೂ ಅಬ್‌ರಾಮ್ ಮೂರು ಮಕ್ಕಳಿದ್ದಾರೆ.