ರೈಟ್‌ ಮ್ಯಾನ್‌ ಸಿಕ್ರೆ ಖಂಡಿತಾ ಮದುವೆ ಆಗುವೆ ಎಂದ ನಗ್ಮಾ

ಸಿನಿಮಾ ಮಾತ್ರವಲ್ಲದೆ, ವೈಯಕ್ತಿಕ ಕಾರಣಗಳಿಗೂ ಸುದ್ದಿಯಾಗುವ ದಕ್ಷಿಣ ಭಾರತದ ನಟಿ ನಗ್ಮಾ ಹೊಸ ಸಂದರ್ಶನವೊಂದರಲ್ಲಿ, ಮದುವೆ ಎಂಬ ವ್ಯವಸ್ಥೆ ಬಗ್ಗೆ ನನಗೆ ಸಂಪೂರ್ಣ ನಂಬಿಕೆಯಿದೆ. ಸೂಕ್ತ ಹುಡುಗ ಸಿಕ್ಕಾಗ ಮತ್ತು ಸೂಕ್ತ ಸಮಯ ಬಂದಾಗ ನಾನು ಖಂಡಿತವಾಗಿಯೂ ಮದುವೆಯಾಗುತ್ತೇನೆ ಎಂದು ಹೇಳಿದ್ದಾರೆ.

ಸದ್ಯಕ್ಕೆ ತಮ್ಮ ಬದುಕಿನಲ್ಲಿ ಯಾರೂ ಇಲ್ಲ. ಆದರೆ ರೈಟ್‌ ಮ್ಯಾನ್‌ ಸಿಕ್ಕರೆ ತಾವು ವಿವಾಹವಾಗುವುದಾಗಿ ನಗ್ಮಾ ಸ್ಪಷ್ಟಪಡಿಸಿದ್ದಾರೆ. ಅವರ ರಿಲೇಷನ್‌ಶಿಪ್‌ ಸ್ಟೇಟಸ್‌ ಬಗ್ಗೆ ಜನರಿಗೆ ಸದಾ ಕುತುಹೂಲ ಮನೆ ಮಾಡಿರುತ್ತದೆ. ಕೆಲವು ಸಿಲೆಬ್ರಿಟಿಗಳ ಜತೆ ನಗ್ಮಾ ಹೆಸರು ಕೇಳಿ ಬಂದರೂ ಅವರು ಸದ್ಯಕ್ಕೆ ಅವಿವಾಹಿತರಾಗಿದ್ದಾರೆ. ಇದೀಗ ಅವರು ಅಲ್ಲು ಅರ್ಜುನ್‌ ಅಭಿನಯದ ಸಿನಿಮಾವೊಂದರಲ್ಲಿ ನಟಿಸುವ ಮೂಲಕ ಸತತ 12 ವರ್ಷಗಳ ಬಳಿಕ ಮತ್ತೆ ನಟನೆಗೆ ಮರಳಲಿದ್ದಾರೆ ಎಂಬ ವದಂತಿ ಹರಡಿದೆ.