ಜಾಲಿ ಮೂಡ್‌ನಲ್ಲಿ ಗೋವಾದಲ್ಲಿ ನಭಾ ನಟೇಶ್‌

ಟಾಲಿವುಡ್‌ ಅಂಗಳದಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿರುವ ನಟ ನಭಾ ನಟೇಶ್‌ ಗೋವಾದ ಹೊಟೇಲ್‌ನಲ್ಲಿರುವ ಫೋಟೋಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡಿದ್ದಾರೆ. ಎಲ್ಲರೂ ಅವರು ಗೋವಾಗ ಟ್ರಿಪ್‌ ಹೋಗಿದ್ದಾರೆ ಎಂದು ಕಮೆಂಟ್‌ ಮಾಡುತ್ತಿದ್ದಾರೆ, ಆದರೆ ನಭಾ ಗೊವಾಗೆ ಹೋಗಿರುವುದು ಚಿತ್ರೀಕರಣಕ್ಕಂತೆ.

'ಪೂರಿ ಜಗನ್ನಾಥ್‌ ನಿರ್ದೇಶನದ 'ಇಸ್ಮಾರ್ಟ್‌ ಶಂಕರ್‌' ಸಿನಿಮಾದ ಶೂಟಿಂಗ್‌ಗಾಗಿ ಗೋವಾಕ್ಕೆ ಬಂದಿದ್ದೇನೆ. ವಿಚಿತ್ರ ಎಂದರೆ ನನಗೆ ಇದು ಶೂಟಿಂಗ್‌ ಎಂಬ ಭಾವನೆ ಬರುತ್ತಿಲ್ಲ. ಸಮ್ಮರ್‌ ರಜೆ ಕಳೆಯುತ್ತಿದ್ದೇನೆ ಅನ್ನಿಸುತ್ತಿದೆ. ಗೋವಾ ನನ್ನ ಫೇವರಿಟ್‌ ಜಾಗಗಳಲ್ಲಿ ಒಂದು. ಮೊದಲೆಲ್ಲಾ ಬೇಸಿಗೆ ಕಾಲ ಬಂದರೆ ಸಾಕು ಗೋವಾಗೆ ಬರುತ್ತಿದ್ದೆ. ಈ ಸಲ ಬೇಸಿಗೆಯ ಆರಂಭದ ದಿನಗಳಲ್ಲಿಯೇ ಇಲ್ಲಿಗೆ ಬಂದಿರುವುದು ಖುಷಿ ನೀಡಿದೆ. ಪ್ರತಿಯೊಂದು ಕ್ಷಣವನ್ನು ಎಂಜಾಯ್‌ ಮಾಡುತ್ತಾ ಕಳೆಯುತ್ತಿದ್ದೇನೆ' ಎನ್ನುತ್ತಾರೆ ನಟಿ ನಭಾ.

ಗೋವಾದಲ್ಲಿ ಜಾಲಿಮೂಡ್‌ನಲ್ಲಿರುವ ಫೋಟೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ನಭಾ ಅಪ್‌ಲೋಡ್‌ ಮಾಡಿದ್ದಾರೆ. ಪೂರಿ ಜಗನ್ನಾಥ್‌ ಸಿನಿಮಾದ ಜತೆಗೆ ಇನ್ನಷ್ಟು ಸಿನಿಮಾಗಳ ಆಫರ್‌ ಬರುತ್ತಿದೆಯಂತೆ. ಸದ್ಯದಲ್ಲೆ ಹೊಸ ಸಿನಿಮಾದ ಬಗ್ಗೆ ಮಾಹಿತಿ ನೀಡುತ್ತೇನೆ ಎನ್ನುತ್ತಾರವರು.